Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

‘ଝାନସୀ ରାଣୀ’ କଂଗ୍ରେସର ପ୍ରଚାର ଅସ୍ତ୍ର : ରାଣୀ ଲକ୍ଷ୍ମୀବାଈଙ୍କ ପ୍ରତି ସିନ୍ଧିଆ ରାଜବଂଶର ବିଶ୍ୱାସଘାତକତା ହେବ ମୁଖ୍ୟ ପ୍ରସଙ୍ଗ

3/10/2020 at 10:15 PM

ଭୋପାଳ, ୦୩ ।୧୦:   ମଧ୍ୟପ୍ରଦେଶର ରାଜନୀତିରେ ଏବେ ଘଡିକେ ଘୋଡା ଛୁଟୁଛି । କେତେବେଳେ କେଉଁ ପ୍ରସଙ୍ଗରେ ଶାସକ ବିଜେପି ଓ ବିରୋଧି କଂଗ୍ରେସ ମୁହାଁମୁହିଁ ହେଉଛନ୍ତି ତାହା ଅନୁମାନ ଲଗାଇବା କଷ୍ଟକର । ଏବେ ମହିଳା ସ୍ୱାଧିନତା ସଂଗ୍ରାମୀ ତଥା ଝାନସୀ ରାଣୀ ଲକ୍ଷ୍ମୀବାଈଙ୍କୁ ନେଇ ବିଜେପି ଓ କଂଗ୍ରେସ ମଧ୍ୟରେ ଟଣାଓଟରା ଆରମ୍ଭ ହୋଇଯାଇଛି । ପୂର୍ବତନ କଂଗ୍ରେସ ନେତା ଜ୍ୟୋତିରାଦିତ୍ୟ ସିନ୍ଧିଆ ବିଜେପିରେ ଯୋଗ ଦେବା ପରେ କଂଗ୍ରେସକୁ ସମାଲୋଚନା କରିବା ପାଇଁ ଖୋରାକ ମିଳିଯାଇଛି ।

ରାଣୀ ଲକ୍ଷ୍ମୀବାଈ ୧୮୫୭ରେ ହୋଇଥିବା ସିପାହୀ ବିଦ୍ରୋହରେ ଅଂଶ ଗ୍ରହଣ କରିଥିଲେ । ସେ ଇଂରେଜଙ୍କ ବିରୋଧରେ ଲଢି ବଳୀଦାନ ଦେଇଥିଲେ । ତେବେ ସେହି ସମୟରେ ସିନ୍ଧିଆ ପରିବାର ଝାନସୀ ରାଣୀ ଲକ୍ଷ୍ନୀବାଈଙ୍କ ବିରୋଧରେ ଥିବା କୁହାଯାଏ । ଏହି ପ୍ରସଙ୍ଗରେ କଂଗ୍ରେସ ନେତା କହିଛନ୍ତି ଯେ, ଜ୍ୟୋତିରାଦିତ୍ୟ ସିନ୍ଧିଆ ଏବେ ବିଜେପିରେ ଅଛନ୍ତି । ଫଳରେ ରାଣୀ ଲକ୍ଷ୍ମୀବାଈ ପ୍ରସଙ୍ଗରେ ସିନ୍ଧିଆଙ୍କୁ ଅଧିକ ଟାର୍ଗେଟ୍ କରାଯିବ ।

ଐତିହାସିକଙ୍କ କହିବାନୁସାରେ, ସିନ୍ଧିଆ ପରିବାର ରାଣୀ ଲକ୍ଷ୍ମୀବାଈଙ୍କୁ ବିରୋଧ କରିବା ସହ ପ୍ରତାରଣା ଦେଇଥିଲା। ୧୮୫୭ରେ ସିନ୍ଧିଆ ପରିବାର ରାଣୀଙ୍କ ବିରୋଧରେ ବ୍ରିଟିଶ ସହ ହାତ ମିଳାଇଥିଲେ । ଯାହା ୧୬୩ ବର୍ଷ ପୂର୍ବେ ହୋଇଥିଲା । ଏହାପରେ ସିନ୍ଧିଆ ପରିବାର ବିଭିନ୍ନ ସମୟରେ ବିଜେପି, ଜନ ସଙ୍ଘ ଓ କଂଗ୍ରେସ ଆଦି ଦଳରେ ଅଛନ୍ତି । ତେବେ ଏବେ ସମ୍ପୂର୍ଣ୍ଣ ସିନ୍ଧିଆ ପରିବାର ବିଜେପିରେ ସାମିଲ ଅଛି । ଜ୍ୟୋତିରାଦିତ୍ୟଙ୍କ ବ୍ୟତୀତ ବସୁନ୍ଧରା ରାଜେ ଓ ଯଶୋଧାରା ରାଜେ ଏବେ ବିଜେପିରେ ।

ଗତ ଉପ ନିର୍ବାଚନରେ ମଧ୍ୟପ୍ରଦେଶ କଂଗ୍ରେସ ଗ୍ୱାଲିଅରରେ ଲକ୍ଷ୍ମୀବାଈଙ୍କ ପ୍ରତିମୂର୍ତ୍ତି ସ୍ଥାପନା କରିବ ବୋଲି ଘୋଷଣା କରିଛି । ଉପ ନିର୍ବାଚନ  ଆସନ୍ତା ନଭେମ୍ବର ୩ରେ ଅନୁଷ୍ଠିତ ହେବ ।ଶୁକ୍ରବାର ରାଜ୍ୟ ଗୃହମନ୍ତ୍ରୀ ନରୋତ୍ତମ ମିଶ୍ର ଗଣମାଧ୍ୟମକୁ କହିଥିଲେ ଯେ, ପୂର୍ବତନ ମୁଖ୍ୟମନ୍ତ୍ରୀ କମଲ ନାଥ ଗ୍ୱାଲିଅର ଯାଇଥିଲେ ସୁଦ୍ଧା ରାଣୀ ଲକ୍ଷ୍ମୀବାଈଙ୍କ ସମାଧିକୁ ଯାଇନଥିଲେ । ତେବେ କଂଗ୍ରେସ ଏହି ଅଭିଯୋଗକୁ ମିଛ ସାବ୍ୟସ୍ତ କରିବା ସହ ଫଟୋ ଦେଖାଇ ପ୍ରମାଣିତ କରିଥିଲା । ତେବେ ବିଜେପି କଂଗ୍ରେସର ରଣନୀତିର କିପରି ମୁକାବିଲା କରିବ ତାହା ଆଗକୁ ହିଁ ଜଣାପଡିବ ।

   Related Posts