Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେରଳରେ ଭୀଷଣ ବର୍ଷା: ୫ ଜିଲ୍ଲାରେ ବନ୍ୟା ପରିସ୍ଥିତି, ଭୂସ୍ଖଳନରେ ଜଣେ ମୃତ, ୧୨ ନିଖୋଜ
  • ||
  • ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ଡେଙ୍ଗୁ, ସ୍ବାସ୍ଥ୍ୟବସ୍ଥାରେ ଆସୁଛି ସୁଧାର
  • ||
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ରାଜସ୍ଥାନରେ ବାଲ୍ୟ ବିବାହ ପଞ୍ଜିକରଣ ପାଇଁ ବିଲ୍ ପାରିତ: ବିରୋଧୀ କହିଲେ – ଏହା ‘କଳା ଆଇନ’

18/09/2021 at 3:41 PM

ଜୟପୁର ୧୮/୦୯ : ରାଜସ୍ଥାନରେ ବିବାହର ବାଧ୍ୟତାମୂଳକ ପଞ୍ଜୀକରଣ ପାଇଁ ସଂଶୋଧନ ବିଲ୍ ଆଜି ବିଧାନସଭାରେ ଭଏସ୍ ଭୋଟ୍ ଦ୍ୱାରା ପାରିତ ହୋଇଛି। ବିଲ ପାରିତ ହେବାକୁ ନେଇ ରାଜ୍ୟରେ ନୂଆ ବିବାଦ ଛିଡା ହୋଇଛି। ବିଜେପି କହିଛି ଯେ ଏହି ବିଧେୟକ ପରେ ବାଲ୍ୟ ବିବାହ ବୈଧ ହୋଇଯିବ। ଅପରପକ୍ଷରେ କଂଗ୍ରେସ କହିଛି ଯେ ବିଜେପି ପ୍ରସଙ୍ଗକୁ ଭାଙ୍ଗିରୁଜି ପେଶ କରୁଛି।

ବିରୋଧୀ ଉପନେତା ରାଜେନ୍ଦ୍ର ରାଠୋର ଓ ବିଜେପି ବିଧାୟକ ଅଶୋକ ଲାହୋଟି ସଂଶୋଧନ ବିଲକୁ ‘କଳା ଆଇନ’ ବୋଲି କହିଛନ୍ତି। ଅଶୋକ ଲାହୋଟି କହିଛନ୍ତି ଯେ ସଂଶୋଧିତ ବିଲ ବାଲ୍ୟ ବିବାହକୁ ଅନୁମତି ଦେଉଛି। ବିରୋଧୀ ସଦସ୍ୟ ନାରାବାଜି କରି ଅଧ୍ୟକ୍ଷଙ୍କ ଆସନ ପାଖରେ ପହଞ୍ଚି ଯାଇଥିଲେ କିନ୍ତୁ ଭଏସ୍ ଭୋଟ୍ ଦ୍ୱାରା ବିଲ ପାରିତ କରାଯାଇଥିଲା। ମତ ବିଭାଜନ ଦାବି ସ୍ୱୀକାର କରାନଯିବାରୁ ବିଜେପି ସଦସ୍ୟ ଗୃହରୁ ବାହାରି ଯାଇଥିଲେ ଓ ଏହାକୁ କଳା ଆଇନ ବୋଲି କହିଥିଲେ।

ଗୃହରେ ୨୦୨୧ ର ରାଜସ୍ଥାନ ବାଧ୍ୟତାମୂଳକ ପଞ୍ଜୀକରଣ ବିଲ୍ (ସଂଶୋଧନ) ରକ୍ଷା କରି ସଂସଦୀୟ ବ୍ୟାପାର ମନ୍ତ୍ରୀ ଶାନ୍ତି ଧରୱାଲ କହିଛନ୍ତି ଯେ ପ୍ରସ୍ତାବିତ ଆଇନ ବିବାହ ପଞ୍ଜିକରଣକୁ ଅନୁମତି ଦେଇଥାଏ, କିନ୍ତୁ ଏପରି ବିବାହ ଶେଷରେ ବୈଧ ହେବ ବୋଲି କେଉଁଠି ବି କୁହାଯାଇ ନାହିଁ। ମନ୍ତ୍ରୀ କହିଛନ୍ତି ଯେ ଯଦି ବାସ୍ତବରେ ଏହା ବାଲ୍ୟ ବିବାହ ତାହେଲେ ଜିଲ୍ଲା ଅଧିକାରୀ ଓ ସମ୍ବନ୍ଧିତ ଅଧିକାରୀ ପରିବାର ବିରୋଧରେ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ।

ବିଲକୁ ନେଇ ରାଜସ୍ଥାନ ମନ୍ତ୍ରୀ ପ୍ରତାପ ସିଂହ କହିଛନ୍ତି ଯେ, ‘ଆମେ ମଧ୍ୟ ବାଲ୍ୟ ବିବାହକୁ ବିରୋଧ କରୁଛୁ। ବିଜେପି ପ୍ରସଙ୍ଗକୁ ଅଲଗା ଭାବେ ଗ୍ରହଣ କରି ପରିବେଶକୁ ଖରାପ କରିବାକୁ ଚାହୁଁଛି। କଂଗ୍ରେସ ଯାହା ବି ଭଲ କାମ କଲେ ସେଥିରେ ତ୍ରୁଟି ବାହାର କରିବାକୁ ଚେଷ୍ଟା କରୁଛି।’

ସଂଶୋଧନ ବିଲ୍‌ର ବିବୃତ୍ତି ଏବଂ ଉଦ୍ଦେଶ୍ୟରେ ଦର୍ଶାଯାଇଛି ଯେ ଯଦି ଦମ୍ପତି ବିବାହର ଆଇନଗତ ବୟସ ପୂରଣ କରିନାହାଁନ୍ତି, ତେବେ ଧାର୍ଯ୍ୟ ସମୟ ମଧ୍ୟରେ ଏକ ଆବେଦନ ଦାଖଲ ପାଇଁ ପିତାମାତା କିମ୍ବା ଅଭିଭାବକ ଦାୟୀ ରହିବେ।

   Related Posts