Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

ବିନା ପ୍ରତିଦ୍ବନ୍ଦିତାରେ ରାଜ୍ୟସଭା ଗଲେ ୫ ରାଜ୍ୟର ୧୮ଜଣ ପ୍ରାର୍ଥୀ : କଂଗ୍ରେସ ଶାସିତ ରାଜ୍ୟରେ ଜାରି ରହିଛି ଛକାପଞ୍ଝା

19/03/2020 at 12:57 PM

ନୂଆଦିଲ୍ଲୀ ୧୯/୦୩ : ବୁଧବାର ଦିନ ୫ଟି ରାଜ୍ୟରେ ୧୮ ଜଣ ପ୍ରାର୍ଥୀଙ୍କୁ ରାଜ୍ୟସଭା ସାଂସଦ ପ୍ରାର୍ଥୀ ଭାବେ ଚୟନ କରାଯାଇଛି | ଏହି ୫ଟି ରାଜ୍ୟ ହେଲା, ଓଡିଶା, ବିହାର, ପଶ୍ଚିମବଙ୍ଗ, ହରିୟାଣା ଓ ହିମାଚଳ ପ୍ରଦେଶ | ଏହି ୧୮ ଜଣ ପ୍ରାର୍ଥୀ ବିଜେପି, କଂଗ୍ରେସ, ବିଜୁ ଜନତା ଦଳ, ଜନତା ଦଳ ଓ ରାଷ୍ଟ୍ରୀୟ ଜନତା ଦଳ ନେତା | ଆସନ୍ତା ମାର୍ଚ୍ଚ ୨୬ ତାରିଖରେ ରାଜ୍ୟସଭା ନିର୍ବାଚନ ଅନୁଷ୍ଠିତ ହେବ |

ବିହାର – ସୋମବାର ଦିନ ଜଣେ ଅଧିକାରୀ ଏକ ନିୟୁଜ ଏଜେନ୍ସିକୁ ସୂଚନା ଦେଇଥିଲେ ଯେ, ରାଜ୍ୟସଭା ନିର୍ବାଚନ ପାଇଁ ବିହାରରୁ ୫ଜଣ ପ୍ରାର୍ଥୀଙ୍କୁ ଚୟନ କରାଯାଇଥିଲା କାରଣ ଅନ୍ୟ କେହି ନାମାଙ୍କନ ପତ୍ର ଦାଖଲ କରିନଥିଲେ | ୫ଜଣ ପ୍ରାର୍ଥୀଙ୍କ ମଧ୍ୟରେ ଜଣେ ଜନତା ଦଳ, ଜଣେ ରାଷ୍ଟ୍ରୀୟ ଜନତା ଦଳ ଓ ଆଉ ଜଣେ ବିଜେପି ପ୍ରାର୍ଥୀ ଥିଲେ |

ଆସନ୍ତା ଏପ୍ରିଲରେ ସାଂସଦଙ୍କ କାର୍ଯ୍ୟକାଳ ସମାପ୍ତ ହେବାକୁ ଯାଉଛି ସେଥିପାଇଁ ନିର୍ବାଚନ ହେବା ଆବଶ୍ୟକ | ବିହାରର ଏହିସବୁ ଆସନ ଜନତା ଦଳ ଓ ବିଜେପି ମହାମେଣ୍ଟର | ଜନତା ଦଳ ପ୍ରାର୍ଥୀ ହରିବଂଶ ଓ ରାମନାଥ ଠାକୁର ଥିଲେ | ହରିବଂଶ ବର୍ତ୍ତମାନ ରାଜ୍ୟସଭା ଉପାଧ୍ୟକ୍ଷ ଅଛନ୍ତି |

ହରିୟାଣା – ବିଜେପିର ଦୁଇଜଣ ପ୍ରାର୍ଥୀ ହେଲେ ରାମଚନ୍ଦ୍ର  ଜାଙ୍ଗଡା ଓ ଦୁଷ୍ମନ୍ତ କୁମାର ଗୌତମ | କଂଗ୍ରେସ ପ୍ରାର୍ଥୀ ଦୀପେନ୍ଦ୍ର ସିଂହ ହୁଡ୍ଡାଙ୍କୁ ହରିୟାଣାରୁ ରାଜ୍ୟସଭା ପାଇଁ ଚୟନ କରାଯାଇଛି | ରିଟର୍ଣ୍ଣିଙ୍ଗ ଅଧିକାରୀ ଅଜିତ ବାଲାଜୀଙ୍କୁ ମଧ୍ୟ ରାଜ୍ୟସଭା ସଦସ୍ୟ ପାଇଁ ନିର୍ବାଚିତ ଘୋଷଣା କରାଯାଇଛି | ଗତବର୍ଷ ବିଧାନସଭା ନିର୍ବାଚନରେ ରାମ କୁମାର କଶ୍ୟପଙ୍କୁ ବିଧାୟକ ଚୟନ କରାଯାଇଥିଲା | ଏହାପରେ ରାଜ୍ୟସଭାର ଦୁଇଟି ସିଟ ଖାଲି ପଡିଥିଲା | ଆସନ୍ତା ମାସରେ କଂଗ୍ରେସ ନେତ୍ରୀ ଶୈଳଜାଙ୍କ କାର୍ଯ୍ୟକାଳ ମଧ୍ୟ ସମାପ୍ତ ହୋଇଯିବ |

ହିମାଚଳ ପ୍ରଦେଶ – ବିଜେପି ମହିଳା ମୋର୍ଚ୍ଚାର ପୂର୍ବତ୍ତନ ରାଷ୍ଟ୍ରୀୟ ଅଧ୍ୟକ୍ଷ ଇନ୍ଦୁ ଗୋସ୍ୱାମୀଙ୍କୁ ହିମାଚଳ ପ୍ରଦେଶରୁ ରାଜ୍ୟସଭା ପାଇଁ ଚୟନ କରାଯାଇଛି | ମୁଖ୍ୟମନ୍ତ୍ରୀ ଜୟରାମ ଠାକୁର, ରାଜ୍ୟ ବିଜେପି ମୁଖ୍ୟ ରାଜୀବ ବିନ୍ଦଲ ଓ ଶିକ୍ଷାମନ୍ତ୍ରୀ ସୁରେଶ ଭରଦ୍ୱାଜଙ୍କ ସମେତ ଇନ୍ଦୁ ଗୋସ୍ୱାମୀଙ୍କୁ ରାଜ୍ୟ ବିଧାନସଭା ସଚିବ ଯଶପାଳ ଶର୍ମା ଉଚ୍ଚ ସଦନ ପାଇଁ ନିର୍ବାଚିତ କରିଛନ୍ତି |

ପଶ୍ଚିମବଙ୍ଗ – ତୃଣମୂଳ କଂଗ୍ରେସର ୪ ପ୍ରାର୍ଥୀ ଓ ସିପିଆଇଏମର ଜଣେ ପ୍ରାର୍ଥୀଙ୍କୁ ରାଜ୍ୟସଭା ଆସନ ପାଇଁ ନିର୍ବିରୋଧ ଭାବେ ନିର୍ବାଚିତ କରାଯାଇଛି | ତୃଣମୂଳ କଂଗ୍ରେସର ଅର୍ପିତା ଘୋଷ, ଦୀନେଶ ତ୍ରିବେଦୀ, ସୁବ୍ରତ ବକ୍ସି ଓ ମୋସିମ ନୁରଙ୍କୁ ନିର୍ବାଚିତ କରାଯାଇଛି | କଂଗ୍ରେସର ବିକାଶ ରଞ୍ଜନ ଭଟ୍ଟାଚାର୍ଯ୍ୟଙ୍କୁ ଉଚ୍ଚ ସଦନ ପାଇଁ ନିର୍ବାଚିତ କରାଯାଇଛି |

ଓଡିଶା – ସୂଚନାନୁଯାୟୀ, ରାଜ୍ୟସଭା ପାଇଁ ବିଜୁ ଜନତା ଦଳର ୪ଜଣ ପ୍ରାର୍ଥୀଙ୍କୁ ନିର୍ବାଚିତ କରାଯାଇଛି | ବିଜୁ ଜନତା ଦଳ ବିପକ୍ଷରେ ବିଜେପି କିମ୍ବା କଂଗ୍ରେସ କୌଣସି ପ୍ରାର୍ଥୀଙ୍କୁ ମଇଦାନକୁ ଓହ୍ଲାଇ ନଥିଲା | ରାଜ୍ୟସଭା ନିର୍ବାଚନ ପାଇଁ ଓଡିଶା ରାଜ୍ୟସଭା ସଚିବ ତଥା ରିଟର୍ଣ୍ଣିଙ୍ଗ ଅଫିସର ଦାଶରଥି ଶତପଥୀ ବିଜୁ ଜନତା ଦଳର ୪ଜଣ ପ୍ରାର୍ଥୀଙ୍କୁ ନାଁ ଘୋଷଣା କରିଛନ୍ତି |

ସେହି ୪ଜଣ ପ୍ରାର୍ଥୀ ହେଲେ, ସୁଭାଷ ସିଂହ, ମୁନ୍ନା ଖାନ, ସୁଜିତ କୁମାର ଓ ମମତା ମହନ୍ତ | ଏହାଛଡା ଆବଶ୍ୟକୀୟ ୧୦ ଜଣ ପ୍ରସ୍ତାବକ ବିଧାୟକ ନଥିବାରୁ ୪ଜଣ ନିର୍ଦଳୀୟ ପ୍ରାର୍ଥୀଙ୍କ ପ୍ରାର୍ଥୀପତ୍ର ଖାରଜ କରାଯାଇଛି | 

   Related Posts