ନୂଆଦିଲ୍ଲୀ ୨୭/୧୧ : ଇଣ୍ଡୋନେସିଆ ଓପନ୍ ବ୍ୟାଡ୍ମିଣ୍ଟନ ଟୁର୍ଣ୍ଣାମେଣ୍ଟର ସେମି ଫାଇନାଲରେ ପରାସ୍ତ ହୋଇଛନ୍ତି ଭାରତର ଷ୍ଟାର ସଟଲର୍ ପି. ଭି. ସିନ୍ଧୁ । ଥାଇଲାଣ୍ଡର ରତଚାନୋକ୍ ଇନ୍ତାନୋନ୍ଙ୍କ ଠାରୁ ୧୫-୨୧, ୨୧-୯, ୨୧-୧୪ ସେଟ୍ରେ ପରାସ୍ତ ହୋଇଛନ୍ତି ସିନ୍ଧୁ । ଲଗାତାର ଭାବେ ଏହା ପିଭି ସିନ୍ଧୁଙ୍କ ତୃତୀୟ ସେମି ଫାଇନାଲ ପରାଜୟ ।
ପ୍ରଥମରୁ ଖବୁ ସୁନ୍ଦର ପ୍ରଦର୍ଶନ କରି ଥାଇଲାଣ୍ଡର ରତଚାନୋକ୍ ଇନ୍ତାନୋନ୍ଙ୍କୁ ରାଉଣ୍ଡ ଓ୍ବାନ୍ରେ ୨୧-୧୫ ସେଟ୍ରେ ଜିତିଥିଲେ । ଦ୍ବିତୀୟ ରାଉଣ୍ଡ ଆରମ୍ଭରୁ ସିନ୍ଧୁ ଭଲ ଖେଳିଥିଲେ ସୁଦ୍ଧା ୯-୨୧ରେ ପରାଜିତ ହୋଇଥିଲେ । ତୃତୀୟ ରାଉଣ୍ଡରେ ମଧ୍ୟ ସିନ୍ଧୁଙ୍କ ପ୍ରଦର୍ଶନ ନୈରାଶ୍ୟଜନକ ଥିଲା । ପ୍ରତ୍ୟାବର୍ତ୍ତନ କରିନପାରି ତୃତୀୟ ରାଉଣ୍ଡରେ ସିଧାସଳଖ ୧୪-୨୧ ସେଟ୍ରେ ପରାସ୍ତ ହୋଇଥିଲେ ସିନ୍ଧୁ । ଯାହା ଫଳରେ ଫାଇନାଲ ଦୌଡରୁ ବାଦ ପଡିଛନ୍ତି ଏହି ଷ୍ଟାର ଭାରତୀୟ ସଟ୍ଲର ।
ଗତ ସପ୍ତାହରେ ମଧ୍ୟ ଇଣ୍ଡୋନେସିଆ ମାଷ୍ଟର୍ସ ସେମିଫାଇନାଲରେ ପରାଜିତ ହୋଇଥିଲେ ପିଭି ସିନ୍ଧୁ । ଏହା ପୂର୍ବରୁ ଅକ୍ଟୋବରରେ ଫ୍ରେଞ୍ଚ ଓପନ୍ ସେମିଫାଇନାଲ ଏବଂ ତା ପୂର୍ବରୁ ଟୋକିୟୋ ଅଲିମ୍ପିକ ସେମିଫାଇନାଲରେ ମଧ୍ୟ ସିନ୍ଧୁଙ୍କୁ ପରାଜୟର ସାମ୍ନା କରିବାକୁ ପଡିଥିଲା ।
ବିଶ୍ବ ରାଙ୍କ୍ର ୭ମ ଖେଳାଳି ତଥା ଦୁଇ ଦୁଇଥର ଅଲିମ୍ପିକ ମେଡାଲିଷ୍ଟ ସିନ୍ଧୁ ବିଶ୍ବ ରାଙ୍କର ୮ମ ସ୍ଥାନରେ ଥିବା ଇନ୍ତାନୋନ୍ଙ୍କ ଠାରୁ ପରାଜିତ ହୋଇଛନ୍ତି । ପୂର୍ବରୁ ମଧ୍ୟ ୨ଟି ମୁକାବିଲାରେ ଉଭୟ ସାମ୍ନାସାମ୍ନୀ ହୋଇଥିଲେ ସୁଦ୍ଧା ପରାଜିତ ହୋଇଥିଲେ ସିନ୍ଧୁ । ଏହାକୁ ମିଶାଇ ଲଗାତାର ତୃତୀୟ ପରାଜୟ ବରଣ କରିଛନ୍ତି ଏହି ଷ୍ଟାର ଭାରତୀୟ ସଟଲର୍ ।
କ୍ବାର୍ଟର ଫାଇନାଲ ମୁକାବିଲାରେ ସାଉଥ୍ କୋରିଆର ୟୁ ଜିନ୍ ସିମ୍ଙଖ୍କୁ ପରାସ୍ତ କରିଥିଲେ ପିଭି ସିନ୍ଧୁ । ଜିନ୍ ସିମ୍ଙ୍କୁ ସିଧାସଳଖ ୧୪-୨୧, ୨୧-୧୯, ୨୧-୧୪ ସେଟ୍ରେ ହରାଇ ସେମିରେ ପ୍ରବେଶ କରିଥିଲେ ।
wp:html/wp:html?@Pvsindhu1 put up valiant efforts but fell short as she went down 21-15, 9-21, 14-21 against 2nd seed ??'s Ratchanok Intanon in the semifinals at #IndonesiaOpen2021.
— BAI Media (@BAI_Media) November 27, 2021
?: Badminton Photo#Badminton pic.twitter.com/ruySx89aaI