Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ କୋହଲିଙ୍କ ଘୋଷଣା, ଟି-୨୦ ୱାର୍ଲ୍ଡ କପ୍‌ ପରେ ଛାଡ଼ିବେ କ୍ୟାପ୍ଟେନ୍‌ ପଦ
  • ||
  • ସାନଖେମୁଣ୍ଡି : ଭିଜିଲାନ୍ସ ଜାଲରେ ଆସିଷ୍ଟାଣ୍ଟ ଇଂଜିନିୟର, ଠିକାଦାରଙ୍କଠୁ ନେଉଥିଲେ ୫୦ହଜାର ଟଙ୍କା ଲାଞ୍ଚ
  • ||
  • ନୂଆଦିଲ୍ଲୀ : ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ, ୧୯ ଓ ୨୦ରେ ପ୍ରବଳ ବର୍ଷା ସମ୍ଭାବନା : IMD ଡିଜି
  • ||
  • ମାଲକାନଗିରି : ମାଲକାନଗିରିରେ ସୁରକ୍ଷାକର୍ମୀ-ମାଓବାଦୀ ଗୁଳିବିନିମୟ, ଛତ୍ରଭଙ୍ଗ ଦେଲେ ମାଓବାଦୀ : କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ
  • ||
  • ପୁରୀ : ଶୁକ୍ରବାର ବନ୍ଦ ରହିବ ଶ୍ରୀମନ୍ଦିର, ବିଶେଷ ନୀତି ଯୋଗୁଁ ଶ୍ରୀଜିଉଙ୍କୁ ଦର୍ଶନ କରିପାରିବେନି ଶ୍ରଦ୍ଧାଳୁ
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ବଢୁଛି ଜଳସ୍ତର : ଚିନ୍ତାରେ ତଳିଆ ଅଞ୍ଚଳବାସୀ
  • ||
  • ଖଣ୍ଡପଡା : ରଥିଆ ନାଳରେ ଭାସି ବୃଦ୍ଧ ନିଖୋଜ, ମାଛ ଧରିବାକୁ ଯାଇ ନାଳରେ ଭାସିଯାଇଥିବା ସନ୍ଦେହ
  • ||
  • ଜଗତସିଂହପୁର : ମହାନଦୀ ବନ୍ୟାଜଳରେ ବୁଡି ଗାଡି ଚାଳକ ନିଖୋଜ, ଇଟାଭାଟିକୁ ଯାଉଥିବା ବେଳେ ଅଘଟଣ
  • ||
  • ଯାଜପୁର : ପାଣିରେ ଭାସି ଯାଇଥିଲେ ବାପା-ପୁଅ, ଠାବ ହେଲା ମୃତଦେହ
  • ||
  • ଉପରତଳ ହେଉଛି କରୋନା ଗ୍ରାଫ : ୨୪ ଘଣ୍ଟାରେ ବାହାରିଲେ ୫୮୦ କୋଭିଡ୍ ପଜିଟିଭ୍
  • ||

ସମ୍ ହସ୍ପିଟାଲରେ ବିରଳ ଅସ୍ତ୍ରୋପଚାର, ମସ୍ତିଷ୍କ ନ ଖୋଲି ବାହାର କରାଗଲା ଟ୍ୟୁମର

2/02/2019 at 5:59 PM

ଭୁବନେଶ୍ୱର ୨/୨ : ଏକ ବିରଳ ଅସ୍ତ୍ରୋପଚାର ଯୋଗେ ମସ୍ତିଷ୍କରେ ହୋଇଥିବା ଟ୍ୟୁମରକୁ ଇନ୍ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍ସ ଆଣ୍ଡ ସମ ହସ୍ପିଟାଲରେ ବାହାର କରାଯାଇଛି । ମସ୍ତିଷ୍କକୁ ନ ଖୋଲି ନାକର ରନ୍ଧ୍ର ବାଟ ଦେଇ ଏହି ସଫଳ ଅସ୍ତ୍ରୋପଚାର କରାଯାଇଛି । ନବରଙ୍ଗପୁର ଅଂଚଳର ୩୧ ବର୍ଷୀୟ ଇଲେକ୍ଟ୍ରିସିଆନ୍ ସିଲୁ ଜେନା ମୁଣ୍ଡର ଡାହାଣ ପାଶ୍ୱର୍ରେ ପ୍ରବଳ ଯନ୍ତ୍ରଣା ଅନୁଭବ କରିବା ସହ ଡାହାଣ ଆଖିରେ ସବୁ ପଦାର୍ଥ ଦୁଇ ଦୁଇଟି ଦେଖାଯିବାର ସମସ୍ୟା ନେଇ ସମ୍ ହସ୍ପିଟାଲ୍ରେ ପହଂଚିଥିଲେ । ଗତି କିଛି ମାସ ଧରି ତାଙ୍କର ଏଭଳି ସମସ୍ୟା ଦେଖାଦେଇଥିଲା । ଅନେକ ସ୍ଥାନରେ ପରାମର୍ଶ କରି ବିଫଳ ହେଲା ପରେ ଶିକ୍ଷା ଓ ଅନୁସନ୍ଧାନର ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ୍ରେ ସେ ପରାମର୍ଶ କରିଥିଲେ ଅର୍ନ୍ତଜାତୀୟ ସ୍ତରରେ ଖ୍ୟାତି ଅର୍ଜନ କରିଥିବା ଇଏନ୍ଟି ଏବଂ ଏଣ୍ଡୋସ୍କୋପିକ୍ ସ୍କଲ୍ ବେସ୍ ସର୍ଜରୀର ବିଶେଷଜ୍ଞ ତଥା ସମ୍ ହସ୍ପିଟାଲର ସିନିୟର କନ୍ସଲଟାଂଟ ଡାକ୍ତର ରାଧାମାଧବ ସାହୁ । ଡାକ୍ତର ରାଧାମାଧବ ସାହୁଙ୍କ ପ୍ରତ୍ୟକ୍ଷ ତତ୍ୱାବଧାନରେ ତାଙ୍କର ଚିକିତ୍ସା ଆରମ୍ଭ କରାଯାଇଥିଲା ।


ବିଭିନ୍ନ ପରୀକ୍ଷା ଓ ଏମ୍.ଆର୍.ଆଇ ରିପୋର୍ଟରୁ ଜଣାପଡ଼ିଲା ଚକ୍ଷୁର ପଛ ପାଖ ଦେଇ ମସ୍ତିଷ୍କ ମଧ୍ୟକୁ ଯାଇଥିବା ସ୍ନାୟୁର ମଧ୍ୟ ଭାଗରେ ଏକ ଟ୍ୟୁମର ସୃଷ୍ଟି ହୋଇଛି । ଯଦ୍ୱାରା ଟ୍ୟୁମର ଥିବା ସ୍ଥାନ ମେକେଲସ୍କେଭରୁ ଚକ୍ଷୁ ମଧ୍ୟକୁ ସଂଯୋଜିତ କରୁଥିବା ସ୍ନାୟୁଗୁଚ୍ଛ ସବୁକୁ ଟ୍ୟୁମରଟି କାଭେରନସ ସାଇନସ୍ ପାଖରେ ଚାପି ରଖିଥିଲା । ଏହି ପରିସ୍ଥିତିରେ ରୋଗୀର ଅବସ୍ଥା ଅତ୍ୟନ୍ତ ଦୂର୍ବଳ ଏବଂ ଜଟିଳ ଥିଲା ।


ତାଙ୍କର ଚିକିତ୍ସା ଆରମ୍ଭ କରିଥିଲେ ଡାକ୍ତର ସାହୁ ଓ ସେ ରୋଗୀକୁ ସମ୍ପୂର୍ଣ୍ଣ ପରୀକ୍ଷା କରି ବ୍ରେନ୍ ଏମ୍ଆର୍ଆଇ ଦ୍ୱାରା ମସ୍ତିଷ୍କର ମେକଲ୍ସ କେଭ୍ ପାଖାପାଖି ସ୍ଥାନରେ “ଟ୍ରାଇଜେମିନାଲ୍ ସ୍ୱାନୋମା” ହୋଇଥିବାରର ଜାଣିବାକୁ ପାଇଥିଲେ ।


ଏହି ପ୍ରକାର ଜଟିଳ ରୋଗରୁ ମୁକ୍ତି ନିମନ୍ତେ ଅଧିକାଂଶ ସମୟରେ ପୁରା ମସ୍ତିଷ୍କକୁ ଖୋଲି ଓପନ୍ ବ୍ରେନ୍ ସର୍ଜରୀ କରାଯାଇଥାଏ । ଯାହାଦ୍ୱାରା ଅନେକ ସମସ୍ୟା ଉପୁଜିଥାଏ । ଅନେକ ଦନ ପର୍ଯ୍ୟନ୍ତ ଔଷଧ ଖାଇବାକୁ ପଡ଼ିଥାଏ ଓ ଜୀବନ ପ୍ରତି ବିପଦ ରହିଥାଏ । ଏହି ଅପରେସନ୍ ପାଇଁ ମଧ୍ୟ ଅଧିକ ସମୟ ଲାଗିଥାଏ ଓ ହସ୍ପିଟାଲ୍ରେ ବେଶି ଦିନ ରହିବାକୁ ପଡ଼ିଥାଏ ।


ମାତ୍ର ଡାକ୍ତର ସାହୁ ଏବଂ ଡାକ୍ତର ଏସ୍. ପାଣିଗ୍ରାହି ଓପନ୍ ବ୍ରେନ୍ ସର୍ଜରୀ ନକରି ନାକ ବାଟ ଦେଇ ଆଡଭାନ୍ସଡ ଏଣ୍ଡୋସ୍କୋପିକ୍ ସ୍କଲ୍ ବେସ୍ ସର୍ଜରୀ ଦ୍ୱାରା ଟ୍ୟୁମରଟିକୁ ସଫଳତାର ସହ କାଢ଼ିପାରିଛନ୍ତି । ଅପରେସନର ୫ ଦିନ ପରେ ରୋଗୀ ଘରକୁ ଫେରି ଯାଇପାରିଛି । ଏହି ବିରଳ ଅସ୍ତ୍ରୋପଚାର ଏହି ପ୍ରକାର ଟ୍ୟୁମର ପାଇଁ ନାକ ବାଟ ଦେଇ ଓଡ଼ିଶାରେ ପ୍ରଥମ ଥର ପାଇଁ ସମ୍ ହସ୍ପିଟାଲ୍ରେ କରାଯାଇଥିବା ଡାକ୍ତର ସାହୁ କହିଛନ୍ତି ।


ସମ ହସ୍ପିଟାଲ ଆସିବା ଆଗରୁ ରୋଗୀଟି ଅନ୍ୟ ହସ୍ପିଟାଲ୍କୁ ଚିକିତ୍ସା ପାଇଁ ଯାଇଥିଲେ ମଧ୍ୟ କୋ÷ଣସି ସୁଫଳ ପାଇନଥିଲେ । ଆଗାମି ଦିନରେ ଏପରି ଅତ୍ୟାଧୁନିକ ଏଣ୍ଡୋସ୍ପୋପିକ୍ ସ୍କଲ୍ବେସ୍ ସର୍ଜରୀ ପ୍ରକ୍ରିୟାକୁ ଆହୁରି ବ୍ୟାପକ କରାଯିବ ବୋଲି ରୋଗୀ ସମ୍ପର୍କ ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି ।

   Related Posts