ନୂଆଦିଲ୍ଲୀ୬/୩: ବୁଧବାର ରେଳ ବିଭାଗର ଏକ ନୂତନ ଇତିହାସ ସୃଷ୍ଟି ହୋଇଛି। ପ୍ରଥମ ଥର ପାଇଁ ଲିଙ୍ଗ ପରିବର୍ତ୍ତନ ଆଧାରରେ ଉତ୍ତର-ପୂର୍ବ ରେଳର ବିଭାଗରେ କାର୍ଯ୍ୟ କରୁଥିବା ରାଜେଶ କୁମାର ପାଣ୍ଡେ ବର୍ତ୍ତମାନ ସୋନିଆ ପାଣ୍ଡେଙ୍କ ନାମରେ କାମ କରିବେ।
୨୬ ମାସ ହେଲା ମହିଳା ଅଧିକାର ପାଇଁ ସୋନିଆ ଲଢ଼େଇ କରି ଆସୁଥିଲେ। ମାର୍ଚ୍ଚ ୪ ତାରିଖରେ ମୁଖ୍ୟ କାରଖାନା ପରିଚାଳକ (କର୍ମଚାରୀ) ରେଳ ରେକର୍ଡରେ ଲିଙ୍ଗ ଏବଂ ନାମ ପରିବର୍ତ୍ତନ ପାଇଁ ଏକ ନିର୍ଦ୍ଦେଶ ଜାରି କରିଥିଲେ। ସୋନିଆଙ୍କୁ ମଧ୍ୟ ଏହି ବିଷୟରେ ସୂଚନା ଦିଆଯାଇଥିଲା। ତେଣୁ ରାଜେଶ ପାଣ୍ଡେଙ୍କ ଆବେଦନ ଏବଂ ଡାକ୍ତରୀ ପରୀକ୍ଷା ଆଧାରରେ ତାଙ୍କୁ ସୋନିଆ ପାଣ୍ଡେଙ୍କ ନାମ ରଖିବାକୁ ନିଷ୍ପତ୍ତି ନିଆଯାଇଛି। ସେମାନଙ୍କ ରେଳ ସେବା ରେକର୍ଡ, ମେଡିକାଲ କାର୍ଡ, ପରିଚୟ ପତ୍ର ଇତ୍ୟାଦିରେ ନାମ ପରିବର୍ତ୍ତନ କରାଯାଇଛି |
ସୋନିଆ ପାଣ୍ଡେଙ୍କ ପିତା ଜଣେ ରେଳ କର୍ମଚାରୀ ଥିଲେ। ତାଙ୍କ ମୃତ୍ୟୁ ପରେ ରାଜେଶ ଏକ ନିର୍ଭରଶୀଳ କୋଟାରେ ନିଯୁକ୍ତି ପାଇଥିଲେ। ୨୦୧୨ ମସିହାରେ ରାଜେଶ ବିବାହ କରିଥିଲେ। ପୂର୍ବରୁ ମହିଳାଙ୍କ ପରି ରାଜେଶ ବ୍ୟବହାର କରୁଥିଲେ। ଏହି ସମୟରେ ସ୍ବାମୀ ଓ ସ୍ତ୍ରୀଙ୍କ ମଧ୍ୟରେ ବିଚ୍ଛେଦ ହୋଇଥିଲା। ୨୦୧୭ ମସିହା ଡିସେମ୍ବର ୧୦ ତାରିଖରେ ରାଜେଜ ଲିଙ୍ଗ ପରିବର୍ତ୍ତନ କରି ନାରୀ ପାଲଟି ଯାଇଥିଲେ।