Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||
  • ବଡବିଲ : ହାତୀ ଆକ୍ରମଣରେ ଚାଲିଗଲା ଜଣଙ୍କ ଜୀବନ, ଆତଙ୍କ ଖେଳାଇଛନ୍ତି ୧୧ଟିକିଆ ହାତୀ ପଲ
  • ||
  • ଓ୍ବାଶିଂଟନ୍ : ‘ପିଜ୍ଜା ହଟ୍’ର ଶୁଭାରମ୍ଭ କରିଥିବା ଫ୍ରାଙ୍କ୍ କାର୍ନିଙ୍କ ପରଲୋକ
  • ||

ଆଜିଠୁ ବଢିବ ବର୍ଷା : ୨୨ ଯାଏଁ ଆଭ୍ୟନ୍ତରୀଣ ଉତ୍ତର ଓ ପଶ୍ଚିମ ଓଡିଶାରେ ପ୍ରବଳ ବର୍ଷିବ

20/06/2020 at 8:34 AM

ଭୁବନେଶ୍ବର ୨୦।୬: ଏଯାବତ୍‌ ଜୁନ୍‌ରେ ରାଜ୍ୟରେ ବର୍ଷା ପରିମାଣ ସ୍ବାଭାବିକଠୁ ଅଧିକ ରହିଛି । ଆଜି ଠାରୁ ପୁଣି ବର୍ଷା ବଢ଼ିବା ସମ୍ଭାବନା ଅଛି । ୨୨ ଯାଏଁ ରାଜ୍ୟର ଆଭ୍ୟନ୍ତରୀଣ ଉତ୍ତର ଓ ପଶ୍ଚିମ ଓଡିଶାରେ ବର୍ଷା ଅଧିକ ରହିବ । କେତେକ ଜାଗାରେ ପ୍ରବଳ ବର୍ଷା ହୋଇପାରେ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।

ଏହା ସତ୍ତେ୍ୱ ବି ଚଳିତ ଜୁନ୍‌ ମାସ ସରିଲାବେଳକୁ ରାଜ୍ୟରେ ମୌସୁମୀ ବର୍ଷା ନିଅଣ୍ଟିଆ ରହିବ । ଏଭଳି ପୂର୍ବାନୁମାନ କରିଛନ୍ତି କୃଷି ପାଣିପାଗ ବିଶାରଦ ଡକ୍ଟର ସୁରେନ୍ଦ୍ରନାଥ ପଶୁପାଳକ । ବିଶେଷ କରି ଉପକୂଳ ଓଡ଼ିଶାରେ ବର୍ଷାର ଘୋର ଅଭାବ ରହିପାରେ । କେତେକ ଜିଲ୍ଲାରେ ସ୍ବାଭାବିକ ତୁଳନାରେ ୫୦%ରୁ କମ୍‌ ବର୍ଷା ହୋଇପାରେ ।

ପାଣିପାଗ ବିଭାଗ କହିଛି, ଝାଡ଼ଖଣ୍ଡ ଉପରେ ଥିବା ଘୂର୍ଣ୍ଣିବଳୟ ଏବେ ଦକ୍ଷିଣ ପୂର୍ବ ଉତ୍ତରପ୍ରଦେଶ ଉପରେ ଅଛି । ଏହା ପ୍ରଭାବରେ ଶୁକ୍ରବାର ଉତ୍ତର ଓ ପଶ୍ଚିମ ଓଡ଼ିଶାର କେତେକ ଜାଗାରେ ବର୍ଷା ହୋଇଛି । ଆଜି ଉତ୍ତର ଆଭ୍ୟନ୍ତରୀଣ ଓଡ଼ିଶାର ଅଧିକାଂଶ ସ୍ଥାନରେ ବର୍ଷା ହେବ । ବରଗଡ଼, ସୋନପୁର, ସମ୍ବଲପୁର, ଦେବଗଡ଼, ବଲାଙ୍ଗିର, ଅନୁଗୁଳରେ ପ୍ରବଳରୁ ପ୍ରବଳତର ବର୍ଷା ହୋଇପାରେ । ସେହିପରି ଝାରସୁଗୁଡ଼ା, ସୁନ୍ଦରଗଡ଼, କେନ୍ଦୁଝର, ବୌଦ୍ଧ ଓ ଢେଙ୍କାନାଳର ୧/୨ ଟି ଜାଗାରେ ପ୍ରବଳ ବର୍ଷା ଆଶଙ୍କା ଅଛି ।

ଆସନ୍ତା ୨୧ ତାରିଖରେ ରାଜ୍ୟର ଅଧିକାଂଶ ସ୍ଥାନରେ ବର୍ଷା ହେବ । ସୋନପୁର, ବଲାଙ୍ଗିର, ନୂଆପଡ଼ା, ବରଗଡ଼, ସମ୍ବଲପୁର, କଳାହାଣ୍ଡି, ଝାରସୁଗୁଡ଼ାରେ ପ୍ରବଳରୁ ପ୍ରବଳତର ବର୍ଷା ସମ୍ଭାବନା ଅଛି । କନ୍ଧମାଳ, କଟକ, ବୌଦ୍ଧ, ଢେଙ୍କାନାଳ, ଦେବଗଡ଼, ସୁନ୍ଦରଗଡ଼, ଅନୁଗୁଳ ଓ ସୁନ୍ଦରଗଡ଼ରେ ଅଧିକ ବର୍ଷା ହୋଇପାରେ । ୨୨ ତାରିଖରେ ବି ବର୍ଷା ହେବ । ହେଲେ ୨୩ରୁ ବର୍ଷା ପରିମାଣ କମିବ ।

ଡକ୍ଟର ପଶୁପାଳକଙ୍କ ଆକଳନ ହେଲା, ଆଜି ରାଜ୍ୟରେ କାଁ ଭାଁ ବର୍ଷା ହେବ । ୨୧ ଓ ୨୨ ତାରିଖରେ ଅଧିକ ବର୍ଷା ହେବ । ମାତ୍ର ୨୩ରୁ ପାଗ ପ୍ରାୟତଃ ଶୁଖିଲା ଓ ଖରାଟିଆ ରହିବ । ଆସନ୍ତା ୨୧ ଓ ୨୨ ତାରିଖରେ ଗଞ୍ଜାମ, ଗଜପତି, ମୟୂରଭଞ୍ଜ, ସୁନ୍ଦରଗଡ଼, ଅବିଭକ୍ତ କଳାହାଣ୍ଡି ଓ ଅବିଭକ୍ତ ବଲାଙ୍ଗିର ଜିଲ୍ଲାରେ ଅଧିକ ବର୍ଷା ସମ୍ଭାବନା ଅଛି । ଏହି ଦୁଇଦିନରେ ହାରାହାରି ୫୦ରୁ ୬୦ ମିଲିମିଟର ବର୍ଷା ହୋଇପାରେ । ହେଲେ ତା’ ପରେ ବିଶେଷ ବର୍ଷା ନାହିଁ । ଆସନ୍ତା ୭ ଦିନ ଭିତରେ ଏସବୁ ଅଞ୍ଚଳରେ ହାରାହାରି ୬୦-୭୦ ମିମି ବର୍ଷା ହେବା ସମ୍ଭାବନା ଅଛି ।

ପୁରୀ, ଖୋର୍ଦ୍ଧା, କଟକ, ଜଗତସିଂହପୁର, ଯାଜପୁର, ଭଦ୍ରକ, ବାଲେଶ୍ୱରରେ ୨୧ ଓ ୨୨ ତାରିଖରେ ୧୦ରୁ ୨୦ ମିମି ବର୍ଷା ହୋଇପାରେ । ସପ୍ତାହକ ଭିତରେ ଉପକୂଳ ଅଞ୍ଚଳରେ ହାରାହାରି ୩୦ ମିମିରୁ କମ୍‌ ବର୍ଷା ହେବ । ୨୩ ତାରିଖ ପରେ ରାଜ୍ୟରେ ମୌସୁମୀ ଦୁର୍ବଳ ରହିବ । ଏବେ କୌଣସି ଲଘୁୁଚାପ ସମ୍ଭାବନା ନାହିଁ । ତେଣୁ ମୌସୁମୀ ପ୍ରବାହ ଧିମା ରହିବ ।

ଅନୁମାନ କରାଯାଉଛି, ଜୁନ୍‌ ଶେଷ ସୁଦ୍ଧା ରାଜ୍ୟରେ ମୋଟ ବର୍ଷା ପରିମାଣ ସ୍ୱାଭାବିକ ତୁଳନାରେ ୩୦ରୁ ୪୦% କମ୍‌ ରହିବ । ଉପକୂଳ ଓଡ଼ିଶାର କେତେକ ଜିଲ୍ଲାରେ ବର୍ଷା ପରିମାଣ ୫୦%ରୁ କମ୍‌ ବର୍ଷିବ ମୌସୁମୀ । ବର୍ତ୍ତମାନ ସୁଦ୍ଧା ମୌସୁମୀ ସବୁ ଅଞ୍ଚଳରେ ସମାନ ପରିମାଣର ବର୍ଷା ଦେଇନାହିଁ । ଦକ୍ଷିଣ ଓଡ଼ିଶା ସମେତ ସୁନ୍ଦରଗଡ଼, ଝାରସୁଗୁଡ଼ା, ଢେଙ୍କାନାଳରେ ବର୍ଷା ଅଧିକ ଅଛି । ହେଲେ ଉପକୂଳ ଅଞ୍ଚଳରେ ବର୍ଷା ପରିମାଣ ସ୍ୱାଭବିକଠାରୁ କମ୍‌ ରହିଛି ।
ପାଣିପାଗ ବିଭାଗର ଆଜିର ତଥ୍ୟ ଅନୁଯାୟୀ ରାଜ୍ୟରେ ସ୍ୱାଭାବିକଠାରୁ ୨୩% ଅଧିକ ବର୍ଷା ହୋଇଛି । ନବରଙ୍ଗପୁର, ବଲାଙ୍ଗିର, ବୌଦ୍ଧ, ଯାଜପୁର, କେନ୍ଦ୍ରାପଡ଼ାରେ ବର୍ଷା ଯେତିକି ହେବା କଥା ହୋଇନି, ତା’ଠାରୁ କମ୍‌ ରହିଛି ।

   Related Posts