ଭୁବନେଶ୍ବର ୬।୨: ସାରା ରାଜ୍ୟରେ କୋହଲା ପାଗ । ଏଭଳି ପାଗ ଆସନ୍ତା ୯ ତାରିଖ ଯାଏଁ ଲାଗି ରହିବ । ୧୦ ତାରିଖ ପରଠୁ ପାଗରେ ପରିବର୍ତ୍ତନ ଆସିବା ସାଙ୍ଗକୁ ଶୀତ ବଢିବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ ।
ଉପକୂଳ ଓ ଆଭ୍ୟନ୍ତରୀଣ ଓଡ଼ିଶାରେ ଘଡଘଡି ସହ ସ୍ବଳ୍ପରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ସେଥିପାଇଁ ୧୪ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଏଥିସହ କନ୍ଧମାଳ, କଳାହାଣ୍ଡି, କୋରାପୁଟ ଓ ମାଲକାନଗିରିରେ ଘନ କୁହୁଡି ଦେଖାଯିବ ।
ସେହିପରି ୭ ତାରିଖରେ ଦେବଗଡ଼, ସମ୍ବଲପୁର, ଅନୁଗୁଳୁ, ବଲାଙ୍ଗୀର ଏବଂ ସେ।ନପୁରର ଗେ।ଟିଏ ଦୁଇଟି ସ୍ଥାନରେ ବର୍ଷା ସହ କୁଆପଥର ପଡିବା ସମ୍ଭାବନା ରହିଛି । ୮ ତାରିଖ ଦିନ ଉପକୂଳ ଓଡ଼ିଶା ଏବଂ ଦକ୍ଷିଣ ଆଭ୍ୟନ୍ତରୀଣ ଓଡ଼ିଶାର ଅଧିକାଂଶ ସ୍ଥାନରେ ବର୍ଷା ହେବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ ।