ସାଉଥଆମ୍ପଟନ୍ ୨୧/ ୦୬ : ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଜାରି ରହିଥିବା ବିଶ୍ବ ଟେଷ୍ଟ ଚାମ୍ପିୟନସିପ ଫାଇନାଲ ମ୍ୟାଚରେ ବର୍ଷା ସାଜିଛି ବାଧକ । ବର୍ଷା ଯୋଗୁଁ ପ୍ରଥମ ଦିନ ମ୍ୟାଚ୍ ଧୋଇ ହୋଇଯାଇଥିବା ବେଳେ ଚତୁର୍ଥ ଦିନ ମଧ୍ୟ ସମାନ ପରିସ୍ଥିତି ଦେଖିବାକୁ ମିଳିଛି । ଇଂଲଣ୍ଡର ସାଉଥଆମ୍ପଟନରେ ପ୍ରବଳ ବର୍ଷା ଯୋଗୁଁ ଚୁତର୍ଥ ଦିନ ଖେଳ ଆରମ୍ଭ ହୋଇପାରୁନାହିଁ । ବର୍ଷା ଜାରି ରହିଥିବାରୁ ଚତୁର୍ଥ ଦିନ ଖେଳ ହେବା ମୁସ୍କିଲ ହୋଇପଡିଛି ।
wp:embed {"url":"https://twitter.com/ICC/status/1406908271299026947","type":"rich","providerNameSlug":"twitter","responsive":true,"className":""}ପ୍ରଥମ ଦିନ ବର୍ଷା ଯୋଗୁଁ ଟସ୍ ମଧ୍ୟ ପଡିପାରିନଥିଲା । ଦ୍ବିତୀୟ ଦିନ କିନ୍ତୁ ପାଗ ଭଲ ରହିଥିଲା । ଟସ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ନ୍ୟୁଜିଲାଣ୍ଡ । ଭାରତୀୟ ଦଳ ପ୍ରଥମ ଇନିଂସରେ ବଡ ସ୍କୋର କରିବାକୁ ସକ୍ଷମ ହୋଇପାରିନଥିଲେ । ପ୍ରଥମ ଇନିଂସରେ ମାତ୍ର ୨୧୭ ରନ କରିବାକୁ ସକ୍ଷମ ହୋଇଥିଲା ଭାରତୀୟ ଦଳ । ଜବାବରେ ତୃତୀୟ ଦିନ ଖେଳ ଶେଷ ସୁଦ୍ଧା ୨ ଓ୍ବିକେଟ ହରାଇ ୧୦୧ ରନ କରିଛି ନ୍ୟୁଜିଲାଣ୍ଡ ।
