ଭୁବନେଶ୍ୱର ୨୬।୦୫ : ଲକ୍ଡାଉନ୍ରେ ନିଶା ମାଫିଆ ମାନେ ଚଳାଇଛନ୍ତି ବେଧଡ଼କ କାରବାର । ବିଶେଷ କରି ମଦ ଦୋକାନ ବନ୍ଦର ସୁଯୋଗ ନେଇ ନିଶା ମାଫିଆମାନେ ମାଲେମାଲ୍ ହୋଇଛନ୍ତି । ଓଡ଼ିଶାରେ ମଦ ଦୋକାନ ବନ୍ଦ ଥିବା ବେଳେ ମାଫିଆମାନେ କୋଲକାତାରୁ ମଦ ଆଣି ବେଧଡ଼କ କାରବାର କରୁଥିଲେ । ଏଭଳି କାରବାର ଚଳାଇଥିବା ୨ ବେପାରୀଙ୍କୁ କମିଶନରେଟ୍ ପୁଲିସର କୁଇକ୍ ଆକ୍ସନ୍ ଟିମ୍ (କ୍ୟୁଏଟି) ଏବଂ ସହିଦନଗର ଥାନା ପୁଲିସ ଗିରଫ କରିଛି । ସେମାନେ ହେଲେ ଚନ୍ଦ୍ରଶେଖରପୁରର ବାସୁଦେବ ଦାସ(୩୮) ଓ ଜଗତସିଂହପୁର ରଘୁନାଥପୁରର ଦେବାଶିଷ ମହାନ୍ତି(୨୫) । ଦୁଇ ଜଣଙ୍କ ଠାରୁ ଏକ ବୋଲେରୋ ଗାଡ଼ି ସହ ୬୭ ଲିଟର ଦାମୀ ବିଦେଶୀ ମଦ ଜବତ ହୋଇଛି । ଜବତ ମଦର ମୂଲ୍ୟ ୪ ଲକ୍ଷ ଟଙ୍କାରୁ ଅଧିକ ହେବ ବୋଲି ପୁଲିସ କହିଛି ।
wp:html/wp:htmlBasing upon a reliable information our QAT & Saheednagar PS had a joint raid at Jaydev vihar. Had seized 90 bottles of IMFL-total 67.5 Lts, cash of Rs.3790/-, 2 mobile phones & one Bolero vehicle with arrest of 2 offender against a Cognizable Case @SarangiSudhansu @anupkumarsahoo pic.twitter.com/7kV702uzsT
— COMMISSIONERATE POLICE (@cpbbsrctc) May 25, 2020
ପୁଲିସ ସୂଚନା ଅନୁଯାୟୀ, ଓଡ଼ିଶାରେ ମଦ ଦୋକାନ ବନ୍ଦ ଥିବା ବେଳେ ବାସୁଦେବ ଓ ଦେବାଶିଷ କୋଲକାତାରୁ ମଦ ଚୋରାରେ ଆଣି ରାଜଧାନୀରେ ୪ ଗୁଣ ଅଧିକ ଦାମ୍ରେ ବିକ୍ରି କରୁଥିଲେ । ସେମାନେ ବୋଲେରୋ ନେଇ ଜାମଶୋଳା ଗେଟ୍ ନିକଟରେ ପହଞ୍ଚନ୍ତି । ସେଠାରେ ସେମାନଙ୍କୁ କୋଲକାତାର ନିଶା ମାଫିଆମାନେ ମଦ ଆଣି ଯୋଗାଇ ଦିଅନ୍ତି । ଦୁହିଁଙ୍କ ଏଭଳି ମଦ କାରବାର ବିଷୟରେ ଖବର ପାଇଥିଲା କ୍ୟୁଏଟି । ତେଣୁ ସେମାନଙ୍କୁ ଗିରଫ କରିବା ପାଇଁ ଜାଲ ବିଛାଇଥିଲା ।
ସୋମବାର ଅପରାହ୍ଣରେ ବାସୁଦେବ ଓ ଦେବାଶିଷ ବୋଲେରୋରେ ଆସୁଥିବା ବେଳେ ସେମାନଙ୍କୁ ଜୟଦେବବିହାର ଛକରେ କ୍ୟୁଏଟି ଓ ସହିଦନଗର ଥାନା ପୁଲିସ ଅଟକାଇଥିଲେ । ତେବେ ଚାଳକ ଦେବାଶିଷ ପୁଲିସକୁ ସରକାରୀ ଗାଡ଼ି କହିଥିବା ବେଳେ ପାଖ ସିଟ୍ରେ ବସିଥିବା ବାସୁଦେବ ନିଜକୁ ସରକାରୀ ଅଫିସର ବୋଲି ପରିଚୟ ଦେଇଥିଲେ । ମୋର ମିଟିଂ ଅଛି ବାଟ ଛାଡ଼ ବୋଲି କହିଥିଲେ । କିନ୍ତୁ ସେମାନଙ୍କ ଚାଲ୍ ପୁଲିସ ପୂର୍ବରୁ ଜାଣିଥିଲା । ପୁଲିସ ବୋଲେରୋ ଗାଡ଼ିକୁ ଚେକିଂ କଲା ବେଳେ ଭିତରୁ ବିପୁଳ ପରିମାଣର ଦାମୀ ବିଦେଶୀ ମଦ ମିଳିଥିଲା । ପୁଲିସ ଗାଡ଼ିକୁ ଜବତ କରିବା ସହ ଉଭୟଙ୍କୁ ଥାନାକୁ ନେଇଥିଲା । ମଦ ସହ ସେମାନଙ୍କ ନିକଟରୁ ପୁଲିସ ୪ ହଜାର ଟଙ୍କା ଓ ଦୁଇଟି ମୋବାଇଲ୍ ଫୋନ୍ ମଧ୍ୟ ଜବତ କରିଥିଲା । ଆସନ୍ତାକାଲି ଦେବାଶିଷ ଓ ବାସୁଦେବଙ୍କୁ କୋର୍ଟ ଚାଲାଣ କରାଯିବ ବୋଲି ପୁଲିସ କହିଛି।
