Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶେଷରେ ରଦ୍ଦ ହେଲା ତିନି କୃଷି ଆଇନ, ବିଧେୟକ ଉପରେ ମୋହର ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ
  • ||
  • ପଞ୍ଜାବ ନିର୍ବାଚନ ପୂର୍ବରୁ ବିଜେପିକୁ ବଡ଼ ସଫଳତା, ପଦ୍ମ ଧରିଲେ ଶିରୋମଣି ଅକାଳି ଦଳର ମନଜିନ୍ଦର ସିଂହ
  • ||
  • ନୂଆ କୋଭିଡ୍‌ ଭାରିଆଣ୍ଟକୁ ନେଇ ସଚେତନ ରହିବାକୁ ଅପିଲ୍‌ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଜୁନିୟର ହକି ବିିଶ୍ୱକପ୍‌: ସେମିରେ ପ୍ରବେଶ କଲା ଫ୍ରାନ୍ସ
  • ||
  • ବଙ୍ଗୋମୁଣ୍ଡା ଆଇଆଇସିଙ୍କୁ କୋର୍ଟ ଚାଲାଣ କଲା ଭିଜିଲାନ୍ସ
  • ||
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||
  • ସୁବର୍ଣ୍ଣପୁର : ମା’ ସୁରେଶ୍ଵରୀ ମନ୍ଦିରରୁ ଚୋରି ଘଟଣା : କାର୍ଯ୍ୟରେ ଅବହେଳା ପାଇଁ ୩ ପୋଲିସ କର୍ମଚାରୀ ସସ୍‌ପେଣ୍ଡ
  • ||

୨୦୨୪ ସୁଦ୍ଧା ପୁରା ହୋଇଯିବ ଅଯୋଧ୍ୟା ରାମ ମନ୍ଦିର ନିର୍ମାଣ ! ବ୍ୟବହାର ହେବ ୩ ପ୍ରକାର ପଥର

11/06/2021 at 6:06 PM

ଅଯୋଧ୍ୟା ୧୧/୦୬ : ଧର୍ମ ନଗରୀ ଅଯୋଧ୍ୟାରେ ରାମ ମନ୍ଦିର ନିର୍ମାଣ କାର୍ଯ୍ୟ ୨୦୨୪ ସୁଦ୍ଧା ପୁରା ହୋଇଯିବ । ଭିତ୍ତିପ୍ରସ୍ତର କାମ ଜୋରସୋରରେ ଚାଲିଛି । ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟର ମହାସଚିବ ଚମ୍ପତ ରାୟଙ୍କ ଅନୁଯାୟୀ, ମନ୍ଦିର ନିର୍ମାଣ ପାଇଁ ୩ଟି ଭିନ୍ନ ଭିନ୍ନ ପ୍ରକାରର ପଥର ବ୍ୟବହାର କରାଯିବ ।

ସେ କହିଛନ୍ତି ଯେ ମିର୍ଜାପୁରର ୪ ଲକ୍ଷ କ୍ୟୁବିକ ପଥରରେ ଏହା ନିର୍ମାଣ ହେବ । ଗର୍ଭଗୃହରେ ବଂଶୀପାହାଡ଼ପୁରର ଲାଲ ପଥର ଉପଯୋଗ କରାଯିବ । ପରକୋଟା ନିର୍ମାଣରେ ଅଲଗା ପ୍ରକାର ପଥର ଲଗାଇବାକୁ ଚାହୁଁଛନ୍ତି ବୋଲି ସେ କହିଛନ୍ତି । ଦେଶରେ ଅନେକ ପଥର ଖଣି ଅଛି ଯେଉଁଠି ବିଭିନ୍ନ ପ୍ରକାରର ବାଲି ପଥର ଉପଲବ୍ଧ । ଏହିଭଳି ଖଣି ସହ ଯୋଗାଯୋଗ କରାଯାଉଛି ।

ମନ୍ଦିର ପରିସରର ୫ ଏକରରେ ପରକୋଟା ନିର୍ମାଣ ହେବ ।ପରକୋଟା ନିର୍ମାଣରେ ବିଶେଷ ପଥର ଲଗାଯିବ । ଏହାଦ୍ୱାରା ମନ୍ଦିର ପରିସର ଆହୁରି ଭବ୍ୟ ଲାଗିବ । ବର୍ତ୍ତମାନ ଭିତ୍ତିପ୍ରସ୍ତର ପାଇଁ ଲେୟାର କାମ ଚାଲିଛି । ଏବେ ଯାଏଁ ୬ଟି ଲେୟାର କାମ ହୋଇଛି । ମଝି ମଝିରେ ବର୍ଷା ଯୋଗୁଁ କାମ ବାଧାପ୍ରାପ୍ତ ହେଉଛି । ଟ୍ରଷ୍ଟର ମହାସଚିବ କହିଛନ୍ତି ୨୦୨୪ ସୁଦ୍ଧା ମନ୍ଦିର ନିର୍ମାଣ କାର୍ଯ୍ୟ ପୁରା କରିବାର ଲକ୍ଷ୍ୟ ରହିଛି । ମନ୍ଦିର ନିର୍ମାଣର ୭୦ ପ୍ରତିଶତ କାମ ବଡ ବଡ ମେସିନ ସାହାଯ୍ୟରେ ହେଉଛି । ସେଥିପାଇଁ ମନ୍ଦିର ନିର୍ମାଣରେ ଶ୍ରମଦାନର ଆବଶ୍ୟକତା ନାହିଁ ବୋଲି ସେ କହିଛନ୍ତି ।

ଅଯୋଧ୍ୟାରେ ଶ୍ରୀରାମ ଜନ୍ମଭୂମି ମନ୍ଦିର ନିର୍ମାଣ ସମିତିର ଦୁଇଦିନିଆ ବୈଠକ ବସିବାକୁ ଯାଉଛି । ଜୁନ ୧୩ ଓ ୧୪ ତାରିଖ ଅପରାହ୍ନ ୩ଟା ସମୟରେ ଫୈଜାହାଦ ସ୍ଥିତ ସର୍କିଟ ହାଉସରେ ବୈଠକ ବସିବ । ମନ୍ଦିର ନିର୍ମାଣ ସମିତିର ଅଧ୍ୟକ୍ଷ ନୃପେନ୍ଦ୍ର ମିଶ୍ର ଜୁନ ୧୨ ତାରିଖ ସନ୍ଧ୍ୟା ସୁଦ୍ଧା ଅଯୋଧ୍ୟାରେ ପହଞ୍ଚିଯିବେ । ସେ ଦୁଇଦିନ ଅଯୋଧ୍ୟାରେ ରହି ମନ୍ଦିର ନିର୍ମାଣ କାମ ସମୀକ୍ଷା କରିବା ସହ ଭାବି ଯୋଜନା ଉପରେ ଆଲୋଚନା କରିବେ ।

   Related Posts