ନୀଳଗିରି,୨୦/୧୦: ବାଲେଶ୍ଵର ଜିଲ୍ଲା ଅମର୍ଦ୍ଦା (ରାସଗୋବିନ୍ଦପୁର) ବିମାନବନ୍ଦର କାର୍ଯ୍ୟକ୍ଷମ ହେବ ବୋଲି ସୂଚନା ମିଳିଛି । ଏନେଇ ବାଲେଶ୍ଵର ସାଂସଦ ପ୍ରତାପ ଷଡ଼ଙ୍ଗୀଙ୍କୁ ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ପ୍ରତଶ୍ରୁତି ଦେଇଥିବା ଜଣାପଡିଛି ।
ପୁର୍ବରୁ ଏହି ବିମାନ ବନ୍ଦର କାର୍ଯ୍ୟକ୍ଷମ ହେବା ନେଇ ପ୍ରତାପ ଷଡ଼ଙ୍ଗୀ ବାରମ୍ବାର ଦାବି ଉପସ୍ଥାପନ କରି ଆସୁଥିଲେ । ଏନେଇ ସେ ପତ୍ର ଲେଖିବା ସହ ଭେଟିବା ପରେ ପତ୍ରର ସକାରାତ୍ମକ ଉତ୍ତର ଦେବା ସହିତ ଏହାକୁ ଶୀଘ୍ର କାର୍ଯ୍ୟକ୍ଷମ କରିବା ପାଇଁ ଜ୍ୟୋତିରାଦିତ୍ୟ ସିନ୍ଧିଆ ସବୁଜ ସଙ୍କେତ ଦେଇଛନ୍ତି । ଏହି ବିମାନ ବନ୍ଦର କାର୍ଯ୍ୟକ୍ଷମ ହେଲେ ବାଲେଶ୍ଵର-ମୟୂରଭଞ୍ଜ ସମେତ ସମଗ୍ର ଉତ୍ତର ଓଡ଼ିଶାବାସୀ ଏଥିପାଇଁ ଉପକୃତ ହେବେ ।
ସୂଚନାଯୋଗ୍ୟ ସାଂସଦ ପ୍ରତାପ ଷଡ଼ଙ୍ଗୀ ଦୀର୍ଘ ୨ ବର୍ଷ ହେଲା ପୂର୍ବ ବିମାନ ଚଳାଚଳ ମନ୍ତ୍ରୀ ହରଦୀପ ସିଂହ ପୁରୀ ଓ ବିଭାଗୀୟ ଅଧିକାରୀମାନଙ୍କ ସହିତ ଆଲୋଚ଼ନା କରି ଆସୁଥିଲେ । ଯାହାଫଳରେ ଏହାକୁ ଉଡ଼ାନ୍ ସ୍କିମରେ ଅନ୍ତର୍ଭୁକ୍ତ କରାଯାଇଥିଲା ।