ଯାଜପୁର ୧୮।୦୩ : ଯାଜପୁର ଜିଲ୍ଲା ବ୍ୟାସନଗର ସହରର ବିଭିନ୍ନ ଔଷଧ ଦୋକାନରେ ସ୍ବାସ୍ଥ୍ୟବିଭାଗର ଚଢାଉ । ମାସ୍କ, ହ୍ୟାଣ୍ଡୱାସ୍ ଓ ସାନିଟାଇଜର୍ କଳାବଜାରୀ ପ୍ରସଙ୍ଗରେ ଚଢାଉ କରାଯାଇଥିବା ସୂଚନା ମିଳିଛି । ଡ୍ରଗ ଇନିସ୍ପେକ୍ଟରଙ୍କ ନେତୃତ୍ବରେ ଚଢାଉ କରାଯାଇଛି ।
{"id":240317,"sizeSlug":"large"}
କରୋନା ସଂକ୍ରମଣ ଭୟରେ ଲୋକେ ମାସ୍କ, ହ୍ୟାଣ୍ଡୱାସ୍ ଓ ସାନିଟାଇଜର୍ ନେବା ପାଇଁ ବିଭିନ୍ନ ଔଷଧ ଦୋକାନରେ ଭିଡ ଲଗାଇଛନ୍ତି । ତେବେ ଏହାର ସୁଯୋଗ ନେଇ କିଛି ଅସାଧୁ ବ୍ୟବସାୟୀ ଚଢା ଦରରେ ଏସବୁ ସାମଗ୍ରୀ ବିକ୍ରି କରୁଥିବା ଅଭିଯୋଗ ହୋଇଥିଲା । ତେବେ ଅଭିଯୋଗ ପାଇବା ପରେ ଜିଲ୍ଲା ଡ୍ରଗ୍ ଇନସ୍ପେକ୍ଟରଙ୍କ ନେତୃତ୍ୱରେ ଏକ ଟିମ୍ ବ୍ୟାସନଗର ସହରରେ ଥିବା ବିଭିନ୍ନ ମେଡିସିନ୍ ଷ୍ଟୋର ଉପରେ ଚଢାଉ କରିଛି । ଚଢାଉ ସମୟରେ ଦୋକାନରେ କେତେ ମାସ୍କ, ହ୍ୟାଣ୍ଡୱାସ୍ ଓ ସାନିଟାଇଜର୍ ମହଜୁଦ ଅଛି । କେତେ ଦରରେ ବିକ୍ରି ହେଉଛି ତାର ତଦାରଖ କରିଥିଲେ । ଯଦି କୌଣସି ଓୌଷଧ ଦୋକାନୀ ଚଢା ଦରରେ ଏହି ସାମଗ୍ରୀ ବିକ୍ରି କରନ୍ତି । ତେବେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ଡ୍ରଗ୍ ଅଧିକାରୀ କହିଛନ୍ତି ।
