Sunday, January 20, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ଥଣ୍ଡା ଭିତରେ ଭିଜାଇବ ବର୍ଷା ; ଓଡିଶା ଉପରେ ଟ୍ରପ୍ ଲାଇନ୍, ଦକ୍ଷିଣ ଓଡିଶାରେ ବର୍ଷା

ଭୁବନେଶ୍ବର ୨୭|୧୨:  ଥଣ୍ଡା ଭିତରେ ଭିଜାଇବ ବର୍ଷା । ଆଜି ଦକ୍ଷିଣ ଓଡିଶାରେ ବର୍ଷା ଆଶଙ୍କା ରହିଛି । ଓଡିଶା ଉପରେ ଟ୍ରପ୍ ଲାଇନ ସୃଷ୍ଟି ହୋଇଥିବାରୁ ମାଲକାନଗିରି, କୋରାପୁଟ, ରାୟଗଡା, ନବରଙ୍ଗପୁର ଓ କନ୍ଧମାଳ ଜିଲ୍ଲାର କେତେକ ସ୍ଥାନରେ ହାଲୁକା ବର୍ଷା ହେବ । ପଶ୍ଟିମ ଓଡିଶାର ଗୋଟିଏ ଦୁଇଟି ସ୍ଥାନରେ ବି ବର୍ଷା ହୋଇପାରେ । ୨୮ ତାରିଖ ମଧ୍ୟାହ୍ନ ପର୍ଯ୍ୟନ୍ତ ଏଭଳି ପାଗ ଲାଗିରହିବ । ଆଉ ଏହାପରେ ବଦଳିବ ଚିତ୍ର । ଥଣ୍ଡାର ପ୍ରକୋପ ପୁଣି ଥରେ ବଦଳିବ । ସର୍ବାଧିକ ସ୍ଥାନରେ ସର୍ବନିମ୍ନ ତାପମାତ୍ରା ୧୦ ଡିଗ୍ରୀ ତଳକୁ ଖସି ଆସିବ । ପୂର୍ବରୁ ପଶ୍ଟିମ ହେଉ ଅଥବା ଉତ୍ତରରୁ ଦକ୍ଷିଣ ସମସ୍ତ ସ୍ଥାନରେ ପାରଦ ୨ରୁ ୩ ଡିଗ୍ରୀ ପର୍ଯ୍ୟନ୍ତ କମିବ । ଅସ୍ତବ୍ୟସ୍ତ କରିଦେଲା ଭଳି ଥଣ୍ଡା ହେବ । ଅଭ୍ୟନ୍ତରୀଣ ଓଡିଶାର ଗୋଟିଏ ଦୁଇଟି ସ୍ଥାନରେ ତୁଷାରପାତ ହେବା ଦାରିଙ୍ଗବାଡି ଓ ଫୁଲବାଣୀରେ ପାରଦ ସର୍ବନିମ୍ନ ସ୍ତରକୁ ଚାଲିଯିବ । ଉପକୂଳ ଓଡିଶାରେ ବି ସମାନ ଅବସ୍ଥା ସୃଷ୍ଟି ହେବ । କେତେକ ସ୍ଥାନରେ ରାତିରେ ପାରଦ ୮ ଡିଗ୍ରୀ ରହିବ । ପ୍ରବଳ ଥଣ୍ଡାକୁ ଦୃଷ୍ଟିରେ ରଖି ପ୍ରଶାସନକୁ ସଜାଗ ରହିବାକୁ କୁହାଯାଇଛି ।

464 Views

   You May Also Like