Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||
  • ପଞ୍ଜାବର ବିଜୟ ଅଭିଯାନ ଜାରି, ୮ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ପଞ୍ଚଭୂତରେ ବିଲୀନ ହେଲେ ରାମବିଳାସ ପାଶଓ୍ଵାନ, ଭୋ ଭୋ ହୋଇ କାନ୍ଦିଲେ ପୁଅ ଚିରାଗ

10/10/2020 at 6:30 PM

ପାଟନା ୧୦।୧୦: ପଞ୍ଚଭୂତରେ ବୀଲିନ ହେଲେ ଏଲଜେପି ସଂସ୍ଥାପକ ତଥା କେନ୍ଦ୍ର ମନ୍ତ୍ରୀ ରାମବିଳାସ ପାଶଓ୍ଵାନ। ପୂରା ରାଷ୍ଟ୍ରୀୟ ମର୍ଯ୍ୟାଦା ସହ ତାଙ୍କର ଅନ୍ତିମ ସଂସ୍କାର କରାଯାଇଛି। ପାଟନା ଦିଘା ଘାଟ ସ୍ଥିତ ଜନାର୍ଦ୍ଦନ ଘାଟରେ ଦିବଙ୍ଗତ ନେତାଙ୍କୁ ଅନ୍ତିମ ବିଦାୟ ଦିଆଯାଇଛି। ଏହି ଅବସରରେ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ସହିତ କେନ୍ଦ୍ର ସରକାରଙ୍କ ପ୍ରତିନିଧି ଭାବେ କେନ୍ଦ୍ର ମନ୍ତ୍ରୀ ରବିଶଙ୍କର ପ୍ରସାଦ ଉପସ୍ଥିତ ଥିଲେ। ବିହାରର ଉପ ମୁଖ୍ୟମନ୍ତ୍ରୀ ସୁଶିଲ କୁମାର ମୋଦୀ, କେନ୍ଦ୍ର ରାଷ୍ଟ୍ର ମନ୍ତ୍ରୀ ନିତ୍ୟାନନ୍ଦ ରାୟ, କେନ୍ଦ୍ର ମନ୍ତ୍ରୀ ଗିରିରାଜ ସିଂହ, ଅଶ୍ଵିନୀ ଚୌବେ ସମେତ ବିହାର ସରକାର ଅନେକ ମନ୍ତ୍ରୀ ପାସଓ୍ଵାନଙ୍କ ଅନ୍ତିମ ସଂସ୍କାରରେ ସାମିଲ ଥିଲେ। ବିରୋଧୀ ଦଳ ନେତା ତେଜସ୍ଵୀ ଯାଦବ ମଧ୍ୟ ଅନ୍ତିମ ବିଦାୟରେ ଉପସ୍ଥିତ ଥିଲେ। ଏହି ସମୟରେ ଅନେକ ଭାବନାତ୍ମକ ଦୃଶ୍ୟ ମଧ୍ୟ ଦେଖିବାକୁ ମିଳିଥିଲା।

ବିଜେପି ସାଂସଦ ରାମକୃପାଲ ଯାଦବ ଯେମିତି ଚିରାଗ ପାଶଓ୍ଵାନଙ୍କୁ ଭେଟିଲେ, ଏଲଜେପି ସଭାପତି ଦେଖୁ  ଦେଖୁ ତାଙ୍କୁ କୁଣ୍ଢାଇ ପକାଇ ଭୋ ଭୋ ହୋଇ କାନ୍ଦିଥିଲେ। ଚିରାଗ ପାସଓ୍ଵାନଙ୍କ ଏହି ସ୍ଥିତି ଦେଖି ରାମକୃପାଲ ଯାଦବ ମଧ୍ୟ ନିଜ ଲୁହକୁ ଅଟକାଇ ପାରିନଥିଲେ। ସେ ମଧ୍ୟ କାନ୍ଦିଥିଲେ। ଦୁଇ ନେତା ପରସ୍ପରକୁ ସମ୍ଭାଳିବାକୁ ଚେଷ୍ଟା କରିଥିଲେ।

କେନ୍ଦ୍ର ମନ୍ତ୍ରୀ ରାମବିଳାସ ପାଶଓ୍ଵାନଙ୍କ ଗୁରୁବାର ରାତିରେ ୭୪ ବର୍ଷ ବୟସରେ ପରଲୋକ ଘଟିଥିଲା। ସେ କିଛି ଦିନ ହେବ ବେମାର ଥିଲେ। ତାଙ୍କ ପୁତ୍ର ଚିରାଗ ପାସଓ୍ଵାନ ଟ୍ଵିଟ୍‌ କରି ତାଙ୍କ ମୃତ୍ୟୁ ସୂଚନା ଦେଇଥିଲେ। ପାଶଓ୍ଵାନଙ୍କ ନିଧନ ପରେ ରାଜନୈତିକ ମହଲରେ ଶୋକର ମାହୋଲ ରହିଛି। ତାଙ୍କ ସମ୍ମାନରେ ରାଷ୍ଟ୍ରୀୟ ଶୋକ ଘୋଷଣା କରିଥିଲେ।

ପାଶଓ୍ଵାନଙ୍କ ପାର୍ଥୀବ ଶରୀର ଶୁକ୍ରବାର ସନ୍ଧ୍ୟା ୮ଟାରେ ପାଟନାରେ ପହଞ୍ଚିଥିଲା। ବିମାନ ବନ୍ଦରରେ ବିହାରର ମୁଖ୍ୟମନ୍ତ୍ରୀ ନୀତିଶ କୁମାର ଏହି ବରିଷ୍ଠ ନେତାଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ। ନୀତିଶଙ୍କ ସହିତ ବିହାରର ଉପମୁଖ୍ୟମନ୍ତ୍ରୀ ସୁଶିଲ କୁମାର ମୋଦୀ ଓ କେନ୍ଦ୍ର ମନ୍ତ୍ରୀ ରବିଶଙ୍କର ପ୍ରସାଦ ଶୁକ୍ରବାର ବିଳମ୍ବିତ ସନ୍ଧ୍ୟାରେ ଏଲଜେପି ସଂସ୍ଥାପକଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ।

ଏହା ପୂର୍ବରୁ ଦିଲ୍ଲୀରେ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାମବିଳାସ ପାଶଓ୍ଵାନଙ୍କୁ ଶ୍ରଦ୍ଧାଞ୍ଜଳୀ ଦେଇଥିଲେ। ପ୍ରଧାନମନ୍ତ୍ରୀ ତାଙ୍କ ବାସଭବନ ପହଞ୍ଚି ଦିବଙ୍ଗତ ନେତାଙ୍କୁ ଶ୍ରଦ୍ଧାଞ୍ଜଳୀ ଦେବା ସହ ଶୋକସନ୍ତପ ପରିବାର ଲୋକଙ୍କୁ ସାନ୍ତ୍ଵନା ଦେଇଥିଲେ।

   Related Posts