Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||
  • ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ୧୨ ବିରୋଧି ଦଳ, ମାଗଣା ଟିକା ସହ ବେରୋଜଗାରୀଙ୍କୁ ଭତ୍ତା ଦେବାକୁ ରଖିଲେ ଦାବି
  • ||

ସଙ୍କଟରେ ରଶି କାରିଗର : ଲକଡାଉନରେ ବୁଡିଛି ବେଉସା, ସରକାରୀ ସାହାଯ୍ୟକୁ ଅପେକ୍ଷା

6/11/2020 at 6:23 PM

ବରଗଡ, ୦୬୧୧ଲକଡାଉନ ଛଡେଇନେଇଛି ଜୀବନ ଜୀବିକା ।ସଙ୍କଟରେ ପ୍ଲାଷ୍ଟିକ ରଶି କାରିଗର ।ନା ମିଳୁଛି କଞ୍ଚାମାଲ ନା ବିକ୍ରି ହୋଇପାରୁଛି ଉତ୍ପାଦିତ ଦ୍ରବ୍ୟ । ଫଳରେ ଆର୍ଥିକ ଦୁଃସ୍ଥିତି ଦେଇ ଗତି କରୁଛନ୍ତି ବରଗଡ଼ ଜିଲ୍ଲା ଭଟଲି ବ୍ଲକ ଅନ୍ତର୍ଗତ ପିପଲ ମୁଣ୍ଡା ଗ୍ରାମର ପ୍ରାୟ ୮୦ଟି ପରିବାର ।

ବଜାରରେ ଏବେ ଭଳିକି ଭଳି ରଙ୍ଗ ବେରଙ୍ଗୀର ରଶି ଦେଖିବକୁ ମିଳୁଛି । କିନ୍ତୁ ଆଉ ଝୋଟ ଆଉ ପଟରେ ତିଆରି ରଶି ଦେଖିବାକୁ ମିଳୁନି ।କାରଣ ଚାଷ ଅଭାବ ଯୋଗୁଁ ବଜାର ଚାହିଦାକୁ ମେଣ୍ଟାଇ ନ ପାରିବାରୁ ରାଜ୍ୟର ବହୁ ସ୍ଥାନରେ ଝୋଟ କଳ ଗୁଡିକ ବନ୍ଦ ହୋଇ ଯାଇଛି । ଘରର ଆସବାବ ତଥା ବିଭିନ୍ନ ଘରକରଣା ଜିନିଷ ମଧ୍ୟରୁ ଝୋଟରୁ ତିଆରି ରଶି ବା ସୁତୁଲୀ ଅନ୍ୟତମ ।ଖଟ ତିଆରି ହେଉ କି ରୋଷେଇ ଘରେ ବ୍ୟବହୃତ ହେଉଥିବା ଶିକା ,ଗାଈ ବନ୍ଧା ଦଉଡି ବା କୂଅ ଦଉଡି ହେଉ ଏଥିପାଇଁ ପ୍ରଥମେ ଦରକାର ପଡିଥାଏ ରଶି । ଯାହାକି ଝୋଟ କିମ୍ବା ପଟରୁ ମିଳିଥାଏ । ମାତ୍ର ଏବେ ଏହି  ରଶି ତିଆରି ପାଇଁ ଆବଶ୍ୟକ ଝୋଟ, ପଟ ତଥା କଞ୍ଚାମାଲର ଅଭାବ ଯୋଗୁଁ ବରଗଡ଼ ଜିଲ୍ଲା ଭଟଲି ବ୍ଲକ ଅନ୍ତର୍ଗତ ପିପଲମୁଣ୍ଡା ଗ୍ରାମର ରଶି କାରିଗର ମାନେ ଆଦରି ନେଇଛନ୍ତି ପ୍ଲାଷ୍ଟିକ ରଶି ତିଆରିକୁ ।

ପ୍ଲାଷ୍ଟିକ୍ ରଶି ତିଆରି କରିବା ପାଇଁ ସେମାନେ ପରିତ୍ୟକ୍ତ ସିମେଣ୍ଟ ବସ୍ତାକୁ ସଂଗ୍ରହ କରି ସେଥିରୁ ପ୍ରସ୍ତୁତ କରୁଛନ୍ତି ପ୍ଲାଷ୍ଟିକ ରଶି ।ଏହି ସିମେଣ୍ଟ ବସ୍ତାର ସୂତାକୁ ବାହାର କରି ପ୍ରଥମେ ସଫା କରିଥାନ୍ତି, ତାପରେ ସେଥିରୁ ସେମାନେ ତିଆରି କରିଥାନ୍ତି ଭଳିକି ଭଳି ମୋଟା ପତଳା ରଶି । ସେହି ପ୍ଲାଷ୍ଟିକ ରଶିରୁ ବ୍ୟାଗ,ଶିକା ତଥା ଖଟରେ ବ୍ୟବହାର ହେଉଥିବା ରଶି ଆଦି ପ୍ରସ୍ତୁତ କରି ମାର୍କେଟରେ ବିକ୍ରି କରିଥାନ୍ତି ।ଗୋଟିଏ ପଟେ ଲକଡାଉନ ଅନ୍ୟପଟେ କଞ୍ଚାମାଲର ଅଭାବ ଏହାରି ଭିତରେ ଆର୍ଥିକ ସଙ୍କଟ ମଧ୍ୟକୁ ଚାଲି ଆସିଛନ୍ତି ଏହି ପ୍ଲାଷ୍ଟିକ ରଶି କାରିଗର । ପରିବାରର ସମସ୍ତ ସଦସ୍ୟ ମିଶି ଏହି ପରିଶ୍ରମ କରିଥାନ୍ତି ।ପ୍ଲାଷ୍ଟିକ ରଶି କିମ୍ବା ଏଥିରୁ ଉତ୍ପାଦିତ ଦ୍ରବ୍ୟକୁ ବିକ୍ରି କରି ଦିନକୁ ୨୦୦ ରୁ ୩୦୦ ଟଙ୍କା ରୋଜଗାର କରିଥାନ୍ତି କାରିଗରମାନେ । ଏତିକି ଟଙ୍କାରେ ବହୁ କଷ୍ଟରେ ପରିବାର ପ୍ରତିପୋଷଣ କରିଥାନ୍ତି ସେମାନେ । ସେମାନଙ୍କ ଆର୍ଥିକ ଅବସ୍ଥା ସ୍ୱଚ୍ଛଳ ନ ଥିଲେ ମଧ୍ୟ ଏଯାଏଁ ସେମାନଙ୍କୁ କୌଣସି ପ୍ରକାର ସରକାରୀ ସାହାଯ୍ୟ କିମ୍ବା ପ୍ରୋତ୍ସାହନ ମିଳିନାହିଁ ।

ପଲମୁଣ୍ଡା ଗ୍ରାମର ରଶି କାରିଗରଙ୍କ ପାଇଁ ସେମାନଙ୍କ ଉତ୍ପାଦିତ ଦ୍ରବ୍ୟ ବିକ୍ରି ଲାଗି କୌଣସି ଉପଯୁକ୍ତ ବଜାର ମଧ୍ୟ  ନାହିଁ ।ଲକଡାଉନ ଯୋଗୁଁ ଏବେ ଆର୍ଥିକ ସଙ୍କଟ ଦେଇ ଗତି କରୁଥିବା ରଶି କାରିଗର ସେମାନଙ୍କ ପିଲାଙ୍କ ପାଠପଢ଼ା ଖର୍ଚ୍ଚ ତୁଲାଇବା ମଧ୍ୟ କଷ୍ଟକର ହୋଇପଡ଼ିଛି ।ପ୍ଲାଷ୍ଟିକ ରଶି କାରିଗରଙ୍କ ସମସ୍ୟା ସମାଧାନ ଲାଗି ଶୀଘ୍ର ଉଦ୍ୟମ କରାଯିବ ବୋଲି କହିଛନ୍ତି ଜିଲ୍ଲା ଶିଳ୍ପ ଉନ୍ନୟନ ବିଭାଗର ମୁଖ୍ୟ ପ୍ରବନ୍ଧକ ।

ଦେଖାଯାଉ ଲକଡାଉନ ଯୋଗୁ ଜୀବନ ଜୀବିକା ହରାଇଥିବା ପ୍ଲାଷ୍ଟିକ ରଶି କାରିଗରଙ୍କ ପ୍ରତି ସରକାରୀ ବାବୁମାନଙ୍କ କେବେ ପଡୁଛି ଦୃଷ୍ଟି ଆଉ କେବେ ହେବ ସେମାନଙ୍କ ଆର୍ଥିକ ସମସ୍ୟାର ସମାଧାନ ।

   Related Posts