Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପାର୍କ ନିକଟରୁ ବାହାରିଲା ଦୁର୍ଲଭ ନାଲି ସାପ : ୮୨ ବର୍ଷ ପରେ ଦେଖାଦେଇଛି ଏହି ସାପ

2/07/2020 at 8:39 PM

ଲଖିମପୁର ୦୧/୦୭ : ଦୁର୍ଲଭ ସାପ ରେଡ କୋରାଲ କୁକରୀର ଏକ ଫଟୋ ସୋସିଆଲ ମିଡ଼ିଆରେ ଭାଇରାଲ ହେଉଛି | ଉତ୍ତର ପ୍ରଦେଶ ଲଖିମପୁର ଖେରୀ ଅନ୍ତର୍ଗତ ଦୁଧବା ଜାତୀୟ ଉଦ୍ୟାନରେ ଦୁଇ ଦିନ ପୂର୍ବରୁ ଏହି ସାପକୁ ଦେଖିବାକୁ ମିଳିଥିଲା | ଜଣେ କର୍ମଚାରୀ ଦୁର୍ଲଭ ନାଲି ସାପର ଏକ ଫଟୋ ଉଠାଇ ଟ୍ୱିଟରରେ ବନ୍ୟଜନ୍ତୁ ସଂରକ୍ଷଣ ଓ ପର୍ଯ୍ୟଟନ ସଂଗଠନ ସହ ସେୟାର କରିଥିଲେ |

ଏହି ସାପକୁ ପ୍ରଥମଥର ୧୯୩୬ ମସିହାରେ ଦୁଧବା ଅଞ୍ଚଳରେ ଦେଖିବାକୁ ମିଳିଥିଲା | ଏହାର ଜୁଲୋଜିକାଲ ନାଁ ଓଲିଗୋଡୋନ ଖେରିଏନ୍ସିସ | ଏହି ସାପର ଆକାର ମଧ୍ୟ ଦୁର୍ଲଭ | ୮୨ ବର୍ଷ ଅନ୍ତରାଳରେ ଏହି ସାପ ପ୍ରଥମଥର ପାଇଁ ଦେଖାଦେଇଛି | ବରିଷ୍ଠ ବନସେବା ଅଧିକାରୀ ରମେଶ ପାଣ୍ଡେଙ୍କ କହିବାନୁଯାୟୀ, ଲାଲ କୋରାଲ କୁକରୀ କିଛି ବର୍ଷରେ ଭିତରେ ୪ଥର ଦେଖିଦେଇଛି | 

ରବିବାର ଦିନ ସାପର ଫଟୋ ସେୟାର କରି ୱାଇଲ୍ଡଲେନ୍ସ ଲେଖିଥିଲେ ଯେ, ଦୁଧବା ନ୍ୟାସନାଲ ପାର୍କ ବିବିଧତା ଓ ଆଶ୍ଚର୍ଯ୍ୟ ଭରା | ରେଡ କୋରାଲ କୁକରୀ ଏକ ଅତ୍ୟନ୍ତ ଦୁର୍ଲଭ ସାପ | ରବିବାର ଦିନ ବର୍ଷା ଛାଡିବା ପରେ କର୍ମଚାରୀଙ୍କ ଘର ପାଖରେ ଏହି ସାପକୁ ଦେଖିବାକୁ ମିଳିଥିଲା |

ସୋସିଆଲ ମିଡ଼ିଆରେ ଏହାର ଫଟୋ ଭାଇରାଲ ପରେ ଲୋକେ ସାପକୁ ନେଇ ଅନେକ ପ୍ରତିକ୍ରିୟା ରଖିଥିଲେ | ଲୋକେ କହିଥିଲେ ସାପ ଦେଖିବାକୁ ବହୁତ ସୁନ୍ଦର | ବିଶେଷଜ୍ଞଙ୍କ ଅନୁଯାୟୀ, ଲାଲ କୋରାଲ କୁକରୀ ବିଷାକ୍ତ ନୁହେଁ | ସେ କେବଳ ପୋକଜୋକ ଓ ଜିଆ ଖାଇଥାଏ | ଏହାର ନାଁର ବିଶେଷତ୍ୱ ହେଲା ଶରୀରର ଆକାର | ସାପର ରଙ୍ଗ ଲାଲ ଏବଂ ଅଣ୍ଡା ଭାଙ୍ଗିବା ପାଇଁ ସେ ନିଜ ଦାନ୍ତକୁ ବ୍ୟବହାର କରିଥାଏ |

   Related Posts