Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

‘ତାଙ୍କୁ ଦେଖିଲା ପରେ ସଚିନଙ୍କୁ ଭୁଲିଯିବେ ଲୋକେ’, ସେଦିନର ସ୍ମୃତି ସେୟାର କଲେ ପୂର୍ବତନ ପାକ୍ ଅଧିନାୟକ ରଶିଦ ଲତିଫ

4/09/2020 at 3:07 PM

ନୂଆଦିଲ୍ଲୀ ୦୪।୦୯ : ଆଧୁନିକ ଯୁଗର କ୍ରିକେଟ କଥା ଆସିଲେ ପ୍ରଥମେ ମହେନ୍ଦ୍ର ସିଂହ ଧୋନି ହିଁ ମନେପଡ଼ିବେ । ଏମିତି କେହି ନଥିବେ ଯିଏ ଧୋନିଙ୍କୁ ଜାଣିନଥିବେ । ନିକଟରେ ଅନ୍ତର୍ଜାତୀୟ କ୍ରିକେଟରୁ ସନ୍ନ୍ୟାସ ନେଇଥିବା ଭାରତୀୟ କ୍ରିକେଟର ପୂର୍ବତନ ଅଧିନାୟକ ଧୋନି ବହୁ ରେକର୍ଡର ଅଧିକାରୀ ହୋଇଛନ୍ତି । ଅନ୍ତର୍ଜାତୀୟ କ୍ରିକେଟରୁ ସନ୍ନ୍ୟାସ ନେବା ପୂର୍ବରୁ ଭାରତୀୟ କ୍ରିକେଟକୁ ବହୁ ସଫଳତା ଦେଇଛନ୍ତି କ୍ୟାପଟେନ କୁଲ୍ ମାହି ।

ଧୋନି ଏକମାତ୍ର ଅଧିନାୟକ ଯିଏ ଭାରତୀୟ କ୍ରିକେଟକୁ ୩ଟି ଅନ୍ତର୍ଜାତୀୟ ଟ୍ରଫି ଦେବାରେ ସକ୍ଷମ ହୋଇଥିଲେ । ଧୋନିଙ୍କ କ୍ୟାପଟେନସିପ୍ରେ ୨୦୦୯ରେ ପ୍ରଥମ ଥର ଭାରତୀୟ କ୍ରିକେଟ ଟିମ୍ ନମ୍ବର ଓ୍ବାନ ଟିମ୍ ହେବାରେ ସୌଭାଗ୍ୟ ପାଇଥିଲା । ତେବେ ତାଙ୍କୁ ପ୍ରଶଂସା କରି ପାକିସ୍ତାନର ପୂର୍ବ ଅଧିନାୟକ ରଶିଦ ଲତିଫ ଏକ ପୁରୁଣା ଭିଡିଓ ସେୟାର କରି କିଭଳି ପୂର୍ବତନ ଦ୍ରୁତ ବୋଲର ତନବୀର ଅହମଦ ଧୋନିଙ୍କ ସମ୍ପର୍କରେ କହିଥିଲେ ସେନେଇ ଜଣାଇଛନ୍ତି ।

ନିଜ ୟୁଟ୍ୟୁବ୍ ଚ୍ୟାନଲେର ସୋ ‘କଟ୍ ବିହାଇଣ୍ଡ’ରେ ସେହି ପୁରୂଣା ସ୍ମୃତିକୁ ମନେ ପକାଇଛନ୍ତି । ସେ କହିଛନ୍ତି ‘ମୋତେ ଭଲ ଭାବେ ମନେ ଅଛି ୨୦୦୪ରେ ତନବୀର ଅହମଦ କେନିୟା ଗସ୍ତରେ ଥିଲେ । ସେହି ସମୟରେ ମୁଁ ଇଂଲଣ୍ଡରେ ଥିଲି । ତନବୀର କହିଲା ରଶିଦ ଭାଇ ଜଣେ ଖେଳାଳି ଆସିଛି, ଯାହାକୁ ଦେଖି ଲୋକେ ସଚିନ ତେନ୍ଦୁଲକରଙ୍କୁ ଭୁଲିଯିବେ । ମୁଁ ସେତେବେଳେ କହିଥିଲି ଏହା ସମ୍ଭବ ନୁହେଁ । ସଚିନ ହିଁ ସଚିନ । କେମିତି ଜଣେ ତାଙ୍କ ଭଳି ହୋଇପାରିବ।’ ପରେ ରଶିଦ ଲତିଫ କହିଛନ୍ତି ‘ସେ ହିଁ ଧୋନି ଥିଲେ ଯିଏ କି ବ୍ରାଣ୍ଡ ଭ୍ୟାଲ୍ୟୁ ମାଧ୍ୟମରେ ସଚିନଙ୍କ ଏତେ ନିକଟତର ହୋଇପାରିଥିଲେ ।’

ସୂଚନାଯୋଗ୍ୟ ଯେ, ଚଳିତବର୍ଷ ସ୍ବାଧୀନତା ଦିବସ ସନ୍ଧ୍ୟାରେ ନିଜ ଇନଷ୍ଟାଗ୍ରାମ ପେଜ୍ରେ ନିଜର ପ୍ରିୟ ଗୀତ ମାଧ୍ୟମରେ ଅନ୍ତର୍ଜାତୀୟ କ୍ରିକେଟରୁ ସନ୍ନ୍ୟାସ ଘୋଷଣା କରିଥିଲେ ଧୋନି । ତେବେ ରିଟାୟର ପରେ ଧୋନି ଆଇପିଏଲରେ ଚେନ୍ନାଇ ସୁପରକିଙ୍ଗସ୍ ଦଳ ପକ୍ଷରୁ ଖେଳୁଥିବାର ନଜର ଆସିବେ । ସେପ୍ଟେମ୍ବର ୧୯ରୁ ଆରମ୍ଭ ହେବ ଆଇପିଏଲ ମ୍ୟାଚ୍। ସିଏସକେ ପ୍ରଥମେ ମୁମ୍ବାଇ ଇଣ୍ଡିଆନ୍ସ ବିପକ୍ଷ ଟକ୍କରରେ ଦେଖିବାକୁ ମିଳିବ ।

   Related Posts