ମୁମ୍ବାଇ,୧୨/୦୪: ସୋମବାର ଆଇପିଏଲ୍ର ଚତୁର୍ଥ ମ୍ୟାଚ୍ରେ ମୁହାଁମୁହିଁ ହେବେ ପଞ୍ଜାବ କିଙ୍ଗ୍ସ ଓ ରାଜସ୍ଥାନ ରୟାଲ୍ସ । ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛି ସଞ୍ଜୁ ସାମସନଙ୍କ ରାଜସ୍ଥାନ ରୟାଲ୍ସ । ବ୍ୟାଟିଂ କରିବ କେ. ଏଲ. ରାହୁଲଙ୍କ ପଞ୍ଜାବ କିଙ୍ଗସ୍ । ଏହି ମ୍ୟାଚ୍କୁ ନେଇ ଉଭୟ ଦଳ ଜୋରଦାର ପ୍ରସ୍ତୁତି କରିଛନ୍ତି । ଗତ ସିଜନର ପରାଜୟକୁ ଭୁଲି ନଥିବା ପଞ୍ଜାବ କିଙ୍ଗ୍ସ ଏଥର ପ୍ରତିଶୋଧ ନେବାକୁ ଲକ୍ଷ୍ୟ ରଖିଛି । ଅନ୍ୟ ପଟରେ ରାଜସ୍ଥାନ ରୟାଲ୍ସ ପୂର୍ବଭଳି ଆଧିପତ୍ୟ ଜାରି ରଖି ଅଭିଯାନ ଆରମ୍ଭ କରିବାକୁ ଚେଷ୍ଟା କରିବ ।
ଉଭୟ ଦଳର ବିସ୍ଫୋରକ ବ୍ୟାଟିଂଲାଇନ୍
ସୋମବାର ୱାଙ୍ଖଡ଼େ ଷ୍ଟାଡିୟମ୍ରେ ଚୌକା ଓ ଛକାର ବର୍ଷା ହେବା ନିଶ୍ଚିତ । ଉଭୟ ଦଳରେ ଏକାଧିକ ବିସ୍ଫୋରକ ବ୍ୟାଟ୍ସମ୍ୟାନ୍ ରହିଛନ୍ତି । ତେଣୁ ପ୍ରଥମ ବଲ୍ରୁ ଆକ୍ରମଣାତ୍ମକ ବ୍ୟାଟିଂର ଝଲକ୍ ଦେଖିବାକୁ ମିଳିବ । ପଞ୍ଜାବ କିଙ୍ଗ୍ସ ଦଳରେ ଲୋକେଶ ରାହୁଲ, ମୟଙ୍କ ଅଗ୍ରୱାଲ, କ୍ରିସ୍ ଗେଲ, ନିକୋଲାସ୍ ପୂରନଙ୍କ ଭଳି ବ୍ୟାଟ୍ସମ୍ୟାନ୍ ରହିଛନ୍ତି । ସେହିପରି ରାଜସ୍ଥାନ ରୟାଲ୍ସ ଦଳରେ ରହିଥିବା ସଞ୍ଜୁ ସାମସନ, ବେନ ଷ୍ଟୋକ୍ସ, ଜୋସ ବଟଲର ବିଶାଳ ସଟ୍ ଖେଳିବାରେ ସିଦ୍ଧହସ୍ତ ।
ପଞ୍ଜାବ କିଙ୍ଗସ୍ ସ୍କ୍ବାଡ୍ :
ମୟଙ୍କ ଅଗ୍ରୱାଲ, କେ.ଏଲ୍ ରାହୁଲ (ଅଧିନାୟକ ତଥା ୱିକେଟ୍ କିପର), କ୍ରିସ୍ ଗେଲ, ନିକୋଲାସ ପୁରାନ, ଦୀପକ ହୁଡା, ଶାହରୁଖ ଖାନ, ରିଚାର୍ଡସନ, ମୁରଗାନ୍ ଅଶ୍ବିନ, ରବି ବିଷ୍ଣୁ, ଅର୍ଶଦୀପ ସିଂ, ରାଲି ମେରେଡିଥ୍
ରାଜସ୍ଥାନ ରୟାଲସ୍ ସ୍କ୍ବାଡ୍ :
ମନନ୍ ଭୋରା, ବେନ୍ ଷ୍ଟୋକ୍ସ, ସଞ୍ଜୁ ସାମସନ୍, ଜୋସ୍ ବଟଲର, ଶିବମ୍ ଦୁବେ, ରିଆନ୍ ପରାଗ, ରାହୁଲ ତେୱାତିଆ, କ୍ରିସ୍ ମୋରିସ୍, ଶ୍ରେୟସ୍ ଗୋପାଳ, ଚେତନ ସାକାରିଆ, ମୁସ୍ତାଫିଜୁର ରହମାନ