ଯାଜପୁର ୨୬।୧୧- ବିବାଦୀୟ ରଙ୍ଗଶାଳାକୁ ଭାଙ୍ଗିବା ନେଇ ଦ୍ବନ୍ଦ୍ବରେ ଯାଜପୁର ଜିଲ୍ଲା ପ୍ରଶାସନ । ସରକାରୀ ଜମିରେ ବେଆଇନ ଭାବେ ଗଢାଯାଇଥିବା ରଙ୍ଗଶାଳାକୁ ଭାଙ୍ଗିଦେବା ଲାଗି ସରକାରୀ ନିର୍ଦେଶନାମା ଥିଲେ ବି ଏହାକୁ ଜିଲ୍ଲା ପ୍ରଶାସନ ବଦଳାଇଦେବା ଯୋଜନାରେ ଅଛି । ବିଭିନ୍ନ ସଙ୍ଗଠନ ଓ ବ୍ୟକ୍ତିବିଶେଷ ରଙ୍ଗଶାଳାକୁ ନ ଭାଙ୍ଗି ସେଠାରେ ଲାଇବ୍ରେରୀ କିମ୍ବା ଅର୍ଫାନ ଏଜ୍ କରିବାକୁ ପ୍ରସ୍ତାବ ଦେଇଥିବାରୁ ଏହାକୁ ଭଙ୍ଗାଯିବ କି ନାହିଁ ଏ ନେଇ ଯାଜପୁର ଜିଲ୍ଲାପାଳ ରାଜସ୍ବ ବିଭାଗ ସଚିବଙ୍କ ଠାରୁ ସ୍ପଷ୍ଟ ନିର୍ଦ୍ଦେଶ ମାଗିଛନ୍ତି ।
ଯାହାକୁ ନେଇ ଦୁଇ ଭାଗରେ ବିଭକ୍ତ ହୋଇଛି ମତ । ଗୋଟିଏ ପଟେ ସ୍ମିତାରାଣୀ ଆତ୍ମହତ୍ୟା ଘଟଣାରେ ଅଭିଯୁକ୍ତ ରୁପେଶ ଭଦ୍ରା ଗିରଫ ହୋଇଛନ୍ତି । ରୁପେଶ ଭଦ୍ରାଙ୍କ ରଙ୍ଗଶାଳାରେ ସ୍ମୀତାରାଣୀ ଆତ୍ମହତ୍ୟା ବିବାଦ ରାଜ୍ୟ ରାଜନୀତିକୁ ହଲଚଲ କରିବା ପରେ ଜିଲ୍ଲାପାଳଙ୍କ ଏଭଳି ଚିଠିକୁ ନେଇ ନାନା ପ୍ରଶ୍ନ ସାମ୍ନାକୁ ଆସିଛି।
