Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

ଷ୍ଟିଭ ସ୍ମିଥ୍‌ଙ୍କ ଅଧିନାୟକତ୍ଵ ଇନିଂସ, ବେଙ୍ଗାଲୁରୁକୁ ୧୭୮ ରନର ବିଜୟ ଲକ୍ଷ୍ୟ ଦେଲା ରାଜସ୍ଥାନ ରୟାଲ୍ସ

17/10/2020 at 5:20 PM

ଦୁବାଇ ୧୭।୧୦: ଅଧିନାୟକ ଷ୍ଟିଭେନ ସ୍ମିଥ୍‌ଙ୍କ ଅର୍ଦ୍ଧଶତକ ବଳରେ ରାଜସ୍ଥାନ ରୟାଲ୍ସ ଆଇପିଏଲର ୩୩ତମ ମ୍ୟାଚ୍‌ରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିରୋଧରେ ୧୭୮ ରନର ଚ୍ୟାଲେଞ୍ଜିଂ ସ୍କୋର କରିଛି। ସ୍ମିଥଙ୍କ ୫୭ ରନ ଏବଂ ରୋବିନ ଉଥପ୍ପାଙ୍କ ୪୧ ରନ ବଳରେ ବେଙ୍ଗାଲୁରୁ ନିର୍ଦ୍ଧାରିତ ଓଭରରେ ୬ ଓ୍ଵିକେଟ୍ ହରାଇ ୧୭୭ ରନ କରିଛି। ବେଙ୍ଗାଲୁରୁ ପକ୍ଷରୁ ସଫଳ ବୋଲର ଭାବେ କ୍ରିସ୍ ମରିସ୍ ୪ ଓ୍ଵିକେଟ୍ ନେଇଥିଲେ।

ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିବା ରାଜସ୍ଥାନ ରୟାଲ୍ସକୁ ଓପନର ବେନ ଷ୍ଟୋକ୍ସ ଓ ଚଳିତ ସଂସ୍କରଣରେ ପ୍ରଥମ ଥର ଓପନିଂ ସୁଯୋଗ ପାଇଥିବା ରବିନ ଉଥପ୍ପା ଦଳକୁ ଭଲ  ଆରମ୍ଭ ଦେଇଥିଲେ। ପ୍ରଥମ ଓ୍ଵିକେଟ୍‌ରେ ଦୁଇ ବ୍ୟାଟସମ୍ୟାନ ୫.୪ ଓଭରରେ ୫୦ ରନ ଯୋଡିଥିଲେ। ବେନ ଷ୍ଟୋକ୍ସ ୧୫ ରନ କରି ଆଉଟ୍  ହୋଇଥିଲେ। ରବିନ ଉଥପ୍ପା ଦ୍ରୁତ ବ୍ୟାଟିଂ କରି ମାତ୍ର ୨୨ ବଲରୁ ୭ ଚୌକା ଓ ୧ ଛକା ସହ ୪୧ ରନ କରିଥିଲେ। ଏହା ପରେ ସଞ୍ଜୁ ସାମସନ ଅଧିକ ସମୟ କ୍ରିଜରେ ତିଷ୍ଠି ପାରିନଥିଲେ। ସେ ୯ ରନ କରି ବିଦାୟ ନେଇଥିଲେ।

୬୯ ରନରେ ୩ ଓ୍ଵିକେଟ୍ ହରାଇବାପରେ ଅଧିନାୟକ ଷ୍ଟିଭ୍ ସ୍ମିଥ୍ ଓ ଜୋସ୍ ବଟଲର ଦଳର ଇନିଂସକୁ ଆଗକୁ ବଢାଇଥିଲେ। ଉଭୟ ବ୍ୟାଟସମ୍ୟାନ ଚତୁର୍ଥ ଓ୍ଵିକେଟ୍‌ରେ ୫୮ ରନ ଯୋଡିଥିଲେ। ବଟଲର ୨୪ ରନ କରି କ୍ରିସ ମରିସଙ୍କ ଦ୍ଵିତୀୟ ଶିକାର ହୋଇଥିଲେ। ଅନ୍ୟପଟେ ଅଧିନାୟକ ଇନିଂସ ଖେଳି ସ୍ମିଥ୍ ଆଇପିଏଲରେ ୧୧ତମ ଅର୍ଦ୍ଧଶତକ ପୂରଣ କରିଥିଲେ।

ସ୍ମିଥ୍ ଚତୁର୍ଥ ଓ୍ଵିକେଟ୍‌ରେ ରାହୁଲ ତେଓ୍ଵତିଆଙ୍କ ସହ ମିଶି ୪୬ ରନ ଯୋଡି ଦଳର ସ୍କୋରକୁ ୧୭୩ରେ ପହଞ୍ଚାଇଥିଲେ। ସ୍ମିଥ୍ ଦମଦାର ବ୍ୟାଟିଂ କରି ୩୬ ବଲରୁ ୬ ଚୌକା ଓ ୧ ଛକା ସହ ୫୭ ରନ କରି ପାଭିଲିୟନ ଫେରିଥିଲେ। ଶେଷ ଆଡକୁ ରାହୁଲ ତେଓ୍ଵତିଆ ୧୧ ବଲରୁ ୧ ଚୌକା ଓ ୧ ଛକା ସହ ୧୯ ରନ କରି ଅପରାଜିତ ଥିଲେ। ରାଜସ୍ଥାନ ରୟାଲ୍ସ ନିର୍ଦ୍ଧାରିତ ଓଭରରେ ୬ ଓ୍ଵିକେଟ୍ ହରାଇ ୧୭୭ ରନ କରିଥିଲା।

ବେଙ୍ଗାଲୁରୁ ପକ୍ଷରୁ କ୍ରିସ ମରିସ୍ ୨୬ ରନ ଦେଇ ୪ ସଫଳତା ପାଇଥିଲେ। ୟୁଜବେନ୍ଦ୍ର ଚହଲ ୨ଟି ଓ୍ଵିକେଟ୍ ନେଇଥିଲେ।

   Related Posts