Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • IPL 2021: ଦିଲ୍ଲୀ କ୍ୟାପିଟାଲ୍ସର ବିଜୟରେ ଲାଗିଲା ବ୍ରେକ୍, ପନ୍ତଙ୍କ ଟିମ୍‌କୁ ୩ ଓ୍ଵିକେଟ୍‌ରେ ହରାଇଲା କୋଲକାତା ନାଇଟ୍ ରାଇଡର୍ସ
  • ||
  • କଂଗ୍ରେସରେ ମିଶିଲେ କହ୍ନେୟା କୁମାର ଓ ଜିଗ୍ନେଶ ମେଓ୍ଵାଣୀ, ରାହୁଲଙ୍କ ଉପସ୍ଥିତିରେ ଗ୍ରହଣ କଲେ ସଦସ୍ୟତା
  • ||
  • ହରିୟାଣା ଗୃହମନ୍ତ୍ରୀ ଅନିଲ ବିଜଙ୍କ ସ୍ୱାସ୍ଥ୍ୟବସ୍ଥା ଗୁରୁତର, ଦିଲ୍ଲୀ ଏମ୍ସରେ ଭର୍ତ୍ତି
  • ||
  • ଖୋର୍ଦ୍ଧା : ଅଂଳେଇ ମନ୍ଦିରରୁ ଦାନବାକ୍ସ ଉଠାଇନେଲେ ଦୁର୍ବୃତ୍ତ
  • ||
  • କୋରାପୁଟ : କୋରାପୁଟ ଜିଲ୍ଲା ସୁନାବେଡ଼ା ଟିଟିଏସରେ ଛାତ୍ର ଅଶାନ୍ତି, ଷ୍ଟାଇପେଣ୍ଡ ଟଙ୍କା ନମିଳିବାରୁ ବିକ୍ଷୋଭ
  • ||
  • ଜଳେଶ୍ବର : ଅବକାରୀ ବିଭାଗ ଦ୍ଵାରା ୪ ଚୋରା ଦେଶୀ ମଦ ବେପାରୀ ଗିରଫ, ୨ଶହ ଲିଟରରୁ ଅଧିକ ଦେଶୀ ମଦ ଜବତ
  • ||
  • ଆନନ୍ଦପୁର : କେନ୍ଦୁଝର ଜିଲ୍ଲା ଘଷିପୁରା ଥାନା ଦୀପପାଳ ଗାଁରେ ଅଭାବନୀୟ ଘଟଣା, ଘର ଭିତରୁ ମିଳିଲା ନବ ବିବାହିତାଙ୍କ ମୃତଦେହ, ବାପଘର ପକ୍ଷରୁ ହତ୍ୟା ଅଭିଯୋଗ
  • ||
  • ସାନଖେମୁଣ୍ଡି : ଗଞ୍ଜାମ ଜିଲ୍ଲା ଧରାକୋଟ ଥାନା ସୁଂଦୁରିଆପଲି ଗାଁ ନିକଟ ଋଷିକୁଲ୍ୟା ନଦୀରେ ବୁଡି ବୃଦ୍ଧା ମୃତ, ଶୌଚ ହେବାକୁ ଯାଇଥିବା ବେଳେ ବୁଡିଗଲେ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୮ ହଜାରରୁ ଅଧିକ କରୋନା ପଜିଟିଭ୍, ୧୭୯ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୭ ଜଣଙ୍କ ଜୀବନ
  • ||

ରାଜ୍ୟସଭା ଉପାଧ୍ୟକ୍ଷ ନିର୍ବାଚନ: ସମର୍ଥନ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଫୋନ କଲେ ନୀତିଶ କୁମାର, ଏମିତି ପ୍ରତିକ୍ରିୟା ଦେଲେ ବିଜେପି-କଂଗ୍ରେସ

10/09/2020 at 5:46 PM

ଭୁବନେଶ୍ଵର ୧୦।୦୯: ସେପ୍ଟେମ୍ବର ୧୪ରେ ରାଜ୍ୟସଭା ଉପାଧ୍ୟକ୍ଷ ନିର୍ବାଚନ । ବିଜେପି ଜେଡିୟୁ ପ୍ରାର୍ଥୀ ହରିବଂଶ ନାରାୟଣ ସିଂଙ୍କୁ ସମର୍ଥନ ଲାଗି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଅନୁରୋଧ କଲେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର। ଏ ସମ୍ପର୍କରେ ନବୀନଙ୍କ ସହ ଫୋନ୍ ଯୋଗେ ଆଲୋଚନା କରିଛନ୍ତି ନୀତିଶ । ସେପଟେ ବିଜେପି କହିଛି ଏହା ନବୀନଙ୍କ ବ୍ୟକ୍ତିଗତ ବ୍ୟାପାର । ସେପଟେ କଂଗ୍ରେସ ପ୍ରାର୍ଥୀ ଦେବା ପରେ ହିଁ ବିଜେଡିକୁ ସମର୍ଥନ ମାଗିବା କଥା ଚିନ୍ତା କରାଯିବ ବୋଲି କହିଛି ଦଳ ।

ଗଲାଥର ଭଳି ଏଥର ମଧ୍ୟ ନିଜର ଆଭିମୁଖ୍ୟକୁ ରିପିଟ୍ କରିବେ କି ନବୀନ ? ନା’ ଆଉ କିଛି କାର୍ଡ଼ ଖେଳିବେ ? ସେପ୍ଟେମ୍ବର ୧୪ରେ ହେବାକୁ ଥିବା ରାଜ୍ୟସଭା ଉପାଧ୍ୟକ୍ଷ ନିର୍ବାଚନକୁ ନେଇ ବିଜେଡି କାହାକୁ ସମର୍ଥନ କରିବ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ଠିକ୍ ଏତିକି ବେଳେ ବିଜେପି ଜେଡିୟୁ ପ୍ରାର୍ଥୀ ହରିବଂଶ ନାରାୟଣ ସିଂଙ୍କୁ ସମର୍ଥନ ଲାଗି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଅନୁରୋଧ କରିଛନ୍ତି ବିହାର ମୁଖ୍ୟମନ୍ତ୍ରୀ ନୀତିଶ କୁମାର । ଯେହେତୁ ରାଜ୍ୟସଭାରେ ଏନଡିଏର ସଂଖ୍ୟା ନାହିଁ ସେଥିପାଇଁ ରାଜ୍ୟସଭା ଉପାଧ୍ୟକ୍ଷ ପ୍ରାର୍ଥୀଙ୍କୁ ଜିତାଇବାକୁ ଏନଡିଏ ବାହାରେ ଥିବା ଦଳଙ୍କ ସହାୟତା ଦରକାର ପଡ଼ିବ । ଗଲାଥର ଜେଡିୟୁକୁ ରାଜ୍ୟସଭା ଉପାଧ୍ୟକ୍ଷ ନିର୍ବାଚନରେ ସମର୍ଥନ ଦେଇଥିଲେ ନବୀନ । ଏଥର ବିଜେଡି ସଭାପତିଙ୍କ ସମାନ ଆଭିମୁଖ୍ୟ ଦେଖିବାକୁ ମିଳିବ ବୋଲି ଆଲୋଚନା ହେଉଛି ।

ରାଜ୍ୟସଭା ଉପାଧ୍ୟକ୍ଷ ନିର୍ବାଚନରେ ଆଞ୍ଚଳିକ ଦଳଙ୍କର ବଡ଼ ଭୂମିକା ରହିବ । ଯେହେତୁ ଏନଡିଓ ପ୍ରାର୍ଥୀଙ୍କୁ ଜିତିବାକୁ ୧୨୩ ଭୋଟ ଦରକାର,  ସେଥିପାଇଁ ଏନଡିଏ ବାହାରେ ଥିବା ଦଳଗୁଡ଼ିକର ସମର୍ଥନ ଲୋଡ଼ିବେ ଏନଡିଏ ନେତା । ଏବେ ଏନଡିଏ ପାଖରେ ୧୧୪ ସାଂସଦ ଅଛନ୍ତି । ତେଣୁ ଓାଇଏସଆର୍, ଟିଆରଏସ୍ ଓ ବିଜେଡି ସମର୍ଥନରେ ଏନଡିଏ ରାଜ୍ୟସଭା ଉପାଧ୍ୟକ୍ଷ ପଦ ହାତେଇବାକୁ ଯୋଜନା କରିଛି ।

ରାଜ୍ୟସଭାରେ ବିଜେଡିର ୯ଜଣ ସାଂସଦ ଅଛନ୍ତି । ଏମିତିରେ ବିଜେଡିର ସମର୍ଥନ ନର୍ଣ୍ଣାୟକ ଭୂମିକା ଗ୍ରହଣ କରିପାରିବ। ଯେହେତୁ  ହରିବଂଶ ଜେଡିୟୁର ତେଣୁ ନବୀନଙ୍କ ସହ କଥାବାର୍ତ୍ତା ପାଇଁ  ବିଜେପି ନୀତିଶଙ୍କୁ ଆଗକୁ ଛାଡ଼ିଥିବା ଚର୍ଚ୍ଚା ହେଉଛି । ଏମିତିରେ ହରିବଂଶଙ୍କୁ ସମର୍ଥନ ନବୀନଙ୍କ ନିଜସ୍ଵ ବ୍ୟାପାର କହି ଏଡ଼ାଇ ଯିବାକୁ ଚେଷ୍ଟା କରିଛନ୍ତି ବିଜେପି ନେତା ।  ସେପଟେ କଂଗ୍ରେସ ମଧ୍ୟ ଏନଡିଏ ବାହାରେ ଥିବା ଦଳମାନଙ୍କ ଉପରେ ନଜର ରଖିଛି । ପ୍ରାର୍ଥୀ ଘୋଷଣା ପରେ କଂଗ୍ରେସ ମଧ୍ୟ ବିଜେଡିର ସମର୍ଥନ ଲୋଡ଼ିପାରେ ।

ଗତ ରାଜ୍ୟସଭା ଉପାଧ୍ୟକ୍ଷ ନିର୍ବାଚନରେ ବିଜେଡି ପ୍ରାର୍ଥୀ ଦେବ ବୋଲି ଚର୍ଚ୍ଚା ଉଠିଥିବା ବେଳେ ଶେଷରେ ଏନଡିଏ ପ୍ରାର୍ଥୀଙ୍କୁ ସମର୍ଥନ ଦେଇଥିଲା ବିଜେଡି । ହେଲେ ଏଥର ନବୀନ ନୀତିଶଙ୍କ ଅନୁରୋଧ ରକ୍ଷା କରି ଆଭିମୁଖ୍ୟ ରିପିଟ୍ କରିବେ ନା ନୂଆ କିଛି କାର୍ଡ଼ ଖେଳିବେ ତାହା ଉପରେ ରହିଛି ନଜର ।

   Related Posts