Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଫଲାଇନ୍‌ରେ ହେବ ମାଟ୍ରିକ୍ ଏବଂ ଯୁକ୍ତ ୨ ପରୀକ୍ଷା : ଗଣଶିକ୍ଷା ମନ୍ତ୍ରୀ
  • ||
  • ହରିୟାଣା : ଚଳନ୍ତା କାର ଉପରେ ଓଲଟି ପଡିଲା କଣ୍ଟେନର, ୩ ମୃତ
  • ||
  • ଅଷ୍ଟ୍ରେଲିଆକୁ ଆଉ ଏକ ଝଟକା, ଷ୍ଟାର୍କ ଆହତ, ପ୍ରଥମ ଟି୨୦ରୁ ପଡିବେ ବାଦ୍ !
  • ||
  • ବରଗଡ : ଟ୍ରକ୍‌ ସହ ଧକ୍କା ହେଲା ବରଯାତ୍ରୀ ବୋଲେରୋ, ୩ ମୃତ, ୪ ଗୁରୁତର
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୫୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜଧାନୀରୁ ପୁଣି ବ୍ରାଉନସୁଗାର ଜବତ, ୪ ଗିରଫ
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୩୪ କରୋନା ସଂକ୍ରମିତ, ୩୨୦୦୧୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆଦିଲ୍ଲୀ : MDH ମସଲାର ପ୍ରତିଷ୍ଠାତା ଧର୍ମପାଲ ଗୁଲାଟୀଙ୍କ ପରଲୋକ
  • ||
  • ଗୋପ : ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା, କୋଭିଡ୍ ପଜିଟିଭ୍ ହୋଇ ଶେଷ ନିଶ୍ୱାସ ତ୍ୟାଗ କଲେ ଏଏସଆଇ
  • ||
  • ସୋର : ଘରେ ପଶିଲେ ଦୁର୍ବୃତ୍ତ, ବାପ-ପୁଅଙ୍କୁ ଗୋଡାଇ ଗୋଡାଇ ହାଣିଲେ
  • ||

୧୯୬୫ ରେ ପାକିସ୍ତାନ ସହ ଯୁଦ୍ଧ ଲଢ଼ିଥିଲେ ଜେଜେ: ଚୀନ ସୀମାରେ ଦେଶ ରକ୍ଷା ପାଇଁ ଶହୀଦ ହେଲେ ନାତି

4/09/2020 at 12:43 PM

ଝୁନଝୁନ ୦୪/୦୯ : ରାଜସ୍ଥାନର ଆଉ ଜଣେ ବୀର ପୁତ୍ର ଦେଶ ରକ୍ଷା ପାଇଁ ସୀମାରେ ନିଜ ଜୀବନର ବଳିଦାନ ଦେଇଛନ୍ତି | ବୀର ପୁତ୍ରଙ୍କ ଧରାପୃଷ୍ଠ କୁହାଯାଉଥିବା ଝୁନଝୁନ ଜିଲ୍ଲାର ନାୟବ ସୁବେଦାର ଶମସେର ଅଲି ଖାନ ଭାରତ-ଚୀନ ସୀମାରେ ପାଟ୍ରୋଲିଂ ସମୟରେ ଶହୀଦ ହୋଇଛନ୍ତି | ଶହୀଦଙ୍କ ପାର୍ଥିବ ଶରୀର ଶୁକ୍ରବାର ସନ୍ଧ୍ୟା ଯାଏଁ ତାଙ୍କ ପୈତୃକ ଗାଁରେ ପହଞ୍ଚିବ | ଶମସେର ଅଲି ଖାନଙ୍କ ପରିବାର ୪ ପୀଢ଼ି ହେଲା ଦେଶ ସେବା କରୁଛନ୍ତି | ପଞ୍ଚମ ପୀଢ଼ି ସେନାରେ ଭର୍ତ୍ତି ହେବାକୁ ପ୍ରସ୍ତୁତ ଅଛନ୍ତି | ଶମସେର ଅଲି ଖାନଙ୍କ ଜେଜେବାପା ୧୯୬୫ ମସିହାରେ ପାକିସ୍ତାନ ବିରୋଧରେ ଯୁଦ୍ଧ କରିଥିଲେ | ମୁଖ୍ୟମନ୍ତ୍ରୀ ଅଶୋକ ଗେହଲତ ଶମସେର ଅଲି ଖାନଙ୍କ ପାର୍ଥିବ ଶରୀରକୁ ସଲାମ କରି ଶ୍ରଦ୍ଧାଞ୍ଜଳି ଦେଇଛନ୍ତି |

ଜିଲ୍ଲା ସୈନ୍ୟ କଲ୍ୟାଣ ଅଧିକାରୀ କମାଣ୍ଡର ପରଭେଜ ହୁସେନ କହିଛନ୍ତି ଯେ, ଶହୀଦ ନାୟବ ସୁବେଦାର ଶମସେର ଅଲି ଖାନ ଉଦୟପୁରବାଟି ଉପଖଣ୍ଡ ଗୁଢଗୌଡ଼ଜି ନିକଟସ୍ଥ ହୁକୁମପୁର ଗାଁର ବାସିନ୍ଦା ଥିଲେ | ସେ ଅରୁଣାଚଳ ପ୍ରଦେଶ ଟାଙ୍ଗୋରେ ୨୪ ଗ୍ରେନେଡିୟର ୟୁନିଟରେ ନିୟୋଜିତ ଥିଲେ | ସେ ସେହି ନିକଟରେ ଚୀନ ସୀମାରେ ପାଟ୍ରୋଲିଂ କରିଥିଲେ | ସେତେବେଳେ ସେଠାରେ ତାଙ୍କୁ ଆତଙ୍କବାଦୀଙ୍କ ଗତିବିଧି ଦେଖିବାକୁ ମିଳିଥିଲା | ସେ ଆତଙ୍କବାଦୀଙ୍କ ମୁକାବିଲା କରିବାକୁ ଯାଇଥିଲେ | ସେତେବେଳେ ସେ ପାଇନିଜ ପୋଷ୍ଟରେ ଶହୀଦ ହୋଇଥିଲେ | ଏହି ପୋଷ୍ଟର ଉଚ୍ଚତା ପାଖାପାଖି ୧୮ ହଜାର ଫୁଟ | ସେଠାରେ ଶମସେର ଅଲି ଖାନ ଗୁରୁବାର ସକାଳ ସାଢେ ୪ଟା ସମୟରେ ଅନ୍ତିମ ନିଶ୍ଵାସ ତ୍ୟାଗ କରିଥିଲେ | ଶୁକ୍ରବାର ସନ୍ଧ୍ୟା ସୁଦ୍ଧା ତାଙ୍କ ପାର୍ଥିବ ଶରୀର ତାଙ୍କ ଗାଁରେ ପହଞ୍ଚିବା ସମ୍ଭାବନା ରହିଛି | 

ଶମସେର ଅଲି ଖାନଙ୍କ ଶହୀଦ ହେବା ସୂଚନା ମିଳିବା ପରେ ଗାଁରେ ଶୋକର ଲହରୀ ଖେଳି ଯାଇଥିଲା | ଶହୀଦଙ୍କ ପତ୍ନୀ ସଲାମ ବାନୋ ବେହୋସ ହୋଇଯାଇଥିଲେ | ଶହୀଦଙ୍କ ଭାଇ ଅଲି ଶେର କହିଛନ୍ତି ଯେ ଶମସେର ଅଲି ୧୯୯୭ ମସିହାରେ ସେନାରେ ଭର୍ତ୍ତି ହୋଇଥିଲେ | ଶମସେର ଅଲି ଖାନଙ୍କ ପରିବାରର ୪ ପୀଢ଼ି ହେଲା ସେନାରେ ଦେଶ ସେବା କରୁଛନ୍ତି | ଏହି ପରିବାର ଦେଶଭକ୍ତି ଏଥିରୁ ଅଙ୍କା ଯାଇପାରିବ ଯେ ପରିବାରର ପଞ୍ଚମ ପୀଢ଼ି ମଧ୍ୟ ସେନାରେ ଭର୍ତ୍ତି ହେବା ପାଇଁ ପ୍ରସ୍ତୁତ ହେଉଛି | ଶମସେର ଅଲିଙ୍କ ୧୬ ବର୍ଷ ଓ ୧୨ ବର୍ଷର ପୁଅ ସେନାରେ ଭର୍ତ୍ତି ହେବାକୁ ପ୍ରସ୍ତୁତ ହେଉଛନ୍ତି |

   Related Posts