ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ କମୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୨୧୨୪ କୋଭିଡ୍ ପଜିଟିଭ୍
  • ||
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୩ କୋଭିଡ୍ ପଜିଟିଭ୍
  • ||
  • ରାଇରଙ୍ଗପୁର: ଗୋରୁ ବେପାରୀଙ୍କୁ ଗୁଳିକରି ହତ୍ୟା, ୨୦ ଲକ୍ଷ ଲୁଟ୍‌
  • ||
  • ପୁରୀ : ବୁଧବାର ମହାପ୍ରଭୁଙ୍କ ବନକଲାଗି, ୪ ଘଣ୍ଟା ବନ୍ଦ ରହିବ ଦର୍ଶନ
  • ||

୭ ବର୍ଷର ନାବାଳିକାକୁ ଦୁଷ୍କର୍ମ ଓ ହତ୍ୟା ଘଟଣା: ପିଡୀତାଙ୍କ ବାପାଙ୍କ ସାମ୍ନାରେ ଦୁଷ୍କର୍ମକାରୀକୁ ଦିଆଗଲା ଫାଶୀ, ଅଧଘଣ୍ଟା ପର୍ଯ୍ୟନ୍ତ ଝୁଲି ରହିଲା ଶବ

17/10/2018 at 6:06 PM

ଲାହୋର ୧୭।୧୦: ୭ ବର୍ଷର ନାବାଳିକାକୁ ଦୁଷ୍କର୍ମ ପରେ ହତ୍ୟା କରିଥିବା ଜଣେ ଅଭିଯୁକ୍ତକୁ ଆଜି ମୃତ ନାବାଳିକାଙ୍କ ପିତାଙ୍କ ଉପସ୍ଥିତିରେ ଫାଶୀ ଦିଆଯାଇଛି । ସର୍ବ ସାଧାରଣରେ ଏହି ରାକ୍ଷସକୁ ଫାଶୀ ଦେବା ଲାଗି ପୀଡିତାଙ୍କ ପିତା କରିଥିବା ଆବେଦନକୁ ଅଦାଲତ ଖାରଜ କରିଦେଇଥିଲେ । ଲାହୋରର ଲଖପତି ଜେଲ୍ ରେ ଆଜି ସକାଳେ ଦୋଷୀ ସାବ୍ୟସ୍ତ ଇମ୍ରାନ ଅଲ୍ଲୀକୁ ଫାଶୀ ଦିଆଯାଇଛି । ଗତକାଲି ନିଜ ପରିବାର ସହ କଥା ହେବାପାଇଁ ଇମ୍ରାନକୁ ୪୫ମିନିଟ୍ ସମୟ ଦିଆଯାଇଥିଲା ।

ସୂଚନା ଯୋଗ୍ୟ ଯେ, ୯ଜଣଙ୍କୁ ଦୁଷ୍କର୍ମ କରିବା ସହ ଜଣେ ୭ବର୍ଷର ନାବାଳିକାକୁ ଦୁଷ୍କର୍ମ ଓ ହତ୍ୟା ଅଭିଯୋଗରେ ଇମ୍ରାନ ଅଲ୍ଲୀକୁ ଗତ ଜାନୁଆରୀ ମାସରେ ସୁପ୍ରିମକୋର୍ଟଙ୍କ କଡା ନିର୍ଦ୍ଦେଶ ପରେ ପୋଲିସ ଗିରଫ କରିଥିଲା । ସାତ ବର୍ଷର ନାବାଳିକାକୁ ଦୁଷ୍କର୍ମ ଓ ହତ୍ୟା ଘଟଣାକୁ ନେଇ ସମଗ୍ର ପାକିସ୍ତାନରେ ଉଦବେଗ ପ୍ରକାଶ ପାଇଥିଲା । ଫଳରେ ଦୀର୍ଘ ଦିନ ହେଲା ଫେରାର ଥିବା ଇମ୍ରାନକୁ ତିନି ଦିନ ମଧ୍ୟରେ ଗିରଫ କରିବା ପାଇଁ ପାକିସ୍ତାନର ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ । ପାକିସ୍ତାନର ଆଣ୍ଟି ଟେରୋରିଷ୍ଟ କୋର୍ଟ (ଏଟିସି) ଏହି ମାମଲାର ଶୁଣାଣି କରିଥିଲେ । ଅଦାଲତରେ ଇମ୍ରାନ ହତ୍ୟା ଓ ଦୁଷ୍କର୍ମ କରିଥିବା ସ୍ବୀକାର କରିଥିଲା । ଭିନ୍ନ ଭିନ୍ନ ମାମଲାରେ ଅଦାଲତ ଇମ୍ରାନକୁ ୨୧ଥର ମୃତ୍ୟୁ, ତିନିଥର ଆଜୀବନ କାରାଦଣ୍ଡ ଓ ୨୩ବର୍ଷର ଜେଲ୍ ଦଣ୍ଡ ଶୁଣାଇଥିଲେ ।

ଗତ ଜାନୁଆରୀ ମାସ ୯ତାରିଖରେ ମୃତ ନାବାଳିକା ନିଜର ସଂପର୍କୀୟଙ୍କ ଘରକୁ ଯାଇଥିବାବେଳେ ଇମ୍ରାନ ହାବୁଡରେ ପଡିଥିଲା । ଇମ୍ରାନ ନାବାଳିକା ସହ ଦୁଷ୍କର୍ମ କରିବା ପରେ ଗଳା ଦବାଇ ହତ୍ୟା କରିଥିଲା । ନାବାଳିକାଙ୍କ ଶବ ଏକ ଡମ୍ପିଂ ୟାର୍ଡରୁ ପୋଲିସ ଉଦ୍ଧାର କରିଥିଲା । ନାବାଳିକାଙ୍କ ଶବ ବ୍ୟବଚ୍ଛେଦ ରିପୋର୍ଟରୁ ସ୍ପଷ୍ଟ ହୋଇଥିଲା ଯେ ହତ୍ୟା ପୂର୍ବରୁ ତାଙ୍କ ସହ ଦୁଷ୍କର୍ମ ହୋଇଛି ।

ଆଜି ଇମ୍ରାନକୁ ଫାଶୀ ଦେବାବେଳେ ମୃତ ପୀଡିତାଙ୍କ ପିତା ଓ ତାଙ୍କ ସଂପର୍କୀୟମାନେ ଉପସ୍ଥିତ ଥିଲେ । ଫାଶୀ ପରେ ମୃତ ନାବାଳିକାଙ୍କ ପିତା ସାମ୍ବାଦିକମାନଙ୍କୁ କହିଛନ୍ତି ଯେ, ଦୁଷ୍କର୍ମକାରୀର ମୃତ୍ୟୁ ନିଜ ଆଖିରେ ଦେଖି ସେ ଆତ୍ମସନ୍ତୋଷ ଲାଭ କରିଛନ୍ତି । ଫାଶୀ ଦେଲା ପରେ ଦୁଷ୍କର୍ମକାରୀର ଶବ ଅଧଘଣ୍ଟା ପର୍ଯ୍ୟନ୍ତ ଝୁଲି ରହିଥିଲା । ତାହା ତାଙ୍କୁ ବେଶ୍ ସନ୍ତୋଷ ପ୍ରଦାନ କରିଛି ।

   Related Posts