Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଦୁଷ୍କର୍ମ ପୀଡିତାଙ୍କ ଉପରେ ଏସିଡ୍ ଢାଳିଦେଲେ ଅଭିଯୁକ୍ତ ସବ୍-ଇନ୍ସପେକ୍ଟରଙ୍କ ସ୍ତ୍ରୀ

28/02/2020 at 12:10 PM

ମିରଟ ୨୮।୨: ଉତ୍ତରପ୍ରଦେଶ ମିରଟ ସିଭିଲ୍ ଲାଇନ୍ସ ଅଞ୍ଚଳରେ ଥିବା ବରିଷ୍ଠ ପୋଲିସ ଅଧୀକ୍ଷକଙ୍କ ବାସଭବନ ନିକଟରେ ଜଣେ ମହିଳାଙ୍କ ସମେତ ତିନିଜଣ ବ୍ୟକ୍ତି ୧୯ବର୍ଷ ବୟସ୍କା ଯୁବତୀଙ୍କୁ ଏସିଡ୍‌ରେ ଆକ୍ରମଣ କରାଯାଇଥିବା ଅଭିଯୋଗ ହୋଇଛି । ଏସିଡ୍ ଆକ୍ରମଣ ଫଳରେ ଯୁବତୀଙ୍କ ହାତ ଓ ଗୋଡ ଜଳି ଯାଇଥିବା ଜଣାପଡିଛି । ବୁଧବାର ରାତିରେ ଏଭଳି ଘଟଣା ଘଟିଛି ।

ଯୁବତୀ ଜଣଙ୍କ ଅଭିଯୋଗ କରିଛନ୍ତି ଯେ, ଆକ୍ରମଣକାରୀଙ୍କ ମଧ୍ୟରେ ଦୁଇ ଜଣ ପୁରୁଷ ଥିବାବେଳେ ଜଣେ ସବ୍-ଇନ୍ସପେକ୍ଟରଙ୍କ ପତ୍ନୀ ଥିଲେ । ସବ୍-ଇନ୍ସପେକ୍ଟରଙ୍କ ପତ୍ନୀ ନିତୁ ତାଙ୍କ ବିରୋଧରେ ପୂର୍ବରୁ ମିଥ୍ୟା ଅଭିଯୋଗ କରିଥିଲେ । ସେ କହିଛନ୍ତି ଯେ, ୨୦୧୮ ମସିହାରେ ସେ ସବ୍-ଇନ୍ସପେକ୍ଟର ନରେନ୍ଦ୍ରଙ୍କ ବିରୋଧରେ ଦୁଷ୍କର୍ମ ଅଭିଯୋଗ କରିବା ପରେ ତାଙ୍କ ଏବଂ ତାଙ୍କ ଭାଇଙ୍କ ବିରୋଧରେ ମାମଲା ରୁଜୁ କରାଯାଇଥିଲା ।

ସିଭିଲ୍ ଲାଇନ୍ସ ଥାନା ଅଧିକାରୀ ସଞ୍ଜୀବ ଦେଶୱାଲ କହିଛନ୍ତି ଯେ, ପାଲ୍ଲାଭପୁରମରେ ରହୁଥିବା ଯୁବତୀ ଆକ୍ରମଣକାରୀଙ୍କ ମଧ୍ୟରେ ସଂପୃକ୍ତ ମହିଳା ଥିବା ନେଇ ଅଭିଯୋଗ କରିଛନ୍ତି ।

୨୦୧୮ ମସିହାରେ ସବ୍-ଇନ୍ସପେକ୍ଟରଙ୍କ ବିରୋଧରେ ଯୁବତୀ ଜଣଙ୍କ ଅଭିଯୋଗ ଆଣିଥିଲେ । ପରେ ସବ୍-ଇନ୍ସପେକ୍ଟରଙ୍କ ପତ୍ନୀ ଯୁବତୀଙ୍କ ବିରୋଧରେ ଅଭିଯୋଗ ଆଣି ତାଙ୍କୁ ଜେଲ ପଠାଇଥିଲେ । ବର୍ତ୍ତମାନ ସେ ଜାମିନରେ ଅଛନ୍ତି ବୋଲି ଥାନା ଅଧିକାରୀ କହିଛନ୍ତି ।

ପୋଲିସ କହିଛି ଯେ, ସଂପୃକ୍ତ ସବ୍-ଇନ୍ସପେକ୍ଟର ଜଣଙ୍କ ବେହସୁମା ପୋଲିସ ଷ୍ଟେସନରେ କାର୍ଯ୍ୟରତ ଥିଲେ । ଥାନା ଅଧିକାରୀ ସଞ୍ଜୀବ ଦେଶୱାଲ କହିଛନ୍ତି ଯେ, ଘଟଣାର ତଦନ୍ତ ଜାରି ରହିଛି ।

   Related Posts