Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

‘ଧୋନୀଙ୍କ ସହ ପୁଣି ଆରମ୍ଭ ହେବ ପାର୍ଟନରସିପ୍, ସବୁ କିଛି ଠିକ୍ ହେବ’, ମାହିଙ୍କ ସହ ଝଗଡାକୁ ନେଇ ଏମିତି କହିଲେ ରାଇନା

2/01/2021 at 10:43 AM

ନୂଆଦିଲ୍ଲୀ, ୦୨/୦୧:  ଭାରତୀୟ ଦଳର ପୂର୍ବତନ ଖେଳାଳି ସୁରେଶ ରାଇନା ଆଇପିଏଲ-୧୩ ଆରମ୍ଭ ହେବା ପୂର୍ବରୁ ଚେନ୍ନାଇ ସୁପର କିଙ୍ଗସର ହାତ ଛାଡି ଭାରତ ଫେରି ଆସିଥିଲେ । ଏହାପରେ ସେ ଦଳକୁ ଫେରିବା ନେଇ ଅନେକ ଅଟକଳ ଆରମ୍ଭ ହୋଇଥିଲା । ଦଳର ମାଲିକ ଏନ. ଶ୍ରୀନିବାସନ କହିଥିଲେ ଯେ, ରାଇନାଙ୍କୁ ମହେନ୍ଦ୍ର ସିଂ ଧୋନୀଙ୍କ ଭଳି କୋଠରୀ ନମିଳିବାରୁ ସେ ଅସନ୍ତୁଷ୍ଟ ଥିଲେ । ଏହାପରେ ତାଙ୍କର ଧୋନୀଙ୍କ ସହ ଝଗଡା ହୋଇଥିବା କୁହାଯାଉଛି ।

ଗଣମାଧ୍ୟମ ରିପୋର୍ଟ ଅନୁସାରେ, ଧୋନୀ ରାଇନାଙ୍କ ସହ କଥା ହୋଇଛନ୍ତି । ଉଭୟଙ୍କ ମଧ୍ୟରେ ଭଲ ସମ୍ପର୍କ ରହିଛି । ରାଇନା ନିକଟରେ ଏକ ଇଂରାଜୀ ଖବର କାଗଜକୁ ଦେଇଥିବା ସାକ୍ଷାତକାରରେ କହିଛନ୍ତି ଯେ, ଧୋନୀଙ୍କ ସହ ତାଙ୍କର ବନ୍ଧୁତ୍ୱ ଅଲଗା ପ୍ରକାରର ଅଟେ । ଉଭୟ ଭାରତ ଓ ସିଏସକେ ପାଇଁ ଅନେକ ମ୍ୟାଚ୍ ଖେଳିଛନ୍ତି । ଦଳକୁ ମ୍ୟାଚ୍ ମଧ୍ୟ ଜିତାଇଛନ୍ତି । ଅତଶୀଘ୍ର ଉଭୟ ସାକ୍ଷାତ କରିବା ସହ ଆଗାମୀ ରଣନୀତି ବାବଦରେ ଆଲୋଚନା କରିବେ । ସବୁ କିଛି ପୂର୍ବପରି ଠିକଠାକ୍ ହେବ ଓ ଯୋଜନା ଅନୁସାରେ ହେବ ବୋଲି ସେ କହିଛନ୍ତି ।

ରାଇନା ଧୋନୀଙ୍କୁ ବହୁତ ସମ୍ମାନ କରନ୍ତି । ଏହାର ପ୍ରମାଣ ସେ ଗତ ବର୍ଷ ଅଗଷ୍ଟ ୧୫ ତାରିଖରେ ମିଳିଯାଇଥିଲା । କାରଣ ଧୋନୀ ଅନ୍ତରାଷ୍ଟ୍ରୀୟ କ୍ରିକେଟରୁ ଅବସର ନେବା ପରେ ରାଇନା ମଧ୍ୟ ଅବସର ଘୋଷଣା କରିଥିଲେ । ଏହି ସମୟରେ ମଧ୍ୟ ଉଭୟ ଉଭୟଙ୍କର ହାତ ଛାଡିନଥିଲେ ।

   Related Posts