Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ଚାଷୀଙ୍କୁ ରାଜନାଥ ସିଂଙ୍କ ଅପିଲ : ବର୍ଷେ ପାଇଁ କୃଷି ଆଇନକୁ ଲାଗୁ କରିବାକୁ ଦିଅନ୍ତୁ, ଆବଶ୍ୟକ ହେଲେ ସଂଶୋଧନ ହେବ

25/12/2020 at 3:07 PM

ନୂଆଦିଲ୍ଲୀ ୨୫/୧୨ :  ଦିଲ୍ଲୀ ସମେତ ଅନ୍ୟ ରାଜ୍ୟମାନଙ୍କରେ ଜାରି ରହିଥିବା କୃଷକ ଆନ୍ଦୋଳନକୁ ନେଇ ପ୍ରତିକ୍ରିୟା ରଖିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ଶୁକ୍ରବାର ରାଜଧାନୀ ଦିଲ୍ଲୀରେ ଆୟୋଜିତ ଏକ ରାଲିକୁ ଉଦବୋଧନ ଦେବା ଅବସରରେ ଦେଶର କୃଷକଙ୍କୁ ନେଇ ବଡ ବୟାନ ଦେଇଛନ୍ତି ରାଜନାଥ । ସେ କହିଛନ୍ତି ଧାରଣାରେ ବସିଥିବା ଲୋକମାନେ ଚାଷୀ ପରିବାରରେ ଜନ୍ମ ହୋଇଛନ୍ତି । ସେଥିପାଇଁ ସେମାନେ ସମ୍ମାନର ହକଦାର ଏବଂ ଆମେ ତାଙ୍କୁ ସମ୍ମାନ କରୁଛୁ ।

ଏହି ଅବସରରେ ଆନ୍ଦୋଳନରତ ଚାଷୀମାନଙ୍କୁ ରାଜନାଥ ସିଂହ ଅପିଲ ମଧ୍ୟ କରିଛନ୍ତି । ସେ କହିଛନ୍ତି ଗୋଟିଏ ବର୍ଷ ପାଇଁ କୃଷି ଆଇନକୁ ଲାଗୁ କରିବାକୁ ଦିଅନ୍ତୁ । ଯଦି ଏହା କୃଷକମାନଙ୍କ ପାଇଁ ଫଳପ୍ରଦ ନହେବ ତେବେ ଏଥିରେ ଆବଶ୍ୟକ ସଂଶୋଧନ ପାଇଁ ସରକାର ସମ୍ପୂର୍ଣ୍ଣ ଭାବେ ପ୍ରସ୍ତୁତ ଅଛନ୍ତି । ସେ ଆହୁରି ମଧ୍ୟ କହିଛନ୍ତି କୃଷି ଆଇନକୁ ନେଇ ବିରୋଧ ପ୍ରଦର୍ଶନ କରୁଥିବା ଚାଷୀମାନଙ୍କ ସହ ଆଲୋଚନା କରିବା ପାଇଁ ଅପିଲ କରାଯାଉଛି । ତେଣୁ କୃଷକମାନେ ଆଲୋଚନା ମାଧ୍ୟମରେ ସମସ୍ୟାର ସମାଧାନ ପାଇଁ ପ୍ରସ୍ତାବ ଦିଅନ୍ତୁ ବୋଲି ରାଜନାଥ ସିଂ କହିଛନ୍ତି ।

ଆଲୋଚନା ମାଧ୍ୟମରେ ସମସ୍ତ ସମସ୍ୟାର ସମାଧାନ ହୋଇପାରିବ ବୋଲି ରାଜନାଥ ସିଂହ ଚାଷୀଙ୍କୁ ଅପିଲ କରିଛନ୍ତି । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି ଯେ, ‘ଚାଷୀଙ୍କ ସହିତ ଆଲୋଚନା ଜାରି ରଖିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି । ବିଜେପି ସରକାର ଚାଷୀମାନଙ୍କ ପାଇଁ ଏପରି କିଛି କରିବ ନାହିଁ ଯାହାଫଳରେ ସେମାନଙ୍କର କୌଣସି ସମସ୍ୟା ହେବ’।

MSPକୁ ନେଇ ରାଜନାଥ କହିଛନ୍ତି ଚାଷୀଙ୍କୁ ଏ ବାବଦରେ ବିଭ୍ରାନ୍ତ କରିଯାଉଛି । ଚାଷୀଙ୍କୁ କିଛି ଅସାଧୁ ନେତା କହିଛନ୍ତି ଯେ, MSPର ପ୍ରାବଧାନ ଶେଷ ହୋଇଯିବ । ଏହାକୁ ଦୃଢଭାବେ ପ୍ରତ୍ୟାଖାନ କରିଛନ୍ତି ରାଜନାଥ । ଏହା ସହ ସେ କହିଛନ୍ତି ପ୍ରଧାନମନ୍ତ୍ରୀ ମୋଦି ଏବାବଦରେ ପୂର୍ବରୁ ସ୍ପଷ୍ଟ କରିଛନ୍ତି ଯେ, MSP କେବେ ଶେଷ ହେବ ନାହିଁ । ଏଥି ପାଇଁ ଚାଷୀମାନେ ଆଦୌ ବ୍ୟତିବ୍ୟସ୍ତ ହେବା ଆବଶ୍ୟକ ନୁହେଁ ।    

   Related Posts