Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

କରୋନାକୁ ହରାଇବା ପାଇଁ ହାତ ବଢାଇଲା ଭାରତୀୟ ରେଲଓ୍ଵେ, PM CARESରେ ଦେବ ୧୫୧ କୋଟି

29/03/2020 at 3:15 PM

ନୂଆଦିଲ୍ଲୀ ୨୯।୦୩: କରୋନା ଭାଇରସ୍ ମୁକାବିଲା ଲାଗି ଭାରତୀୟ ରେଲଓ୍ଵେ ପକ୍ଷରୁ ପିଏ କେୟାର୍ସ ପାଣ୍ଠିରେ ୧୫୧  କୋଟି ଟଙ୍କା ସହାୟତା ରାଶି ଦିଆଯିବ। ରେଳ ମନ୍ତ୍ରୀ ପିୟୂଷ ଗୋଏଲ ରବିବାର ଟୁଇଟ୍ କରି ଏହାର ସୂଚନା ଦେଇଛନ୍ତି। ମନ୍ତ୍ରୀ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ଵାନକ୍ରମେ ମୁଁ ଏବଂ ମୋର ସାଥୀ ରେଳ ରାଷ୍ଟ୍ର ମନ୍ତ୍ରୀ ସୁରେଶ ଅଙ୍ଗଡି ଗୋଟିଏ ମାସର ଦରମା, ରେଲଓ୍ଵେର ୧୩ ଲକ୍ଷ କର୍ମଚାରୀ ଏବଂ ପିଏସୟୁ ସାଥୀଙ୍କ ଗୋଟିଏ ଦିନର ବେତନରୁ ପିଏମ କେୟାର୍ସରେ ୧୫୧ କୋଟି ଟଙ୍କା ସହଯୋଗ ରାଶି ଦିଆଯିବ। ସାଥୀଙ୍କ ସହଯୋଗ ନେଇ ମୁଁ ଅଭିଭୂତ। ମୋର ପ୍ରାର୍ଥନା ଦେଶ ସୁସ୍ଥ ଓ ସୁରକ୍ଷିତ ରହୁ ବୋଲି ପିୟୂଷ ଗୋଏଲ କହିଛନ୍ତି।

ଏହା ପୂର୍ବରୁ ପିୟୂଷ ଗୋଏଲ ଟୁଇଟ୍ ଜରିଆରେ ଏହାର ସୂଚନା ଦେଇଛନ୍ତି ଯେ, ନୂଆଦିଲ୍ଲୀ ସ୍ଥିତ ନିଜାମୁଦ୍ଦୀନ ଓ ଶକୁରବସ୍ତି ରେଲଓ୍ଵେ ଷ୍ଟେସନରେ ୨୦୦୦ ବ୍ୟକ୍ତିଙ୍କ ପାଇଁ ଭୋଜନ ବ୍ୟବସ୍ଥା କରାଯାଇଛି। କରୋନା ବିପଦ ସମୟରେ ଲକ୍‌ଡାଉନ୍‌ରେ ଫସିଥିବା ଲୋକଙ୍କ ପାଇଁ ଭୋଜନର ବ୍ୟବସ୍ଥା କରି ରେଲଓ୍ଵେ ନିଜ ସେବାର ଦାୟିତ୍ଵ ସୁଚାରୁ ରୂପେ ନିର୍ବାହ କରୁଛି।

ଉଲ୍ଲେଖଯୋଗ୍ୟ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କରୋନା ଭାଇରସର ମୁକାବିଲା ପାଇଁ ଲୋକଙ୍କୁ ସାହାଯ୍ୟ ପାଇଁ ଅପିଲ୍ କରିଛନ୍ତି। ପ୍ରଧାନମନ୍ତ୍ରୀ ମୋଦୀ ଲୋକଙ୍କକୁ ପିଏମ କେୟାର୍ସ ଫଣ୍ଡରେ ସହଯୋଗ ଦେବାକୁ କହିଛନ୍ତି। ଏହା ସହିତ ଆକାଉଣ୍ଟ ନମ୍ବର ମଧ୍ୟ ଜାରି କରାଯାଇଛି।

   Related Posts