ଭୁବନେଶ୍ୱର, ୨୫/୦୭: ଭୁବନେଶ୍ବର ରସୁଗଡ ଜିଜିପି କଲୋନୀରୁ ବିରଳ ପ୍ରଜାତିର କଇଁଛ ଛୁଆ ଉଦ୍ଧାର ହୋଇଛି । ଉଦ୍ଧାର କଇଁଛର ସ୍ବାସ୍ଥ ଜାଞ୍ଚ ପରେ ପାତ୍ରପୋଡାରେ ଥିବା ସ୍ବତନ୍ତ୍ର ପାର୍କରେ ଏହି କଇଁଛକୁ ଛଡା ଯିବ ବୋଲି କହିଛନ୍ତି ସିଟି ଫରେଷ୍ଟ ଏସିଏଫ ପ୍ରଶାନ୍ତ ପଣ୍ଡା ।
ଗତ ଦୁଇଦିନ ଧରି ଲଗାଣ ବର୍ଷା ସମୟରେ ଏକ (INDIAN STAR TORTOISE )ଇଣ୍ଡିଆନ ଷ୍ଟାର ଟର୍ଟୋଇଜ ପ୍ରଜାତିର ଏକ ବିରଳ କଇଁଛ ଛୁଆ ଜିଜିପି କଲୋନୀରେ ବୁଲିବା ସମୟରେ କିଛି କୁକୁର କଇଁଛକୁ ଖାଇବାକୁ ଚେଷ୍ଟା କରୁଥିଲେ । ଏହି ସମୟରେ କଇଁଛଟି ସଙ୍ଗୀତା ନାୟକଙ୍କ ଅଗଣା ଫାଟକ ଭିତରକୁ ପସି ଯାଇଥିଲା । ସେତେବେଳେ ଘରେ ସଂଗୀତା ଓ ତାଙ୍କ ଛୋଟ ଝିଅ ଏହାକୁ ଦେଖି, ବିରଳ କଇଁଛକୁ କୁକୁର ମୁହଁରୁ ଉଦ୍ଧାର କରିଥିଲେ ।
wp:html https://youtu.be/gaTmNWuKXpY /wp:htmlକଇଁଛ କଣ ଖାଇବ ପିଇବ ସେ ନେଇ କିଛି ଜାଣି ପାରି ନଥିବାରୁ ତାକୁ ବଂଚାଇବା ପାଇଁ ଅନେକ ଚେଷ୍ଟା କରିଥିଲେ । ପର ଦିନ ନନ୍ଦନକାନନ ପଷୁ ବିଶେଷଜ୍ଞ ଦେବେନ୍ଦ୍ର ମହାପାତ୍ରଙ୍କୁ ଖବର କରିଥିଲେ । ଏହା ସହିତ ନିକଟସ୍ଥ ସିଟି ଫରେଷ୍ଟ ଭୁବନେଶ୍ବରକୁ ଜଣାଇଥିଲେ । ଆଜି ସକାଳେ ସିଟି ଫରେଷ୍ଟ କର୍ମଚାରୀ ମାନେ ଘଟଣା ସ୍ଥଳରେ ପହଂଚି ବିରଳ କଇଁଚ ଛୁଆକୁ ଉଦ୍ଧାର କରିଛନ୍ତି । ଉଦ୍ଧାର କଇଁଛର ସ୍ବାସ୍ଥ୍ୟ ଠିକ୍ ଅଛି ଖିଆପିଆ କରୁଛି । ଏହା ସତ୍ବେ କଇଁଛଟିର ସ୍ବାସ୍ଥ ପରୀକ୍ଷା କରାଯାଇ, ପାତ୍ରପୋଡାରେ ଥିବା ସ୍ବତନ୍ତ୍ର ରେସ୍କ୍ୟୁ ସେଣ୍ଟରରେ ଛଡା ଯିବା ନେଇ ସିଟି ଫରେଷ୍ଟ ଏସିଏଫ ପ୍ରଶାନ୍ତ ପାଣ୍ଡା କହିଛନ୍ତି ।
ଏହି କଇଁଛଟି ଓଡିଶାରେ ମିଳେନାହିଁ । ଏଥିରୁ କିଛି ଓୌଷଧ ପ୍ରସ୍ତୁତ ହେଉଥିବାରୁ ଏଗୁଡିକୁ ସ୍ମଗଲିଗିଂ କରାଯାଇଥାଏ । ଏହାର ମାର୍କେଟ ମୂଲ୍ୟ ୧୦ହଜାର ଟଙ୍କାରୁ ଉର୍ଦ୍ଧ୍ୱ ବୋଲି ଜଣା ପଡିଛି । ତେବେ ୨୦୧୮ ମସିହାରେ ଏମିତି ପ୍ରଜାତିର ୪୦୬ଟି କଇଁଛ ବିବେକ ଏକ୍ସପ୍ରେସ ଯୋଗେ ଦୁଇ ମହିଳା ନେଇ ଯାଉଥିବା ବେଳେ, ଭୁବନେଶ୍ବର ଠାରେ ରେଳବିଭାଗ ଦ୍ବାର ଉଦ୍ଧାର କରାଯାଇଥିଲା ।