Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ଏଥର ଖାସ୍ ହେବ ସାଧାରଣତନ୍ତ୍ର ଦିବସ ପରେଡ୍, ସାମିଲ ହେବ ରାମ ମନ୍ଦିର ପ୍ରଜ୍ଞାପନ ମେଢ

11/12/2020 at 5:10 PM

ନୂଆଦିଲ୍ଲୀ ୧୧।୧୨:  ୨୦୨୧ ସାଧାରଣତନ୍ତ୍ର ଦିବସ ଅବସରରେ ହେବାକୁ ଥିବା ପରେଡ୍ ଖାସ୍ ହେବାକୁ ଯାଉଛି। ଏଥର ରାଜପଥରେ ଅଯୋଧ୍ୟାରେ ନିର୍ମାଣ ହେଉଥିବା ଭବ୍ୟ ରାମ ମନ୍ଦିରର ପ୍ରଜ୍ଞାପନ ମେଢ ଦେଖିବାକୁ ମିଳିବ। ଉତ୍ତର ପ୍ରଦେଶ ପକ୍ଷରୁ ଯେଉଁ ପ୍ରଜ୍ଞାପନ ମେଢ ସାମିଲ ହେବ ସେଥିରେ ରାମ ମନ୍ଦିର ମୋଡେଲ୍ ରହିବ।

ଉତ୍ତର ପ୍ରଦେଶ ପକ୍ଷରୁ ଏଥର ଅଯୋଧ୍ୟାର ସାଂସ୍କୃତିକ କଳାଭାସ୍କର୍ଯ୍ୟର ଥିମ୍ ରହିଛି। ପ୍ରଜ୍ଞାପନ ମେଢରେ ପ୍ରତି ବର୍ଷ ହେଉଥିବା ଦୀପୋତ୍ସବକୁ ମଧ୍ୟ ସାମିଲ କରାଯିବ। ଏଥିସହ ଶବରୀଙ୍କ ପ୍ରଭୁ ରାମ ଚନ୍ଦ୍ରଙ୍କୁ ଫଳ ଖୁଆଇବା, ନିଷାଦରାଜ ରାମଙ୍କୁ ଆଲିଙ୍ଗନ କରିବା, କେବଟଙ୍କୁ ଆଶୀର୍ବାଦ ଦେବା ସମେତ ଅନ୍ୟ ଦୃଶ୍ୟକୁ ପ୍ରଜ୍ଞାପନ ମେଢରେ ସାମିଲ କରାଯିବ।

ସୂଚନାଯୋଗ୍ୟ, ଅଯୋଧ୍ୟାରେ ଚଳିତ ବର୍ଷ ଅଗଷ୍ଟରେ ରାମ ମନ୍ଦିରର ଶିଳାନ୍ୟାସ୍ ହୋଇଥିଲା। ଡିସେମ୍ବର ମାସରୁ ମନ୍ଦିରର ନିର୍ମାଣ ଆରମ୍ଭ ହେବାକୁ ଯାଉଛି। ୟୁପି ସରକାର କ୍ରମାଗତ ଅଯୋଧ୍ୟାକୁ ପର୍ଯ୍ୟଟନ ମାନଚ୍ଚିତ୍ରରେ ବିଶେଷ ସ୍ଥାନ ଦେବାକୁ ପ୍ରୟାସ ଚଳାଇଛନ୍ତି। ଅଯୋଧ୍ୟାରେ ଏବେ ପ୍ରତି ବର୍ଷ ଦୀପାବଳି ଭବ୍ୟତାର ସହ ପାଳନ କରାଯାଉଛି। ଚଳିତ ବର୍ଷ ୬ ଲକ୍ଷ ଦୀପ ସହିତ ଦୀପୋତ୍ସବ ଆୟୋଜନ କରାଯାଇଥିବା ବେଳେ ଆସନ୍ତାବର୍ଷ ୭ ଲକ୍ଷ ଦୀପ ପ୍ରଜ୍ଜ୍ଵଳନ କରାଯିବାର ଲକ୍ଷ୍ୟ ରଖାଯାଇଛି।

ପ୍ରତି ବର୍ଷ ଗଣତନ୍ତ୍ର ଦିବସରେ ଦିଲ୍ଲୀ ରାଜପଥରେ ପରେଡ୍ ଆୟୋଜନ ହୋଇଥାଏ। ଏଥିରେ ରାଜ୍ୟଗୁଡିକର ପ୍ରଜ୍ଞାପନ ମେଢରେ ଦେଶର ବିଭିନ୍ନ ସାଂସ୍କୃତିକର ଝଲକ ଦେଖିବାକୁ ମିଳିଥାଏ। ତେଣୁ ରାଜ୍ୟଗୁଡିକ ପକ୍ଷରୁ ଥିମ୍ ପ୍ରସ୍ତାବ କେନ୍ଦ୍ରକୁ ପଠାଯାଉଛି। ଏଥର ବ୍ରିଟେନ୍‌ର ପ୍ରଧାନମନ୍ତ୍ରୀ ବୋରିସ୍ ଜନସନ ଭାରତର ଅତିଥି ହୋଇ ପାରନ୍ତି।

   Related Posts