Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ମାଛ ମାରିବାକୁ ନଦୀରେ ନିୟମିତ ବିଷ ମିଶାଉଛନ୍ତି ଦୁର୍ବୁତ୍ତ: ବିପଦରେ ବିରଳ ଗାଙ୍ଗେଟିକ୍ ଡଲଫିନ୍

1/12/2020 at 6:22 PM

କେନ୍ଦ୍ରାପଡା ୦୧/୧୨ : ମାଛ ମାରିବାକୁ  କିଛି ଦୁର୍ବୃତ୍ତ ନଦୀପାଣିରେ ବିଷ ମିଶାଇବା ଭଳି ସାଂଘାତିକ ଘଟଣା ସାମ୍ନାକୁ ଆସିଛି କେନ୍ଦ୍ରପଡ଼ାରେ।  ଗୋବରି ନଦୀ ପାଣିରେ କିଛି ଦୁର୍ବୃତ୍ତ ବିଷ ମିଶାଇଥିବାରୁ ଏବେ ବିରଳ ଗାଙ୍ଗେଟିକ୍‌ ଡଲଫିନ୍‌ ମରୁଥିବାର ଦେଖିବାକୁ ମିଳିଥିଲା। ତେବେ ଆଖପାଖ ଅଂଚଳ ହଜାର ହଜାର ଲୋକ ଯେତେବେଳେ ଏହି ନଦୀ ଜଳ ଉପରେ ନିର୍ଭର କରୁଛନ୍ତି ସେତେବେଳେ ଏହାର ବିଷ ପାଣିକୁ ନେଇ ବିପଦ ସୃଷ୍ଟି ହୋଇଛି।

ବିଷ ବଳୟରେ କେନ୍ଦ୍ରାପଡ଼ାର ଗୋବରୀ ନଦୀ। ବିପଦରେ ବିରଳ ଗାଙ୍ଗେଟିକ୍‌ ଡଲଫିନ୍‌। ବିଷ ପାଣିକୁ ନେଇ ଚିନ୍ତାରେ ହଜାର ହଜାର ଲୋକ। ମାଛ ମାରିବାକୁ ନଦୀରେ ନିୟମିତ ବିଷ ମିଶାଉଛନ୍ତି ଦୁର୍ବୃତ୍ତ। ଫଳରେ ଗୋବରୀ ନଦୀର ପାଣି ବିଷାକ୍ତ ହୋଇପଡ଼ିଛି। ଆଉ ଏହି ବିଷାକ୍ତ ପାଣିରେ କେବଳ ମାଛ ମରୁଛନ୍ତି ତା ନୁହେଁ ଏହି ନଦୀରେ ଦେଖାଯାଉଥିବା ବିରଳ ଗାଙ୍ଗେଟିକ୍‌ ଡଲଫିନ୍‌ ମଧ୍ୟ ମରି ଭାସୁଛନ୍ତି। ନଦୀ ପାଣିରେ ବିଷ ମିଶାଇବା ଭଳି ସାଂଘାତିକ ଘଟଣା ଯେତେବେଳେ ସାମ୍ନାକୁ ଆସିଛି ସେତେବେଳେ ଏହି ନଦୀ ଉପରେ ନିର୍ଭର କରୁଥିବା ଆଖପାଖ ଅଂଚଳର ଲୋକଙ୍କ ଜୀବନ ପ୍ରତି ମଧ୍ୟ ବିପଦ ସୃଷ୍ଟି ହୋଇଛି।

କେନ୍ଦ୍ରାପଡ଼ା ସଦରଥାନା ନରଣପୁର, ମଧୁରକୂଳ, କଇଁଚୂଳ, ଭେଡିସାହି, ନିଗିନିପୁର, ଲୋକନାଥପୁର, ଗଙ୍ଗାରାମପୁର ଆଦି ଗାଁର ହଜାର ହଜାର ଲୋକ ଦୈନନ୍ଦିନ ଗୋବରୀ ନଦୀ ପାଣିକୁ ବ୍ୟବହାର କରିଥାନ୍ତି। ଚାଷ କାର୍ଯ୍ୟ ସହ ଗାଈଗୋରୁ ମଧ୍ୟ ଏହି ନଦୀର ପାଣି ବ୍ୟବହାର ହୁଏ। ତେଣୁ ଏହି ନଦୀ ପାଣିରେ ବିଷ ମିଶିଥିବା ଜାଣିବା ପରେ ଏବେ ଏସବୁ ଅଂଚଳବାସୀଙ୍କ ମନରେ ଭୟ ସୃଷ୍ଟି ହୋଇଛି। ସେପଟେ ଜଳଚର ପ୍ରାଣୀମାନଙ୍କ ସୁରକ୍ଷାକୁ ନେଇ ମଧ୍ୟ ଚିନ୍ତାରେ ପରିବେଶବିତ୍‌।

ଆଜିକାଲି ନିଜ ସ୍ବାର୍ଥ ପାଇଁ କିଛି ଲୋକ ନୃଶଂସ ହୋଇଡ଼ୁଛନ୍ତି। ଏମିତିକି ଅନ୍ୟମାନଙ୍କ ଜୀବନ ବିପଦରେ ପକାଇବାକୁ ମଧ୍ୟ ପଛାଉନାହାନ୍ତି।  କୁହାଯାଉଛି ମଧୁର ଜଳରେ ଚୁଙ୍ଗୁଡ଼ି ମାରିବାକୁ ନଦୀ ପାଣିରେ ଏଭଳି ବିଷ ପ୍ରୟୋଗ କରାଯାଉଛି। ଏହି ଘଟଣାକୁ ନେଇ କିଛି ମତ୍ସ୍ୟଜୀବୀ କେନ୍ଦ୍ରାପଡ଼ା ସଦର ଥାନରେ ଲିଖିତ ଅଭିଯୋଗ କରିଥିଲେ ମଧ୍ୟ ପୋଲିସ କିମ୍ବା ପ୍ରଶାସନ ନିଦାବଷ୍ଣୁ ସାଜିଛି।  ତେବେ ସମସ୍ତଙ୍କ ସହଯୋଗରେ ଘଟଣାର ପ୍ରତିକାର ପାଇଁ ଉଦ୍ୟମ କରାଯିବ ବୋଲି କହିଛନ୍ତି ସ୍ଥାନୀୟ ସରପଞ୍ଚ।

କେନ୍ଦ୍ରାପଡ଼ା ଗୋବରୀ ନଦୀ ପାଣି ବିଷ ମିଶାଯାଉଥିବା ଘଟଣାରେ ତୁରନ୍ତ ପୋଲିସ ତଦନ୍ତ କରି ଦୁର୍ବୃତ୍ତଙ୍କୁ ଧରିବା ସହ ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ କରିବା ଜରୁରି ହୋଇପଡ଼ିଛି।

   Related Posts