ଶ୍ରୀମନ୍ଦିର କାର୍ଯ୍ୟାଳୟରେ ଆଜି ଏକ ଗୁରୁତ୍ୱପୂର୍ଣ ବୈଠକ ବସିଛି | ମୁଖ୍ୟ ପ୍ରଶାସକ, ସେବାୟତ ଏବଂ ନିଯୋଗ ମଧ୍ୟରେ ବିଭିନ୍ନ ପ୍ରସଙ୍ଗ ନେଇ ଆଲୋଚନା ହୋଇଛି | ମହାପ୍ରସାଦର ଦର ସମ୍ପର୍କରେ ଆନନ୍ଦ ବଜାରରେ ଏକ ରେଟ ଚାର୍ଟ ଝୁଲାଇବା ପାଇଁ ମଧ୍ୟ ବୈଠକରେ ଆଲୋଚନା ହୋଇଛି | ସମ୍ପ୍ରତି ଶ୍ରୀମନ୍ଦିର ରତ୍ନ ଭଣ୍ଡାର ଚାବି ହଜିବା, ଯାତ୍ରୀ ମାନଙ୍କୁ ଅଶଡ଼ ବ୍ୟବହାର କରିବା ଆଦି ପ୍ରସଙ୍ଗ, ଶ୍ରୀମନ୍ଦିର ପରିଚାଳନା କ୍ଷେତ୍ରରେ ସୁପ୍ରିମକୋର୍ଟଙ୍କ ହସ୍ତକ୍ଷେପ ପରିପ୍ରେକ୍ଷୀରେ ଏହି ବୈଠକକୁ ଅଧିକ ଗୁରୁତ୍ୱ ଦିଆଯାଇଛି |