ଜବଲପୁର ୧୫/୨- ଜବଲପୁର ବରେଲାରେ ଜଣେ ବିଧବା ମହିଳାଙ୍କୁ ଗଣ ଦୁଷ୍କର୍ମ କରି ରାସ୍ତା କଡ଼ରେ ଫିଙ୍ଗିଦେଲେ ଦୁବୃର୍ତ୍ତ । ମହିଳାଙ୍କୁ ଉଦ୍ଧାର କରି ମେଡ଼ିକାଲରେ ଭର୍ତ୍ତିକଲେ ଜଣେ ସଂପର୍କୀୟ ଭାଇ ।
ଏହିଭଳି ଅଭାବନୀୟ ଘଟଣା ଘଟିଛି ବରେଲା ଅଂଚଳରେ । ଜଣେ ବିଧବା ମହିଳା ରାସ୍ତାରେ ଆସୁଥିବା ବେଳେ ତାଙ୍କୁ ରାସ୍ତାରୁ ଉଠାଇନେଇ କଲେ ଦୁଷ୍କର୍ମ ।
ମହିଳା ବରେଲା ଅଂଚଳରେ ଏକା ରହୁଥିଲେ । ତାଙ୍କର ଦୁଇପୁଅ ନରସିଂହପୁରରେ ଏକ ପ୍ରାଇଭେଟ କଂପାନୀରେ ଚାକିରି କରୁଥିଲେ । ଏହି ସୁଯୋଗରେ ସେହି ଗାଁର ପପୁ ମହାରାଜ ଓ ମୁନ୍ନା ଝରିଆ ନାମକ ଦୁଇଜଣ ଯୁବକ ତାଙ୍କୁ ଗଣବଳାତ୍କାର କରିଥିବାର ଅଭିଯୋଗ ଆସିଛି । ଏହି ଦୁଇଜଣ ଯୁବକ ମଦ ପିଇ ଫେରୁଥିବା ସମୟରେ ମହିଳାଙ୍କୁ ଦେଖି ଜଙ୍ଗଲକୁ ଉଠାଇ ନେଇଥିଲେ । ସେଠାରେ ସାମୁହିକ ଏହିକାମ କରିବା ପରେ ରାସ୍ତା ପାଖରେ ଫିଙ୍ଗିଦେଇ ଚାଲିଯାଇଥିଲେ ।
ଗାଁର କିଛିଲୋକ ଏହି ଘଟଣା ଦେଖି ଜଣେ ସଂପର୍କୀୟ ଭାଇ ସହ ଡ଼ାକ୍ତରଖାନା ପଠାଇଥିଲେ । ପୋଲିସ ଏବାବଦରେ ମାମଲା ରୁଜୁକରି ମୁନ୍ନା ଝରିଆକୁ ଆରେଷ୍ଟ କରିଥିଲେ ମଧ୍ୟ ପପୁ ମହାରାଜ ଫେରାର ଅଛି ।
