Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

କରୋନା ମହାମାରୀର ମୁକାବିଲା ପାଇଁ କ୍ରିକେଟରଙ୍କ ମଧ୍ୟରେ ସୁରେଶ ରାଇନା ଦେଲେ ସର୍ବାଧିକ ୫୨ ଲକ୍ଷ ଟଙ୍କାର ସହାୟତା

29/03/2020 at 11:50 AM

ନୂଆଦିଲ୍ଲୀ ୨୯।୩: ଅନେକ ଭାରତୀୟ କ୍ରିକେଟର COVID-19 ମହାମାରୀ ବିରୋଧୀ ଲଢେଇରେ ନିଜକୁ ସାମିଲ କରାଇସାରିଛନ୍ତି । ଏହି ମାରାତ୍ମକ ଭାଇରସ୍ ମୁକାବିଲା ପାଇଁ ଭାରତୀୟ ଦଳର ବ୍ୟାଟ୍ସମ୍ୟାନ୍ ସୁରେଶ ରାଇନା ମଧ୍ୟ ସହଯୋଗର ହାତ ବଢାଇଛନ୍ତି । ସେ ଶନିବାର ଦିନ ୫୨ ଲକ୍ଷ ଟଙ୍କା ଦେଇ ଏହି ସଙ୍କଟ ସମୟରେ ଅନ୍ୟମାନଙ୍କୁ ସହାୟତାର ହାତ ବଢାଇବା ପାଇଁ ଅନୁରୋଧ କରିଥିଲେ । ଶୁକ୍ରବାର ଦିନ ସଚିନ ତେନ୍ଦୁଲକର ୫୦ ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରିଥିଲେ ।

ଭାରତୀୟ ଖେଳାଳିଙ୍କ ବିଷୟରେ କହିବାକୁ ଗଲେ ୩୩ ବର୍ଷୀୟ ସୁରେଶ ରାଇନା ଏପର୍ଯ୍ୟନ୍ତ ସର୍ବାଧିକ ସହାୟତା ରାଶି ପ୍ରଦାନ କରିଛନ୍ତି । ରାଇନା ଟ୍ବିଟ୍ କରି କହିଛନ୍ତି, “ଆମ ସମସ୍ତଙ୍କ ପାଇଁ ଏବେ କରୋନାକୁ ହରାଇବାକୁ ସାହାଯ୍ୟ କରିବା ଉଚିତ୍ । କରୋନା ବିରୋଧୀ ଲଢେଇ ପାଇଁ ମୁଁ ୫୨ ଲକ୍ଷ (ପିଏମ୍ କେୟାର୍ସ ପାଣ୍ଠିରେ ୩୧ ଲକ୍ଷ ଏବଂ ୟୁପିର ମୁଖ୍ୟମନ୍ତ୍ରୀ ବିପର୍ଯ୍ୟୟ ପ୍ରଶମନ ପାଣ୍ଠିରେ ୨୧ ଲକ୍ଷ) ଦାନ କରୁଛି । ଦୟାକରି ଆପଣମାନ ମଧ୍ୟ କିଛି ଯୋଗଦାନ କରନ୍ତୁ । ଜୟ ହିନ୍ଦ! ” ।

୨୦୦୫-୧୮ ମଧ୍ୟରେ ବାମହାତୀ ବ୍ୟାଟ୍ସମ୍ୟାନ୍ ସୁରେଶ ରାଇନା ୧୮ଟି ଟେଷ୍ଟ, ୨୨୬ଟି ଦିନିକିଆ ଏବଂ ୭୮ଟି ଟି-୨୦ ଅନ୍ତର୍ଜାତୀୟରେ ଭାରତର ପ୍ରତିନିଧିତ୍ବ କରିଥିଲେ । ସେ ଆଇପିଏଲରେ ଚେନ୍ନାଇ ସୁପର କିଙ୍ଗ୍ସ ପାଇଁ ଖେଳନ୍ତି । ଆଇପିଏଲରେ ଚେନ୍ନାଇ ପାଇଁ ସୁରେଶ ରାଇନା ସର୍ବାଧିକ ରନ୍ ସଂଗ୍ରହ କରିଛନ୍ତି । ରାଇନା ହାରାହାରି ୩୮.୨୮ରେ ୧୬୪ ମ୍ୟାଚ୍ ରେ ସିଏସକେ ପାଇଁ ୪୫୨୭ ରନ୍ ସଂଗ୍ରହ କରିଛନ୍ତି |

ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଶୁକ୍ରବାର ଦିନ COVID-19 ମହାମାରୀର ମୁକାବିଲା କରିବା ପାଇଁ ୫୦ ଲକ୍ଷ ଟଙ୍କା ଦାନ କରିଛନ୍ତି । ସାରା ବିଶ୍ବରେ କରୋନା ମହାମାରୀରେ ୨୮୦୦୦ରୁ ଅଧିକ ଲୋକ ପ୍ରାଣ ହରାଇଥିବାବେଳେ ବର୍ତ୍ତମାନ ସୁଦ୍ଧା ଭାରତରେ ୨୩ ଜଣଙ୍କର ମୃତ୍ୟୁ ହୋଇଛି ।

   Related Posts