Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • T20 World Cup: ଇତିହାସ ରଚିଲେ କର୍ଟିସ କାମ୍ପର, ୪ ବଲ୍‌ରେ ନେଲେ ୪ ଓ୍ଵିକେଟ୍
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ମିଲରେ ଅଗ୍ନିକାଣ୍ଡ: ଜୀବନ ବଞ୍ଚାଇବାକୁ ବିଲଡିଂରୁ ଡେଇଁପଡିଥିଲେ ଶ୍ରମିକ, ଉଦ୍ଧାର କାର୍ଯ୍ୟ ଜାରି
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୪୦ କୋଭିଡ୍ ପଜିଟିଭ୍
  • ||
  • ଲଖିମପୁର ହିଂସା ମାମଲାରେ ସଂଯୁକ୍ତ କିଷାନ ମୋର୍ଚ୍ଚାର ରେଳରୋକ, ୬ ଘଣ୍ଟିଆ ଆନ୍ଦୋଳନ ପାଇଁ ୧୪୪ ଧାରା
  • ||
  • ଫୁଲୁଛି ଜଳକା ନଦୀ, ବିପଦ ସଙ୍କେତ ଉପରେ ଜଳସ୍ତର
  • ||
  • ଚାଲାଣ ବେଳେ ୩୯ ଶ୍ରମିକ ଉଦ୍ଧାର, ଦାଦନ ଖଟିବାକୁ ଯାଉଥିଲେ ବିଜୟନଗରମ୍
  • ||
  • ବଙ୍ଗୋପସାଗରରେ ଟ୍ରପ୍ ଲାଇନ, ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ଏଯାଏଁ ମିଳୁନି ବାପା-ପୁଅଙ୍କ ପତ୍ତା, ରବିବାର ନାଗାବଳୀରେ ଭାସି ଯାଇଥିଲେ ଉଭୟ
  • ||

ସମ୍ ହସ୍ପିଟାଲରେ ଫୁସଫୁସ କ୍ୟାନସର ରୋଗୀଙ୍କର ବିରଳ ଅସ୍ତ୍ରୋପଚାର

12/03/2019 at 4:14 PM

ଭୁବନେଶ୍ୱର ୧୨/୩: ଶିକ୍ଷା ଓ ଅନୁସନ୍ଧାନ ବିଶ୍ୱ ବିଦ୍ୟାଳୟ ପରିଚାଳିତ ଇନଷ୍ଟିଚ୍ୟୁଟ ଅଫ୍ ମେଡିକାଲ୍ ସାଇନ୍ସ ଆଣ୍ଡ ସମ୍ ହସ୍ପିଟାଲ୍ର ସର୍ଜନ୍ମାନେ ସଫଳତାର ସହ ଜଣେ ୩୯ ବର୍ଷୀୟା ମହିଳାଙ୍କର ଏକ ବିରଳ ଅସ୍ତ୍ରୋପଚାର କରିଛନ୍ତି । ମହିଳା ଜଣକ ତାଙ୍କର ବାମ ପାଶ୍ୱର୍ ଫୁସ୍ଫୁସ୍ରେ କାର୍ସିନଏଡ୍ ଟ୍ୟୁମର୍ ରୋଗରେ ଆକ୍ରାନ୍ତ ଥିଲେ ।


ସମ୍ପୃକ୍ତ ମହିଳାଙ୍କ ଶରୀରରେ ଏହି ରୋଗ ଚିହ୍ନଟ ହେବା ପରେ ଅସୁସ୍ଥ ଅବସ୍ଥାରେ ଚିକିତ୍ସା ପାଇଁ ସେ ଅନେକ ଚିକିତ୍ସା କେନ୍ଦ୍ରକୁ ଯାଇଥିଲେ ମଧ୍ୟ ଶେଷରେ ସମ୍ ହସ୍ପିଟାଲ୍ରେ ତାଙ୍କର ସଫଳ ଚିକିତ୍ସା ହୋଇପାରିଥିଲା । ମହିଳାଙ୍କର ବାମପାଶ୍ୱର୍ ଫୁସ୍ଫୁସ୍ର ଅର୍ଦ୍ଧାଧିକ ଭାଗକୁ ଲୋୱର୍ ଗ୍ରେଡ୍ ଟ୍ୟୁମର ବ୍ୟାପୀ ଥିଲା । ଏଥିପାଇଁ ସଫଳ ଅସ୍ତ୍ରୋପଚାରର ଆବଶ୍ୟକତା ଥିଲା । ସର୍ଜନ୍ମାନେ ତାଙ୍କ ଶରୀରରେ ନ୍ୟୁମୋନେକ୍ଟୋମୀ କରିବା ପାଇଁ ନିଷ୍ପତି ନେଇଥିଲେ । ଏହାଦ୍ୱାରା ତାଙ୍କର ସମ୍ପୂର୍ଣ୍ଣ ବାମପାଶ୍ୱର୍ର ଫୁସ୍ଫୁସ୍କୁ ସଫଳତାର ସହ କାଢି ବାହାର କରାଯାଇଥିଲା ।


ସମ୍ ହସ୍ପିଟାଲ୍ର ସର୍ଜିକାଲ୍ ଅଙ୍କୋଲୋଜିଷ୍ଟ ଡ. ସୁନୀଲ୍ ଅଗ୍ରୱାଲ୍ ଏହି ଅପରେସନ୍ରେ ସାମିଲ୍ ଥିବା ଟିମର ନେତୃତ୍ୱ ନେଇଥିଲେ । ଅସ୍ତ୍ରୋପଚାର ପରେ ରୋଗୀଜଣକ ସୁସ୍ଥ ଅଛନ୍ତି ଏବଂ ଏଭଳି ବିରଳ ଓ ଜଟିଳ ଅସ୍ତ୍ରୋପଚାରରେ ସମ୍ ହସ୍ପିଟାଲ୍ରେ ସଫଳତାର ସହ କରାଯାଉଛି । ତେଣୁ ଓଡ଼ିଶାର କ୍ୟାନ୍ସର ରୋଗୀମାନେ ସମ୍ ହସ୍ପିଟାଲରେ ଚିକିତ୍ସାର ସୁବିଧା ଉଠାନ୍ତୁ ବୋଲି ଡ. ଅଗ୍ରୱାଲ୍ କହିଛନ୍ତି ।


ଏହି ଅସ୍ତ୍ରୋପଚାର ଟିମ୍ରେ ଡ. ଅମିତାଭ ଜେନା, ଡ. ପ୍ରଦ୍ୟୁମ୍ନ ସାହୁ, ଡ. ସୋ÷ରଭ ମିଶ୍ର, ଆନାସ୍ଥେସିଓଲୋଜିଷ୍ଟ ଡ. ଶ୍ରୀହର୍ଷ ଶତପଥୀ ଏବଂ ଡ. ସୁଦୀପ୍ ସାମିଲ୍ ଥିଲେ । ଡ. ରାଜେଶ ଲେଙ୍କା, ଡ. ଏସ୍.ଏନ୍ ମହାନ୍ତି ଓ ଶ୍ରୀ ଦେବୀ ମହାନ୍ତି ଆବଶ୍ୟକୀୟ ସହଯୋଗ ଯୋଗାଇଥିଲେ ।

   Related Posts