Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ପ୍ରବାସୀ ଶ୍ରମିକଙ୍କୁ ନିଜ ରାଜ୍ୟକୁ ଫେରାଇ ଆଣିବା ପାଇଁ ଚାଲିଲା ପ୍ରଥମ ସ୍ୱତନ୍ତ୍ର ଟ୍ରେନ୍

1/05/2020 at 5:00 PM

ଲିଙ୍ଗମପଲ୍ଲୀ ୦୧/୦୫ : ପ୍ରବାସୀ ଶ୍ରମିକଙ୍କୁ ନିଜ ନିଜ ଘରକୁ ପହଞ୍ଚାଇବା ପାଇଁ ପ୍ରଥମ ଟ୍ରେନ ଆରମ୍ଭ ହୋଇଛି | ତେଲେଙ୍ଗାନା ଲିଙ୍ଗମପଲ୍ଲୀରୁ ଝାରଖଣ୍ଡ ହଟିଆ ପର୍ଯ୍ୟନ୍ତ ଏକ ସ୍ୱତନ୍ତ୍ର ଟ୍ରେନ ଆରମ୍ଭ ହୋଇଛି | ଏହି ଟ୍ରେନ ଆଜି ସକାଳୁ ଲିଙ୍ଗମପଲ୍ଲୀରୁ ବାହାରିଛି ଯାହା ରାତି ୧୧ଟା ରେ ହଟିଆରେ ପହଞ୍ଚିବ |

ଅନେକ ରାଜ୍ୟ ନିଜ ରାଜ୍ୟର ପ୍ରବାସୀ ଶ୍ରମିକଙ୍କୁ ଫେରାଇ ଆଣିବା ପାଇଁ ସ୍ୱତନ୍ତ୍ର ଟ୍ରେନ ଚଲାଇବା ପାଇଁ କେନ୍ଦ୍ର ସରକାରଙ୍କୁ ଦାବି କରିଥିଲେ | ତେବେ ଆଜି ଏନେଇ ପ୍ରଥମ ସ୍ୱତନ୍ତ୍ର ଟ୍ରେନ ଆରମ୍ଭ ହୋଇଛି ଯାହାକୁ ନେଇ ପ୍ରଶ୍ନ ଉଠିଛି | ଏନେଇ ରେଳବାଇର ଅଧିକାରୀ ବୟାନ ଜାରି କରିଛନ୍ତି | ସେ କହିଛନ୍ତି ଯେ, ଆଜି ସକାଳୁ ଏକ ସ୍ୱତନ୍ତ୍ର ଟ୍ରେନ ଲିଙ୍ଗମପଲ୍ଲୀରୁ ହଟିଆକୁ ଯାଇଛି | ତେଲେଙ୍ଗାନା ସରକାରଙ୍କ ଅପିଲ ଓ ରେଳ ମନ୍ତ୍ରାଳୟର ନିର୍ଦେଶ ପରେ ଏହି ନିଷ୍ପତ୍ତି ନିଆଯାଇଛି ବୋଲି ସେ କହିଛନ୍ତି | ସମସ୍ତ ଆବଶ୍ୟକୀୟ ସାବଧାନତା ଅବଲମ୍ବନ କରାଯାଇଛି | ଯାତ୍ରୀଙ୍କ ସ୍କ୍ରିନିଙ୍ଗ, ଷ୍ଟେସନ ଓ ଟ୍ରେନରେ ସାମାଜିକ ଦୂରତା ପାଳନ କରାଯାଇଛି | ବର୍ତ୍ତମାନ କେବଳ ଗୋଟିଏ ହିଁ ସ୍ୱତନ୍ତ୍ର ଟ୍ରେନ ଆରମ୍ଭ ହୋଇଛି | ଆଗକୁ ରେଳ ମନ୍ତ୍ରାଳୟର ନିର୍ଦେଶ ଓ ରାଜ୍ୟ ସରକାରଙ୍କ ଅପିଲ ପରେ ଅନ୍ୟ ରାଜ୍ୟକୁ ସ୍ୱତନ୍ତ୍ର ଟ୍ରେନ ଚଳାଚଳ ଉପରେ ନିଷ୍ପତ୍ତି ନିଆଯିବ ବୋଲି ଅଧିକାରୀ କହିଛନ୍ତି | କିନ୍ତୁ ଏଥିପାଇଁ ରେଳ ମନ୍ତ୍ରାଳୟ ସହ ଉଭୟ ପକ୍ଷ ରାଜ୍ୟ ସରକାର ରାଜି ହେଲେ ସ୍ୱତନ୍ତ୍ର ଟ୍ରେନ ଆରମ୍ଭ ହେବ ବୋଲି ସେ କହିଛନ୍ତି | ବସ ବଦଳରେ ଟ୍ରେନ ଚଲାଇବା ପାଇଁ ରାଜସ୍ତାନ, ପଞ୍ଜାବ, ତେଲେଙ୍ଗାନା, କେରଳ, ବିହାର ଓ ଝାରଖଣ୍ଡ ସରକାର ଅପିଲ କରିଥିଲେ | ଏହି ଅପିଲ ପରେ କେନ୍ଦ୍ରୀୟ ଗୃହ ମନ୍ତ୍ରାଳୟର ମହା ସଚିବ ପୁଣ୍ୟ ସଲିଲ ଶ୍ରୀବାସ୍ତବ ଏପ୍ରିଲ ୩୦ ତାରିଖରେ କହିଥିଲେ ଯେ, ବର୍ତ୍ତମାନ ମିଳିଥିବା ଆଦେଶ ଅନୁଯାୟୀ ପ୍ରବାସୀ ଶ୍ରମିକଙ୍କୁ ବସରେ ନିଜ ନିଜ ରାଜ୍ୟକୁ ଫେରିବାକୁ ଅନୁମତି ମିଳିଛି |

ରାଜସ୍ତାନ ସ୍ୱାସ୍ଥ୍ୟମନ୍ତ୍ରୀ ରଘୁ ଶର୍ମାଙ୍କ ବୟାନ ମଧ୍ୟ ଆସିଛି | ସେ କହିଛନ୍ତି ଯେ, ମୁଖ୍ୟମନ୍ତ୍ରୀ ଅଶୋକ ଗେହଲତ ପ୍ରବାସୀ ଶ୍ରମିକ ନିଜ ଘରକୁ ଫେରିବା ପାଇଁ ସ୍ୱତନ୍ତ୍ର ଟ୍ରେନ ଚଲାଇବା ପାଇଁ କେନ୍ଦ୍ର ସରକାରଙ୍କୁ ଦାବି କରିଥିଲେ | ମୁଖ୍ୟମନ୍ତ୍ରୀଙ୍କ ଏହି ପ୍ରସ୍ତାବରେ କେନ୍ଦ୍ର ସରକାର ରାଜି ହୋଇଥିଲେ |

ମୁଖ୍ୟମନ୍ତ୍ରୀ କହିଛନ୍ତି ଯେ, ଭିଡିଓ କନ୍ଫରେନସିଂ ଜରିଆରେ ସମସ୍ତ ଜିଲ୍ଲା ଅଧିକାରୀଙ୍କୁ ସୂଚନା ଦିଆଯାଇଛି ଯେ ସେମାନେ ରେଳବାଇର ଜିଏମ ଓ ଅଧିକାରୀଙ୍କ ସହ ଆଲୋଚନା କରି ଟ୍ରେନର ରୁଟ ପ୍ରସ୍ତୁତ କରନ୍ତୁ ଏବଂ ଶ୍ରମିକଙ୍କୁ ନିଜ ଘରକୁ ଫେରାଇ ଆଣିବା ପାଇଁ ବ୍ୟବସ୍ଥା କରନ୍ତୁ | ଅଶୋକ ଗେହଲତ କହିଛନ୍ତି, ସେ କେ ପୋର୍ଟାଲ ତିଆରି କରିଛନ୍ତି ଯେଉଁଥିରେ ରାଜସ୍ତାନ ଆସୁଥିବା କିମ୍ବା ରାଜସ୍ତାନରୁ ଯାଉଥିବା ଲୋକଙ୍କ ପଞ୍ଜିକରଣ କରାଯାଉଛି | ଗତକାଲି ରାତି ସୁଦ୍ଧା ଏଥିରେ ୧୦ ଲକ୍ଷ ଲୋକଙ୍କ ନା ପଞ୍ଜିକରଣ ହୋଇସାରିଛି | ବସରେ ୧୦ ଲକ୍ଷ ଲୋକଙ୍କୁ ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ ନେବା ସହଜ ନୁହେଁ ବୋଲି ସେ କହିଛନ୍ତି |

ରଘୁ ଶର୍ମା କହିଛନ୍ତି ଯେ, ଯେଉଁମାନେ ବାହାର ରାଜ୍ୟରୁ ଆସୁଛନ୍ତି ତାଙ୍କ ପାଇଁ କ୍ଵାରେଣ୍ଟିନ କେନ୍ଦ୍ର ପ୍ରସ୍ତୁତ କରାଯାଇଛି | ଗାଁ ବାହାରେ କ୍ଵାରେଣ୍ଟିନ କେନ୍ଦ୍ର କରାଯାଇଛି | ସମସ୍ତଙ୍କୁ ୧୪ ଦିନ ପାଇଁ କ୍ଵାରେଣ୍ଟିନରେ ରଖାଯିବ |

ସୂଚନାଯୋଗ୍ୟ ଯେ, ରାଜସ୍ତାନର ୮ଟି ଜିଲ୍ଲା ରେଡ ଜୋନ ଅନ୍ତର୍ଗତ କରାଯାଇଛି | ଏହିସବୁ ସ୍ଥାନରେ ସମସ୍ତ ନିୟମ କଡାକଡି କରାଯାଇଛି | ଏହିସବୁ ଜିଲ୍ଲାକୁ ଶୀଘ୍ର ଅରେଞ୍ଜ ଜୋନ କରିବାକୁ ଜିଲ୍ଲା ପ୍ରଶାସନ ଉଦ୍ୟମ କରୁଛନ୍ତି |

   Related Posts