ରାୟଗଡା ୨୬|୬: ସମଲେଶ୍ବରୀ ଏକ୍ସପ୍ରେସରେ ନିଆଁ ଲାଗି ୩ ଜଣଙ୍କ ମୃତ୍ୟୁ ଘଟଣାରେ ତନାଘନା ଆରମ୍ଭ । ରେଲୱେ ସେଫଟି କମିଶନର୍ ଦୁର୍ଘଟଣାର ତଦନ୍ତ କରୁଛନ୍ତି ।  ସେ ଘଟଣାସ୍ଥଳ ପରିଦର୍ଶନ କରି କିଭଳି ସ୍ଥିତିରେ ଏହି ଦୁର୍ଘଟଣା ଘଟିଲା ତାର କାରଣ ଖୋଜିବେ । ଗତକାଲି  ବିଶାଖାପାଟନମ୍ ଡି.ଆର୍.ଏମ୍ ଚେତନ ଶ୍ରୀବାସ୍ତବ ଘଟଣାସ୍ଥଳକୁ ଯାଇ ସ୍ଥିତି ପରଖିଥିଲେ ।

{"id":127328,"width":578,"height":434}

ସେପଟେ ମରାମତି ପରେ କୋରାପୁଟ-ରାୟଗଡା ରୁଟ୍ ରେ ଟ୍ରେନ ଚଳାଚଳ ସ୍ବାଭାବିକ ହୋଇଛି । ଗତକାଲି ହାୱଡ଼ା ଜଗଦଲପୁର ସମଲେଶ୍ବରୀ ଏକ୍ସପ୍ରେସରେ ନିଆଁ ଲାଗିଯାଇଥିଲା ।  ଏଥିରେ ୩ ଜଣ ରେଳ କର୍ମଚାରୀଙ୍କ ମୃତ୍ୟୁ ହୋଇଥିବା ବେଳେ, ୨ ଷ୍ଟେସନ ମାଷ୍ଟରଙ୍କ ସହ ୫ ଜଣଙ୍କୁ ଘଟଣାରେ ନିଲମ୍ବନ କରାଯାଇଛି ।