Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଧୋକା ଦେବନି ମୌସୁମୀ, ମେ ୩୧ରେ ଛୁଇଁବ କେରଳ, ଜୁନ ୧୨ ସୁଦ୍ଧା ଓଡିଶା
  • ||
  • ବାଲେଶ୍ୱରରେ ମର୍ମନ୍ତୁଦ ଦର୍ଘଟଣା : ପୋଲ ତଳକୁ ଖସିଲା କାର୍,୩ ମୃତ
  • ||
  • ଆଜି ରାଜ୍ୟର ୧୦ଟି ଜିଲ୍ଲାରେ ଟିକାକରଣ ବନ୍ଦ
  • ||

ଆଜି ନୀଳାଦ୍ରି ବିଜେ : ରସଗୋଲା ଦିବସ

25/07/2018 at 9:28 AM

ଭୁବନେଶ୍ୱର ୨୫/୭ : ଆଜି ମହାପ୍ରଭୁ ଶ୍ରୀଜଗନ୍ନାଥଙ୍କ ରଥଯାତ୍ରାର ଶେଷ ପର୍ବ ନୀଳାଦ୍ରି ବିଜୟ | ଅର୍ଥାତ ଆଜି ଶ୍ରୀମନ୍ଦିରକୁ ଫେରିବେ ଶ୍ରୀଜୀଉମାନେ | ଆଜିର ଦିନକୁ ମଧ୍ୟ ରସଗୋଲା ଦିବସ ଭାବେ ପାଳନ କରାଯାଉଛି | ରଥଯାତ୍ରାର ପରମ୍ପରା ଅନୁସାରେ ଅଭିମାନ କରିଥିବା ଲକ୍ଷ୍ମୀ ଠାକୁରାଣୀଙ୍କୁ ପ୍ରଭୁ ଶ୍ରୀଜଗନ୍ନାଥ ରସଗୋଲା ଖୁଆଇ ମାନଭଂଜନ କରିଥିଲେ | ବହୁ ପୁରାତନ ଏ ପରମ୍ପରା | ଓଡିଶାର ଅଧ୍ୟାତ୍ମ ଜୀବନଧାରା ସହିତ କାହିଁ କେଉଁ କାଳରୁ ଯୋଡି ହୋଇ ରହିଛି ରସଗୋଲା | ତେଣୁ ରସଗୋଲା ଯେ, ଓଡିଶାରେ ଆରମ୍ଭ ହୋଇଥିବା ମିଠା, ଏହା ନିଃସନ୍ଦେହ | ୨୦୧୫ ମସିହାରୁ ଆଜିର ଦିନକୁ ରସଗୋଲା ଦିବସ ଭାବେ ପାଳନ କରିବା ଆରମ୍ଭ ହୋଇଛି | ମୁଖ୍ୟତଃ ରସଗୋଲା ଓଡିଶାର ନା ପଶ୍ଚିମବଙ୍ଗର ବୋଲି ବିବାଦ ଉଠିବା ପରଠାରୁ ଓଡିଶାରେ ନୀଳାଦ୍ରି ବିଜୟ ଦିନଟିକୁ ରସଗୋଲା ଦିବସ ଭାବେ ପାଳନ କରାଯାଉଛି | ଓଡିଶା ରସଗୋଲାକୁ ଜି.ଆଇ ଟ୍ୟାଗ ପ୍ରଦାନ ପାଇଁ ୨୦୧୫ ମସିହାରୁ ଉଦ୍ୟମ ଆରମ୍ଭ ହୋଇଛି | କିନ୍ତୁ ଇତି ମଧ୍ୟରେ ୨୦୧୭ ମସିହାରେ ପଶ୍ଚିମ ବଙ୍ଗ ରସଗୋଲାକୁ ଜି.ଆଇ ଟ୍ୟାଗ ମିଳିସାରିଛି | ଏହାପରେ ଓଡିଶା ସରକାର ପୁଣି ୨୦୧୮ ମସିହା ଫେବୃଆରୀ ମାସରେ ଓଡିଶା ରସଗୋଲାକୁ ଜି.ଆଇ ଟ୍ୟାଗ ପ୍ରଦାନ ପାଇଁ ସମସ୍ତ ତଥ୍ୟ ପ୍ରମାଣ ସହ ଆବେଦନ କରିଥିଲେ | ତେବେ ଏବେ ଜି.ଆଇ ଟ୍ୟାଗ ରାଜ୍ୟ ସରକାରଙ୍କୁ ୧୪ ବିଷୟରେ ସାନି ସ୍ପଷ୍ଟୀକରଣ ମାଗିଛନ୍ତି | ସ୍ପଷ୍ଟୀକରଣ ଦେବା ପାଇଁ ରାଜ୍ୟ ସରକାର ଅଗଷ୍ଟ ୨୧ତାରିଖ ଯାଏଁ ସମୟ ନେଇଛନ୍ତି | ସମସ୍ତ ବଳିଷ୍ଠ ପ୍ରମାଣ ସହ ଏହି ସ୍ପଷ୍ଟୀକରଣ ଦିଆଯିବ ବୋଲି ଏମଏସଏମଇ ମନ୍ତ୍ରୀ ପ୍ରଫୁଲ୍ଲ ସାମଲ କହିଛନ୍ତି |

   Related Posts