Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ସାମ୍ୱାଦିକ ବିନୋଦ ଦୁଆଙ୍କ ପରଲୋକ, କରୋନାରେ ହୋଇଥିଲେ ଆକ୍ରାନ୍ତ
  • ||
  • ଚାଲିପାରିଲାନି ବିଧାନସଭା, ସୋମାବାର ପର୍ଯ୍ୟନ୍ତ ମୁଲତବୀ ଘୋଷଣା କଲେ ବାଚସ୍ପତି
  • ||
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||

ଅସଂରକ୍ଷିତ ଶିକ୍ଷକ ପଦବୀରେ ନିଯୁକ୍ତି ଦାବି କରୁଛନ୍ତି ଅନୁସୂଚୀତ ଜନଜାତି : ରାଜସ୍ଥାନରେ ହିଂସା, ଜଣେ ମୃତ, କେନ୍ଦ୍ରକୁ ରାପିଡ୍ ଆକ୍ସନ ଫୋର୍ସ ମାଗିଲା ରାଜ୍ୟ

27/09/2020 at 10:56 PM

ଜୟପୁର, ୨୭|୦୯:   ରାଜସ୍ଥାନରେ ଶିକ୍ଷକ ଭର୍ତ୍ତିକୁ ନେଇ ହିଂସା ଚରମ ସୀମାରେ ପହଁଚିଛି। ଅସଂରକ୍ଷିତ ପଦକୁ ଏସଟି ପ୍ରାର୍ଥୀଙ୍କ ପାଇଁ ଉଦ୍ଦିଷ୍ଟ ରଖିବା ଦାବିରେ ଲଗାତର ୪ ଦିନ ଧରି ବିରୋଧ ପ୍ରଦର୍ଶନ କରାଯାଉଛି । ପ୍ରଦର୍ଶନକାରୀମାନେ ଉଦୟପୁରର ଖେରବାଡାରେ ଥିବା କିଛି ପାହାଡକୁ କବଜା କରି ନେଇଛନ୍ତି । ସେଠାରୁ ସେମାନେ ସମସ୍ତ ଗତିବିଧି ଉପରେ ନଜର ରଖୁଛନ୍ତି । ଅନ୍ୟପଟେ ପ୍ରଶାସନିକ ଅଧିକାରୀମାନେ ଆଦିବାସୀ ଜନ ପ୍ରତିନିଧିଙ୍କ ସହ ଆଲୋଚନା କରିଛନ୍ତି ।

ତେବେ ଖେରବାଡାରେ ହୋଇଥିବା ଗୁଳିକାଣ୍ଡରେ ଜଣେ ବ୍ୟକ୍ତି ପ୍ରାଣ ହରାଇଛନ୍ତି । ଆନ୍ଦୋଳନକାରୀଙ୍କୁ ନିୟନ୍ତ୍ରଣ କରିବା ପାଇଁ ପୋଲିସକୁ ଗୁଳିଚାଳନା କରିବାକୁ ପଡିଥିଲା । ଏହାମଧ୍ୟରେ ସରକାର କେନ୍ଦ୍ରକୁ ରାପିଡ୍ ଆକ୍ସନ ଫୋର୍ସ ମାଗିଛନ୍ତି ।

ରାଜ୍ୟର ବିଭିନ୍ନ ଜିଲ୍ଲାରେ ସେହି ସମୟରେ ହିଂସା ଉପୁଜିଥିଲା ଯେତେବେଳେ ଶିକ୍ଷକ ଭର୍ତ୍ତି ପରୀକ୍ଷା-୨୦୧୮ର ପ୍ରାର୍ଥୀମାନେ ଉଦୟପୁର-ଅହମ୍ମଦାବାଦ ରାସ୍ତା ଅବରୋଧ କରିଥିଲେ । ପୋଲିସ ଉପରେ ମଧ୍ୟ ପଥରମାଡ କରିଥିଲେ ।ଏହାସହ ସରକାରୀ ସମ୍ପତ୍ତିକୁ ଭାଙ୍ଗିରୁଜି ଦେଇଥିଲେ । ସେମାନେ ସାଧାରଣ ବର୍ଗଙ୍କ ପାଇଁ ଥିବା ୧୧୬୭ ପଦ ଏସଟି ପ୍ରାର୍ଥୀଙ୍କୁ ନିଯୁକ୍ତି ଦେବାକୁ କହିଥିଲେ । ହିଂସା ଶୁକ୍ରବାର ଓ ଶନିବାର ମଧ୍ୟ ଜାରି ରହିଥିଲା ।

ସରକାର ହିଂସା ରୋକିବା ପାଇଁ ତିନିଜଣ ବରିଷ୍ଠ ଅଧିକାରୀଙ୍କୁ ଦାୟିତ୍ୱ ଦେଇଥିଲେ । ମୁଖ୍ୟମନ୍ତ୍ରୀ ଅଶୋକ ଗେହଲଟ ପ୍ରଦର୍ଶନକାରୀଙ୍କ ଦାବିକୁ ପୂରଣ କରିବେ ବୋଲି କହିଥିଲେ । ତେବେ ଏହି ହିଂସାକାଣ୍ଡରେ ୩ହଜାର ଜଣଙ୍କ ନାଁରେ ମାମଲା ରୁଜୁ ହୋଇଛି । ୩୪ଜଣହଙ୍କୁ ଗିରଫ ମଧ୍ୟ କରାଯାଇଛି ।

   Related Posts