Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||
  • ଭୁବନେଶ୍ବର : DRDO ତଥ୍ୟ ଲିକ୍ ମାମଲାରେ କ୍ରାଇମବ୍ରାଞ୍ଚ ହାତରେ ନୂଆ ତଥ୍ୟ, ଦୁବାଇ ଲୁଲୁ ଇଣ୍ଟରନ୍ୟାସନାଲ୍ ଏଜେନ୍ସିରୁ ଆସିଥିଲା ଟଙ୍କା
  • ||

Yes Bank: ରାଣା କପୁର ଲୁଟିୟନ୍ସ ଦିଲ୍ଲୀରେ ପତ୍ନୀଙ୍କ ଲାଗି କିଣିଛନ୍ତି ୧୦୦୦ କୋଟି ଟଙ୍କାର ସମ୍ପତ୍ତି

11/03/2020 at 4:51 PM

ମୁମ୍ବାଇ :  ଇୟେସ୍ ବ୍ୟାଙ୍କ ସଂସ୍ଥାପକ ରାଣା କପୁର ମଧ୍ୟ ନିରବ ମୋଦି ଓ ବିଜୟ ମାଲ୍ୟାଙ୍କ ପଦାଙ୍କ ଅନୁସରଣ କରିବାର ଯୋଜନାରେ ଥିଲେ। ସେ ଦେଶରେ ଥିବା ତାଙ୍କର ସମସ୍ତ ସମ୍ପତ୍ତି ବିକି ବିଦେଶ ଚାଲିଯିବାକୁ ପ୍ରସ୍ତୁତି କରୁଥିଲେ। ହେଲେ ରାଣା ତାଙ୍କ ଯୋଜନା କାର୍ଯ୍ୟକାରୀ କରିବା ପୂର୍ବରୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଙ୍କ ପଞ୍ଜାରେ ଫଶି ଯାଇଛନ୍ତି।  ଇଡି ଚଢଉ ପୂର୍ବରୁ ରାଣା ଭାରତରେ ଥିବା ତାଙ୍କର ୩ଟି ବଡ ପ୍ରପର୍ଟି ବିକିବା ଲାଗି ଉଦ୍ୟମ ଚଳାଇଥିଲେ। ଯେଉଁସବୁର ଆନୁମାନିକ ମୂଲ୍ୟ ଏବେ ୧ ହଜାର କୋଟିରୁ ବି ଅଧିକ ହେବ ବୋଲି ଅନୁମାନ କରାଯାଉଛି। ରାଣାଙ୍କର ଏହି ସବୁ ସମ୍ପତ୍ତି ଏବେ ତଦନ୍ତ ସଂସ୍ଥାଙ୍କ ରାଡାରରେ ରହିଛି।

ରାଣାଙ୍କ ଏହି ୩ଟି ସମ୍ପତ୍ତି ଦିଲ୍ଲୀରେ ରହିଛି। ଏଥିରୁ ଗୋଟିଏ ୪୦ ଅମୃତା ଶେରଗିଲ ମାର୍ଗରେ ଥିବା ବେଳେ ଆଉ ଗୋଟିଏ ଚାଣକ୍ୟପୁରୀର ୧୮ କୌଟିଲ୍ୟ ମାର୍ଗ ଓ ଅନ୍ୟଟି ସର୍ଦ୍ଦାର ପଟେଲ ମାର୍ଗର ଡିପ୍ଲୋମାଟିକ ଏନକ୍ଲେଭରେ ରହିଛି। ରାଜଧାନୀର ଏହି ୩ଟି ପ୍ରପର୍ଟିକୁ ବିକିଦେବା ଲାଗି ରାଣା ପ୍ରପର୍ଟି ଡିଲରଙ୍କ ସହ ଯୋଗାଯୋଗରେ ଥିଲେ।

ବିନ୍ଦୁ କପୁରଙ୍କ ନାମରେ ରହିଛି ସମସ୍ତ ସମ୍ପତ୍ତି
କୁହାଯାଉଛି ରାଣା କପୁରଙ୍କ ଏହି ପ୍ରପର୍ଟିର ମାଲିକାନା ତାଙ୍କ ପତ୍ନୀ ବିନ୍ଦୁ କପୁରଙ୍କ ନାମରେ ରହିଛି। ବିନ୍ଦୁଙ୍କୁ ୪ହଜାର ୩୦୦ କୋଟିର ସନ୍ଦିଗ୍ଧ ଲେନଦେନ ଲାଗି ଏବେ ଇଡି ପଚରାଉଚରା କରୁଛନ୍ତି। ସେ ଲୁଟିୟନସ୍ ଦିଲ୍ଲୀର ପ୍ରାଇମ ଲୋକେସନ ୪୦ ଅମୃତା ଶେରଗିଲ ମାର୍ଗରେ ନିଜ ଲାଗି ଏକ ବିଳାଶମୟ ବଙ୍ଗଳା କିଣିଛନ୍ତି। ଏହାକୁ ସେ ତାଙ୍କର କମ୍ପାନୀ ବ୍ଲିସ୍ ଏବୋଡ ଲି ନାମରେ ପଞ୍ଜିକରଣ କରାଇଥିଲେ। ତେବେ ବାକି ୨ଟି ପ୍ରପର୍ଟି ବ୍ଲିସ୍ ଭିଲ୍ଲା (ଦିଲ୍ଲୀ ) ପ୍ରାଇଭେଟ୍ ଲିମିଟେଡ୍ ନାମରେ ରହିଛି।

ଜାଲ କମ୍ପାନୀ ନାମରେ ନେଉଥିଲେ ଲାଞ୍ଚ
ୟେସ୍ ବ୍ୟାଙ୍କର ସଂସ୍ଥାପକ ରାଣା କପୁରଙ୍କ ପରିବାରକୁ କଥିତ ୬୦୦ କୋଟି ଟଙ୍କା ଲାଞ୍ଚ ମାମଲାରେ ଇଡି ଗିରଫ କରିଛି। ଏଥିରେ ନିଜେ ରାଣା କପୁର, ତାଙ୍କ ପତ୍ନୀ ବିନ୍ଦୁ କପୁର, ଝିଅ ରୋଶନୀ, ରାଖି ଓ ରାଧା କପୁରଙ୍କୁ ଗିରଫ କରାଯାଇଛି। ଇଡିଙ୍କ ଜନୈକ ବରିଷ୍ଠ ଅଧିକାରୀଙ୍କ ସୂତ୍ରରୁ ମିଳିଥିବା ସୂଚନା ଅନୁସାରେ ରାଣା,ତାଙ୍କ ପତ୍ନୀ, ଝିଅମାନେ ଓ ପରିବାରର ସମ୍ପର୍କିୟ ଲାଞ୍ଚ କାରବାର ଲାଗି ୨୦ରୁ ଅଧିକ ଜାଲ କମ୍ପାନୀ ସୃଷ୍ଟି କରିଥିଲେ। ଏଥିରୁ ସେମାନେ ପାଇଥିବା ଟଙ୍କା ପ୍ରପର୍ଟି କ୍ରୟରେ ନିବେଶ କରିଛନ୍ତି। କର୍ପୋରେଟ୍ କମ୍ପାନୀଙ୍କୁ ଇୟେସ୍ ବ୍ୟାଙ୍କ ଲୋନ ଦେବା ଲାଗି ହେଉଥିବା ଲାଞ୍ଚ କାରବାର ଏହି ନକଲି କମ୍ପାନୀଙ୍କ ମାଧ୍ୟମରେ କରାଯାଉଥିଲା। ଲୋନି କର୍ପୋରେଟ୍ ସଂସ୍ଥା ଲାଞ୍ଚ ବାବଦ ଟଙ୍କା ଏହି କମ୍ପାନୀମାନଙ୍କରେ ଦେଉଥିଲେ।

   Related Posts