Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଅଭିଯୋଗ ପରେ ନିଜ ଉପରେ କାର୍ଯ୍ୟାନୁଷ୍ଠାନ ନେଲେ ଜିଲ୍ଲାପାଳ, ଗଣିଲେ ଜରିମନା

2/12/2020 at 5:32 PM

ଭେପାଳ ୨।୧୨: ମଧ୍ୟପ୍ରଦେଶ ରାଜଗଡ ଜିଲ୍ଲାପାଳ ଏକ ମାମଲାରେ କାର୍ଯ୍ୟାନୁଷ୍ଠାନ ନେଇ ନିଜକୁ ଦଣ୍ଡିତ କରି ନିଜ ଉପରେ ଜରିମନା ଲଗାଇଛନ୍ତି । ଏହାପରେ ସେ ଚର୍ଚ୍ଚାର ପରିସରକୁ ଆସିଛନ୍ତି । ଲୋକମାନେ ତାଙ୍କୁ ଏକ ଉଦାହରଣ ଭାବେ ଦେଖୁଛନ୍ତି । ରାଜଗଡ ଜିଲ୍ଲାପାଳ ନୀରଜ କୁମାର ସିଂହ ଅଧିକ ଦିନ ଧରି ମାମଲାର ତଦନ୍ତ ଚାଲିଥିବା ନେଇ ଏଭଳି ପଦକ୍ଷେପ ଗ୍ରହଣ କରିଛନ୍ତି ।

ଜିଲ୍ଲାପାଳ ନୀରଜ କୁମାର ସିଂହ ମୁଖ୍ୟମନ୍ତ୍ରୀ ହେଲ୍ପଲାଇନ୍, ମନରେଗା, ପ୍ରଧାନମନ୍ତ୍ରୀ ଆବାସ ଆଦି ଅନେକ ବିଭାଗର ସମୀକ୍ଷା କରୁଥିଲେ । ସେହି ସମୟରେ ଅନେକ ମାମଲାର ତଦନ୍ତ ଚାଲିଥିବା ସେ ଦେଖିଥିଲେ । ଏହାର କାର୍ଯ୍ୟାନୁଷ୍ଠାନ ଗ୍ରହଣ କରି ନିଜ ସହ ଅନେକ ଅଧିକାରୀ ଏବଂ କର୍ମଚାରୀଙ୍କ ଉପରେ ଜରିମନା ଲଗାଇଛନ୍ତି । ସେ ନିଜକୁ ମଧ୍ୟ ଦଣ୍ଡିତ କରିଛନ୍ତି ।

ସମୀକ୍ଷା ସମୟରେ ୧୧୪୦ ଅଭିଯୋଗର ତଦନ୍ତ ଚାଲିଥିବା ଜିଲ୍ଲାପାଳ ଜାଣିବାକୁ ପାଇଥିଲେ । ସେ ସବୁ ଅଭିଯୋଗ ଉପରେ ୧୦୦ ଟଙ୍କା ଜରିମନା ଲଗାଇଛନ୍ତି । ଏହି କ୍ରମରେ ଜରିମନା ଆକାରରେ ୧ ଲକ୍ଷରୁ ଅଧିକ ଟଙ୍କା ଜମା କରାଯାଇଛି । ଗୋଟିଏ ସପ୍ତାହ ମଧ୍ୟରେ ଖୁବ୍ ଶୀଘ୍ର ସମସ୍ତ ଅଭିଯୋଗର ସମାଧାନ ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି ।

ମିଡିଆ ରିପୋର୍ଟ ଅନୁସାରେ ସବୁ ବିଭାଗର ସମୀକ୍ଷା ତାଙ୍କ ଦ୍ବାରା ହେବାର ଥିଲା । ସେଥିପାଇଁ ସେ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।

   Related Posts