Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

ଆସନ୍ତାକାଲି ରଥଯାତ୍ରା : ସିଂହଦ୍ବାର ସମ୍ମୁଖରେ ଲାଗିଲା ତିନି ରଥ, ସକାଳ ୯ଟା ୩୦ରେ ପହଣ୍ଡି

3/07/2019 at 5:20 PM

ପୁରୀ ୩|୭: ରାତି ପାହିଲେ ରଥକୁ ଆସିବେ କାଳିଆ ଠାକୁର । ଭାଇ ଭଉଣୀଙ୍କୁ ସାଥୀରେ ନେଇ ବଡ଼ଦାଣ୍ଡକୁ ଓହ୍ଲାଇବେ । ଭକ୍ତମୟ ହୋଇଉଠିଲାଣି ଶ୍ରୀକ୍ଷେତ୍ର । ଆଜି ଶ୍ରୀମନ୍ଦିରରୁ ଆଜ୍ଞାମାଳ ଆସିବା ପରେ ସିଂହଦ୍ବାର ସାମ୍ନା ରଥ ଚକଡ଼ାକୁ ଟଣା ହୋଇଥିଲେ ୩ରଥ ।

ରଥ ପସ୍ତୁତ । ପଥ ପ୍ରସ୍ତୁତ । ଅପେକ୍ଷା କେବଳ ମହାବାହୁଙ୍କ ଆଗମନକୁ । ରାତି ପାହିଲେ ରଥକୁ ଆସିବେ କାଳିଆ ଠାକୁର । ଭାଇ ଭଉଣୀଙ୍କୁ ସାଥୀରେ ନେଇ ନବଦିନାତ୍ମକ ଘୋଷଯାତ୍ରାରେ ଜନ୍ମବେଦୀ ଗୁଣ୍ଡିଚା ମନ୍ଦିରକୁ ବାହାରିବେ ମହାପ୍ରଭୁ ।  ପରମ୍ପରା ମୁତାବକ ଘଣ୍ଟ ଘଣ୍ଟା, ଛତା କାହାଳି ମଧ୍ୟରେ ଶ୍ରୀମନ୍ଦିରରୁ ଆଜ୍ଞାମାଳ ଆସିବା ପରେ ରଥଖଳାରେ ପ୍ରସ୍ତୁତ ହୋଇ ରହିଥିବା ତିନି ରଥରେ ପର୍ଯ୍ୟାୟ କ୍ରମେ ତାଳଧ୍ବଜ, ନନ୍ଦିଘୋଷ ଓ ଦର୍ପଦଳନ ରଥର ମୁଖ୍ୟ ବିଶ୍ବକର୍ମାଙ୍କୁ ପ୍ରଦାନ କରିଥିଲେ ।   ଏହାପରେ ରଥଖଳାରୁ  ସିଂହ ଦ୍ବାର ସାମ୍ନା ରଥ ଚକଡ଼ାକୁ ଟଣାଯାଇଥିଲା ତିନି ରଥ । ଭୋଇ ସେବକମାନେ ରଥ ଦଉଡ଼ି ଓ ବ୍ରେକ୍‌ ପ୍ରସ୍ତୁତ କରିବା ପରେ ପୋଲିସ ବାହିନୀ ରଥର ଇନର କର୍ଡ଼ନ କରିଥିଲେ । ତେବେ ପ୍ରଥମେ ନନ୍ଦିଘୋଷ, ପରେ ଦର୍ପଦଳନ ଓ ଶେଷରେ ତାଳଧ୍ବଜ ରଥ ଟଣା ହୋଇ ସିଂହଦ୍ବାର ସାମ୍ନାରେ ଲାଗିଥିଲେ ।

ଶ୍ରୀମନ୍ଦିର ପ୍ରଶାସନ ପକ୍ଷରୁ କରାଯାଇଥିବା ନୀତି ନିର୍ଘଣ୍ଟ ଅନୁସାରେ ଆଜି ରାତି ୯ଟା ୪୫ରେ ଶ୍ରୀମୁଖ ଖଣ୍ଡୁଆ, ୧୦ଟା ୪୫ରେ ବାହୁଟ କଣ୍ଟ ଏବଂ ରାତି ୧୧ଟାରୁ ଭୋର୍‌ ୫ଟା ପର୍ଯ୍ୟନ୍ତ ସେନାପଟା ଲାଗି କରାଯିବ । ଆସନ୍ତାକାଲି ସକାଳ ୯ଟାରେ ରଥ ପ୍ରତିଷ୍ଠା ପରେ ୯ଟା ୩୦ରୁ ଆରମ୍ଭ ହେବ ଶ୍ରୀଜିଉଙ୍କ ଧାଡ଼ି ପହଣ୍ଡି ।

ସେପଟେ ରଥଯାତ୍ରା ପାଇଁ ପୁରୀରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ମୁତୟନ ହୋଇଛନ୍ତି ୧୫୫ପ୍ଲାଟୁନ୍‌ ଫୋର୍ସ । ରଥ ପରିଚାଳନା ଦାୟିତ୍ବରେ ୨ଜଣ ଏଡିଜି, ୩୫ ଏସପି, ୮୦ ଡିଏସପି, ୬୫୦ ଇନ୍‌ସ୍‌ପେକ୍ଟରଙ୍କୁ ନିୟୋଜିତ କରାଯାଇଛି । ସେହିଭଳି ସମୁଦ୍ରକୂଳରେ ମୁତୟନ ହୋଇଛନ୍ତି ଲାଇଫ୍‌ଗାର୍ଡ଼, ହୋମଗାର୍ଡ଼ ଓ କନଷ୍ଟେବଲ । ରଥଯାତ୍ରା ସମୟରେ  ଶ୍ରୀକ୍ଷେତ୍ର ଆକାଶରେ କୌଣସି ହେଲିକପ୍‌ଟର କି ଡ୍ରୋନ୍‌ କ୍ୟାମେରା ଉଡ଼ାଣ ଉପରେ ଜାରି ହୋଇଛି କଟକଣା । ବଡ଼ଦାଣ୍ଡ, ସହରର ପ୍ରବେଶ ପଥ, ଶ୍ରୀମନ୍ଦିର ଭିତର ଓ ବାହାର ସବୁ କିଛି ସିସିଟିଭି ନଜରରେ ରହିଛି । ଯାନବାହାନ ଚଳାଚଳ ଗତିପଥ ପରିବର୍ତନ ସହ ୧୮ଟି ସ୍ଥାନରେ ପାର୍କିଂ ବ୍ୟବସ୍ଥା କରାଯାଇଛି ।

ସେହିଭଳି ବଡ଼ଦାଣ୍ଡର ଉଭୟ ପାର୍ଶ୍ବରେ ଥିବା ଉଚ୍ଚ ଅଟାଳିକା ଉପରୁ କ୍ୟାମେରା ସାହାଯ୍ୟରେ ବଡ଼ଦଣ୍ଡ ଉପରେ ନଜର ରଖିଛନ୍ତି ସୁରକ୍ଷାକର୍ମୀ ।  ସମ୍ପୂର୍ଣ୍ଣ ରଥଯାତ୍ରାକୁ ସିସିଟିଭି ଓ ଇଣ୍ଟିଗ୍ରେଟେଡ୍‌ କନ୍‌ଟ୍ରୋଲ ରୁମ୍‌ ମାଧ୍ୟମରେ ନିୟନ୍ତ୍ରଣ କରାଯିବ ।

   Related Posts