Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

ଦୀପାବଳି ପରେ ପରେ ଅଯୋଧ୍ୟାରେ ଆରମ୍ଭ ହେବ ରାମ ମନ୍ଦିର ନିର୍ମାଣ, ଅଦାଲତ ରାୟକୁ ଅପେକ୍ଷା କରିବନି ଶିବସେନା

5/10/2018 at 6:33 PM

ନୂଆଦିଲ୍ଲୀ ୫/୧୦ : ଅକ୍ଟୋବର ୨୯ ତାରିଖରୁ ଅଯୋଧ୍ୟାରେ ରାମ ମନ୍ଦିର ନିର୍ମାଣ ପ୍ରସଙ୍ଗରେ ସୁପ୍ରିମକୋର୍ଟରେ ଶୁଣାଣି ଆରମ୍ଭ ହେବ | ତେବେ ଏହା ପୂର୍ବରୁ ଆଜି ଶିବସେନା ଏକ ବିବାଦୀୟ ଏବଂ ଗୁରୁତ୍ୱପୂର୍ଣ ବୟାନ ଦେଇଛି | ଶିବସେନାର ବରିଷ୍ଠ କର୍ମକର୍ତ୍ତା ସଞ୍ଜୟ ରାଉତ କହିଛନ୍ତି ଯେ, ଦୀପାବଳୀ ପରେ ପରେ ରାମମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହେବ | ଲକ୍ଷ ଲକ୍ଷ ଶିବସେନା ଏହି ନିର୍ମାଣରେ ସାମିଲ ହେବେ | ବାବ୍ରି ମସଜିଦକୁ ଭାଙ୍ଗିବା ବେଳେ ସୁପ୍ରିମକୋର୍ଟଙ୍କ ଅନୁମତି ନିଆଯାଇନଥିଲା | ତେଣୁ ସେଠାରେ ରାମମନ୍ଦିର ନିର୍ମାଣ ପାଇଁ ସୁପ୍ରିମକୋର୍ଟଙ୍କ ଆଦେଶକୁ ଅପେକ୍ଷା କରିବାର କୌଣସି ଯଥାର୍ଥତା ନାହିଁ |
ସଞ୍ଜୟ ରାଉତ ଅଯୋଧ୍ୟାରେ ରାମମନ୍ଦିର ନିର୍ମାଣ ବିଳମ୍ବ ହେଉଥିବା ନେଇ ବିଜେପିକୁ ଟାର୍ଗେଟ କରିଛନ୍ତି | ସେ କହିଛନ୍ତି ଯେ, ରାମମନ୍ଦିର ନିର୍ମାଣ ପାଇଁ କେନ୍ଦ୍ର ସରକାର ତୁରନ୍ତ ଅଧ୍ୟାଦେଶ ଆଣିବା ଦରକାର | ଅଯୋଧ୍ୟାଠାରେ ରାମମନ୍ଦିର ନିର୍ମାଣ ନାରା ଦେଇ ବିଜେପି କ୍ଷମତାକୁ ଆସିଛି ବୋଲି ମଧ୍ୟ ସେ ଚେତାଇ ଦେଇଛନ୍ତି |
ସୂଚନାଯୋଗ୍ୟ ଯେ, ଅଯୋଧ୍ୟାରେ ରାମମନ୍ଦିର ନିର୍ମାଣ ନେଇ ଅକ୍ଟୋବର ୨୮ ତାରିଖରେ ସୁପ୍ରିମକୋର୍ଟ ଶୁଣାଣି ଆରମ୍ଭ କରୁଥିବାରୁ ଏ ପ୍ରସଙ୍ଗରେ ରଣନୀତି ପ୍ରସ୍ତୁତ କରିବା ପାଇଁ ମୁସଲିମ ପର୍ସନାଲ ଲ ବୋର୍ଡର ଏକ ଗୁରୁତ୍ୱପୂର୍ଣ ବୈଠକ ଆଜି ଦିଲ୍ଲୀ ଠାରେ ଅନୁଷ୍ଠିତ ହୋଇଛି | ଏହି ବୈଠକରେ ବାବ୍ରୀ ମସଜିଦ ଆକ୍ସନ କମିଟି, ସୁନ୍ନି ପର୍ସନାଲ ଲ ବୋର୍ଡ ଏବଂ ମୁସଲିମ ପର୍ସନାଲ ଲ ବୋର୍ଡ ଲିଗାଲ ସେଲର ବ୍୨୦ ରୁ ଅଧିକ ବରିଷ୍ଠ ଓକିଲ ଯୋଗ ଦେଇଛନ୍ତି |
ସେହିଭଳି ବିଶ୍ୱ ହିନ୍ଦୁ ପରିଷଦ ପକ୍ଷରୁ ମଧ୍ୟ ଦିଲ୍ଲୀଠାରେ ଆଜି ଅଯୋଧ୍ୟା ପ୍ରସଙ୍ଗକୁ ନେଇ ସନ୍ଥ ସମ୍ମିଳନୀ ଆୟୋଜିତ ହୋଇଛି | ଡଜନେରୁ ଅଧିକ ବରିଷ୍ଠ ସନ୍ଥ ଏହି ବୈଠକରେ ଯୋଗ ଦେଇ ନିଜନିଜ ମତ ବ୍ୟକ୍ତ କରିଛନ୍ତି | ବିଶ୍ୱ ହିନ୍ଦୁ ପରିଷଦର କାର୍ଯ୍ୟଧ୍ୟକ୍ଷ ଆଲୋକ କୁମାର କହିଛନ୍ତି ଯେ, ଅଯୋଧ୍ୟାଠାରେ ରାମମନ୍ଦିର ନିର୍ମାଣ ହେବ -ଏଥିରେ ଦ୍ବିମତ ନାହିଁ | ତେବେ ରାସ୍ତା କଣ ତାହା ଆଗାମୀ ଦିନରେ ସ୍ଥିର ହେବ |

   Related Posts