Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

କରୋନା ଲକ୍ଷ୍ମଣ ରେଖା ପାର ନ କରିବାକୁ ମାତା ସୀତାଙ୍କ ଅନୁରୋଧ : ଇନଷ୍ଟାଗ୍ରାମରେ ସେୟାର କଲେ ଭିଡିଓ

15/04/2020 at 12:17 PM

ମୁମ୍ବାଇ ୧୫/୪: ଦେଶରେ କରୋନା ଭାଇରସର ମାମଲା ଦିନକୁ ଦିନ ବଢ଼ିବାରେ ଲାଗିଛି। ଏହାକୁ ଧ୍ୟାନରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅପ୍ରେଲ୍ ୧୪ତାରିଖରେ ଲକଡାଉନର ଅବଧିକୁ ୧୯ଦିନ ପାଇଁ ବଢ଼ାଇ ଦେଇଛନ୍ତି। ଏଥର ମଇ ୩ତାରିଖ ଯାଏଁ ଲକଡାଉନକୁ ଅବଧିକୁ ବଢ଼ାଇ ଦିଆଯାଇଛି। ପ୍ରଧାନମନ୍ତ୍ରୀଙ୍କ ଏହି ନିଷ୍ପତ୍ତି ପରେ ସୋସିଆଲ ମିଡିଆରେ ଅନେକ ରିଆକ୍ସନ୍ ସାମନାକୁ ଆସିଛି। ଏହାକୁ ନେଇ ଲୋକେ ବିଭିନ୍ନ ପ୍ରକାରର ରାୟ ରଖିଛନ୍ତି। ପ୍ରଧାନମନ୍ତ୍ରୀଙ୍କ ଘୋଷଣା ପରେ ‘ରାମାୟଣ’ରେ ସୀତାଙ୍କ ଭୂମିକାରେ ଅଭିନୟ କରୁଥିବା ଅଭିନେତ୍ରୀ ଦୀପିକା ଚିଖଲିୟାଙ୍କ ମଧ୍ୟ ରିଆକ୍ସନ ସାମନାକୁ ଆସିଛି। ତାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ୍ ହେଉଛି।

ଦୀପିକା ଚିଖଲିୟା ଲକଡାଉନକୁ ମଇ ୩ତାରିଖ ଯାଏଁ ବଢ଼ାଇବାକୁ ନେଇ ନିଜର ମତାମତ ଦେଇଛନ୍ତି। ସେ ଏକ ଭିଡିଓ ନିଜ ଇନଷ୍ଟାଗ୍ରାମ୍ ଆକାଉଣ୍ଟରେ ସେୟାର କରିଛନ୍ତି। ଯେଉଁଥିରେ ସେ ଲୋକଙ୍କୁ ଘରେ ରହିବାକୁ ଅପିଲ କରିଛନ୍ତି। ଏହି ଭିଡିଓରେ ସେ ଲୋକଙ୍କୁ ଘରେ ରହିବାକୁ ଅପିଲ୍ କରିଛନ୍ତି। ଏହି ଭିଡିଓରେ ଦୀପିକା କହିଛନ୍ତି ଯେ,‘ ଏହି ଲକଡାଉନ୍ ଆଗକୁ ଏଥିପାଇଁ ବଢ଼ିଛି କାରଣ ଏବେ ବି କେତେକ ଲୋକ ଜରୁରୀ କାମ ନଥିବା ସତ୍ବେ ଘରୁ ବାହାରକୁ ବାହାରୁଛନ୍ତି। ଆମୁ ଏସବୁ ବନ୍ଦ କରିବାକୁ ପଡ଼ିବ। ଆମକୁ ଏବେ ନିଜ ପରିବାର ଏବଂ ଦେଶର ସୁରକ୍ଷା ବିଷୟରେ ଚିନ୍ତା କରିବା ଉଚିତ୍।’

ଏହି ଭିଡିଓରେ ଦୀପିକା ଆଗକୁ କହିଛନ୍ତି,‘ଏହା ଆମର ଏବଂ ପୂରା ଦେଶ ପାଇଁ ଅତ୍ୟନ୍ତ ଚିନ୍ତାର ବିଷୟ ଯେ କରୋନା ୨୧ଦିନ ମଧ୍ୟରେ ସେତିକି ନିୟନ୍ତ୍ରଣ ହୋଇପାରିଲା ନାହିଁ। ଅନ୍ୟ ଦେଶଠୁ ଆମ ପରିସ୍ଥିତି ଭଲ ତଥାପି ଏହି ଲକଡାଉନ୍ ଆମ ଭୁଲ୍ ପାଇଁ ଆଗକୁ ବଢ଼ିଛି।’

ଏହା ସହିତ ଅଭିନେତ୍ରୀ ଦୀପିକା ସମସ୍ତଙ୍କୁ ଅପିଲ କରି କହିଛନ୍ତି,‘ ଆପଣଙ୍କ ଘରେ ଯଦି ବୟସ୍କ ଅଛନ୍ତି ତେବେ ଦୟା କରି ତାଙ୍କ ଧ୍ୟାନ ରଖନ୍ତୁ। ଏହା ସହିତ ଆପଣ ନିଜ ରୋଗ ପ୍ରତିରୋଧକ ଶକ୍ତିର ମଧ୍ୟ ଧ୍ୟାନ ରଖନ୍ତୁ। ଏହି ଯୁଦ୍ଧରେ ଆମ କାମ ହେଉଛି କେବଳ ଘରେ ରହିବା’।

ଭିଡିଓର ଶେଷରେ ଦୀପିକା କହିଛନ୍ତି ଯେ ,‘ ଯଦି ଏହି ଲକ୍ଷ୍ମଣ ରେଖା ଆମେ ପାର କରିବୁ ନାହିଁ ତେବେ ଆମେ ଏହି ଅଗ୍ନି ପରୀକ୍ଷାରେ ପାସ ହେବୁ’।

   Related Posts