Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||
  • ସୁବର୍ଣ୍ଣପୁର : ମା’ ସୁରେଶ୍ଵରୀ ମନ୍ଦିରରୁ ଚୋରି ଘଟଣା : କାର୍ଯ୍ୟରେ ଅବହେଳା ପାଇଁ ୩ ପୋଲିସ କର୍ମଚାରୀ ସସ୍‌ପେଣ୍ଡ
  • ||
  • ଖଲ୍ଲିକୋଟ : ଜମିଜମା ବିବାଦକୁ କେନ୍ଦ୍ରକରି ଗାଁରୁ ବାସନ୍ଦ, ନ୍ୟାୟ ଦାବିରେ ଜିଲ୍ଲାପାଳ ଅଫିସ୍ ସମ୍ମୁଖରେ ଆମରଣ ଅନଶନରେ ବସିଲେ ବୃଦ୍ଧ ଦମ୍ପତ୍ତି
  • ||
  • ଭୁବନେଶ୍ବର : ଦରଦାମ୍ ବୃଦ୍ଧି ପ୍ରତିବାଦ ସହ ବିଭିନ୍ନ ପ୍ରସଙ୍ଗକୁ ନେଇ ରାଜଭବନ ସମ୍ମୁଖରେ ବିଜେଡିର ଧାରଣା
  • ||
  • ଭୁବନେଶ୍ବର : ବିଧାନସଭା ଶୀତକାଳୀନ ଅଧିବେଶନ : ଶୋକ ପ୍ରସ୍ତାବ ଆଗତ କଲେ ମୁଖ୍ୟମନ୍ତ୍ରୀ
  • ||
  • ଧର୍ମଗଡ : ଝୁଲନ୍ତା ଅବସ୍ଥାରେ ମିଳିଲା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୬୭ ମୃତ
  • ||

ଛାଡ଼ଖାଇ ପୂର୍ବରୁ ମହଙ୍ଗା ମାଡ଼ : ମଟନ୍‌ ୭୦୦, ଚିକେନ ୨୫୦.. ଆଜି ଆମିଷ ବଜାରରେ ଲାଗିବ ଭିଡ଼

30/10/2020 at 8:32 AM

ଭୁବନେଶ୍ୱର୩୦/୧୦: ରବିବାରଠୁ କାର୍ତ୍ତିକ ଆରମ୍ଭ । ମାସେ ଯାଏଁ ଆଇଁଷ ଛୁଇଁ ହେବନି । ହାତରେ ଆଉ ଆଜି ଓ କାଲି। କିନ୍ତୁ ଶନିବାର ଲକ୍ଷ୍ମୀପୂଜା ପଡୁଛି । ତେଣୁ ପ୍ରାକ୍‌ଛାଡ଼ଖାଇ ପାଇଁ ଆଜି ଗୋଟିଏ ଦିନ ହିଁ ହାତରେ । ତେଣୁ ଆମିଷ ମାର୍କେଟରେ ଭିଡ଼ ହେବ। ତା’ ସାଙ୍ଗକୁ ଦର ବି ବଢ଼ିଛି।

କାର୍ତ୍ତିକ ମାସରେ ଆମିଷ ବେପାର କମିଯିବ । ତେଣୁ ପ୍ରାକଛାଡ଼ଖାଇ ମଉକାର ଫାଇଦା ଉଠାଇବାକୁ ପ୍ରସ୍ତୁତ ହେଲେଣି ଆମିଷ ବେପାରୀ। ଏବେଠୁ ଦୋକାନ ପାଇଁ ଗଣ୍ଡା ଗଣ୍ଡା ଛେଳି ସଂଗ୍ରହ କରି ରଖିଲେଣି । ଚିକେନ୍‌ କାଉଣ୍ଟରର ଲୁହା ଜାଲି ବାକ୍ସ ଭିତରେ କୁକୁଡ଼ା ଖୁନ୍ଦି ଦେଲେଣି । ଲୋକଙ୍କ ଠାରୁ ମଟନ୍‌ କିଲୋ ୭୦୦ ଟଙ୍କା ଓ ଚିକେନ୍‌ କିଲୋକୁ ୨୫୦ ଟଙ୍କା ଟାଣିବାକୁ ଯୋଜନା କରିଛନ୍ତି । ବୁଢ଼ୀ ଛେଳି ଓ ମେଣ୍ଢା ମାଂସ ବି ୬୦୦ରୁ କମିବନି । ଏବେ ଚିକେନ୍‌ କିଲୋ ପିଛା ୨୦୦ ଟଙ୍କା ଅଛି । କିଛି ଜାଗାରେ ୧୭୦ ଟଙ୍କା ବି ନେଉଛନ୍ତି । ଆଇଗିଣିଆ ଛକରେ ଥିବା ଚିକେନ କାଉଣ୍ଟର ମାଲିକ ସୟଦ ଏଜହାର ଅଲ୍ଲୀ କହିଛନ୍ତି, ଆମିଷ ବଜାରରେ ଲୋକଙ୍କ ପ୍ରଥମ ପସନ୍ଦ ରହିବ ଚିକେନ୍‌ । ଗରାଖଙ୍କ ପସନ୍ଦ ଓ ଭିଡ଼କୁ ଦେଖି ଏହି ଦର ୨୫୦ ଟପିପାରେ ।

ସେପଟେ ମାଛ ବି ଅମୂଲ ମୂଲ ହେବ । ବଡ ଭାକୁର କେଜି ପିଛା ୨୫୦ ଟଙ୍କା ଟପିଯିବ । ଜିଅନ୍ତା ଲୋକାଲ ରୋହି ଭାକୁର ୨୫୦ ଲାଗିବ । କଣ୍ଟାଳ ଚିଙ୍ଗୁଡି ଦର ଅତିକମ୍‌ରେ ୬୦୦ ଟଙ୍କା ରହିବ। ବାଗଦା ଚିଙ୍ଗୁଡି ହଜାରେ ତଳକୁ ଖସିବନି । ମହରଗ ମାଛରେ ଗଣାଯାଉଥିବା ମେଘନା ଇଲିସି କେଜି ୨୦୦୦ ଟଙ୍କା ଆଉ ଭେକଟି ମାଛ ୮୦୦ ଟଙ୍କା, ଖଅଙ୍ଗା ମାଛ କେଜି ୫୦୦ ଟଙ୍କା ଟପିଯିବ । ସେପଟେ ଏବେ ପରିବା ବଜାରରେ ଆଳୁ ପିଆଜ ମାଡ଼ । ଆଳୁ କେଜି ପିଛା ୩୫ ଟଙ୍କା ଓ ପିଆଜ ୮୦ ରେ ବିକାଯାଉଛି । ଆଇଁଷ ଆଣିଲେ ବଜାରରୁ ମହଙ୍ଗା ଆଳୁ ପିଆଜ ବି କିଣିବାକୁ ପଡ଼ିବ । ତା’ ସାଙ୍ଗକୁ ତେଲ ମସଲା ପୁଣି ଅଛି । ଏଥର ପ୍ରାକଛାଡ଼ଖାଇରେ ଲୋକେ ମହଙ୍ଗା ବଜାରରେ ଘାଣ୍ଟି ହେଲେ ବି ଛାଡ଼ିବେନି ।

   Related Posts