Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ସମ୍ ହସ୍ପିଟାଲରେ ବିରଳ ଅସ୍ତ୍ରୋପଚାର, ୧୦ ବର୍ଷ ବାଳକର ଫୁସଫୁସରୁ ବାହାର କରାଗଲା ଦୁଇଟି ଚୁମ୍ବକ

27/05/2019 at 7:20 PM

ଭୁବନେଶ୍ୱର, ୨୭/୫: ଏକ ୧୦ ବର୍ଷର ବାଳକର ଫୁସଫୁସରୁ ବାହାରିଲା ଦୁଇଟି ଚୁମ୍ବକ । ବିରଳ ଅସ୍ତ୍ରୋପଚାର ମାଧ୍ୟମରେ ବାମ ପଟ ଫୁସଫୁସରେ ଅଟକିଥିବା ଚୁମ୍ବକକୁ ବାହାର କଲେ ସମ୍ ହସ୍ପିଟାଲର ଡାକ୍ତର । ଶିକ୍ଷା ଓ ଅନୁସନ୍ଧାନ (ଡିମ୍ଡ ଟୁ ବି ୟୁନିଭର୍ସିଟି) ପରିଚାଳିତ ଇନଷ୍ଟିଚ୍ୟୁଟ ଅଫ୍ ମେଡିକାଲ୍ ସାଇନ୍ସ ଆଣ୍ଡ ସମ୍ ହସ୍ପିଟାଲର କର୍ଣ୍ଣ, ନାଶା ଓ ଗଳା ଏବଂ ସ୍କଲ୍ ବେସ୍ ସର୍ଜରୀର ବିଶେଷଜ୍ଞ ଡାକ୍ତର ରାଧାମାଧବ ସାହୁ ଏହି ସଫଳ ଅସ୍ତ୍ରୋପଚାର କରିଛନ୍ତି ।

ଖୋର୍ଦ୍ଧା ଜିଲ୍ଲା ବାଲିଅନ୍ତା ଅଂଚଳର ପ୍ରମୋଦ ବେହେରାଙ୍କ ୧୦ ବର୍ଷର ପୁଅ ଅଙ୍କୁଶ ବେହେରା ଇୟର୍ ଫୋନ୍ ସହ ଖେଳୁଥିବା ବେଳେ ସେଥିରେ ଲାଗିଥିବା ଦୁଇଟି ଚୁମ୍ବକକୁ ପାଟିରେ ପୁରାଇ ଗିଳିଦେଇଥିଲା । ଚୁମ୍ବକ ଦୁଇଟି ସିଧାସଳଖ ବାମ ପଟ ଫୁସଫୁସରରେ ଅଟକିଯାଇଥିଲା ଓ ହୃତପିଣ୍ଡର ଅତି ନିକଟବର୍ତୀ ସ୍ଥାନରେ ରହିଥିଲା । ଯାହା ଫଳରେ ବାଳକଟିର ଅବସ୍ଥା ଗୁରୁତର ହୋଇପଡ଼ିଥିଲା । ରାଜ୍ୟର ବିଭିନ୍ନ ହସ୍ପିଟାଲରେ ଦେଖାଇବା ସତ୍ୱେ କେହି ଏହାର ଚିକିତ୍ସା କରିବାରେ ସକ୍ଷମ ହୋଇପାରିନଥିଲେ । ଶେଷରେ ସେ ସମ୍ ହସ୍ପିଟାଲରେ ଭର୍ତି ହୋଇଥିଲେ ।

ସମ୍ ହସ୍ପିଟାଲରେ ଇଏନ୍ଟି ଏବଂ ସ୍କଲ୍ ବେସ୍ ସର୍ଜରୀ ବିଶେଷଜ୍ଞ ଡାକ୍ତର ରାଧାମାଧବ ସାହୁ ଏଣ୍ଡୋସ୍କୋପିକ୍ ପ୍ରକ୍ରିୟାରେ ଅପ୍ଟିକାଲ୍ ଫୋର୍ସେପ୍ ଦ୍ୱାରା ଦୁଇଟି ଚୁମ୍ବକକୁ ଫୁସଫୁସରୁ ବାହାର କରିଥିଲେ । ଏହି ସମୟରେ ବାଳକଟିର ଜୀବନପ୍ରତି ବେଶ ବିପଦ ଥିଲା । ଏହି ପ୍ରକ୍ରିୟା ଏତେ ସହଜ ନଥିଲା । ଅପ୍ଟିକାଲ୍ ଫୋର୍ସେପ୍ ଜରିଆରେ ଶ୍ୱାସପ୍ରଶ୍ୱାସ ଗତି କରୁଥିବା ରାସ୍ତା ଦେଇ ଏହି ଦୁଇଟି ଚୁମ୍ବକକୁ ଫୁସଫୁସରୁ ବାହାର କରାଯାଇଥିଲା ବୋଲି ଡାକ୍ତର ସାହୁ କହିଛନ୍ତି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏକ ନିର୍ଦ୍ଧାରିତ ସମୟସୀମା ମଧ୍ୟରେ ମାତ୍ର ୫ ମିନିଟ୍ ୨୦ ସେକେଣ୍ଡ ମଧ୍ୟରେ ଚୁମ୍ବକଟିକୁ ଫୁସଫୁସରୁ କଢ଼ାଯାଇଥିଲା । ୧୦ ମିନିଟ୍ ସମୟ ମଧ୍ୟରେ କଢ଼ାଯାଇନଥିଲେ ବାଳକଟିର ଜୀବନ ପ୍ରତି ବିପଦ ଥିଲା । ଏହି ପ୍ରକ୍ରିୟାରେ ନିଶ୍ୱାସ ନେଉଥିବା ରାସ୍ତାରେ ହିଁ ସର୍ଜରୀ କରାଯାଇଥାଏ । ଯାହା ଦୁଇ ସର୍ଜନ ଏବଂ ନିଶ୍ଚେତକ ଡାକ୍ତରଙ୍କ ପାଇଁ ବଡ ଚ୍ୟାଲେଞ୍ଜ ଥିଲା । ଏହି ସର୍ଜରୀ ନିଶ୍ଚେତକ ଡାକ୍ତର ସ୍ୱସ୍ତିକା ସ୍ୱାରୋ ପିଲାଟିକୁ ଏବଂ ଡାକ୍ତର ନିସ୍ତା ଆନନ୍ଦ ଡାକ୍ତର ସାହୁଙ୍କୁ ସହଯୋଗ କରିଥିଲେ ।

ତେବେ ଡାକ୍ତର ସାହୁ ସଫଳତାର ସହ ଅସ୍ତ୍ରୋପଚାର କରି ବାଳକଟିର ଜୀବନ ବଂଚାଇପାରିଛନ୍ତି । ବାଳକଟି ଏବେ ସମ୍ପୂର୍ଣ୍ଣ ସୁସ୍ଥ ଅଛି ।

   Related Posts