ବ୍ରହ୍ମପୁର ୨୮।୧: ବ୍ରହ୍ମପୁର ବଡବଜାର ସୋମନାଥ ନଗରରେ ପୋଲିସର ଚଢାଉ । ବେଆଇନ ଟମାଟୋ ସସ୍ ପ୍ରସ୍ତୁତକାରୀ ୟୁନିଟ୍ ଉପରେ ଚଢାଉ କରିଛି ପୋଲିସ । ଚଢାଉ ବେଳେ ବିପୁଳ ପରିମାଣର ସାମଗ୍ରୀ,  ବୋଟଲ୍, ଫ୍ୟାମିଲି ବ୍ରାଣ୍ଡ ନାମର ଷ୍ଟିକର୍ ଜବତ ହୋଇଛି । ପ୍ରସ୍ତୁତକାରୀ ଶଙ୍କର ସ୍ବାଇଁଙ୍କୁ ପୋଲିସ ଗିରଫ କରିଛି । ଚଢାଉ ପରେ ଉକ୍ତ ୟୁନିଟକୁ ସିଲ୍ କଲା ପୋଲିସ । ବ୍ରହ୍ମପୁର ଅତିରିକ୍ତ ଏସପି ପ୍ରଭାତ ରାଉତରାୟ ଏ ନେଇ ସୂଚନା ଦେଇଛନ୍ତି ।

ଦୀର୍ଘଦିନ ହେଲା ଏହି ସ୍ଥାନରେ ନକଲି କାରଖାନା ଚାଲିଥିବା ନେଇ ପୋଲିସ ନିକଟରେ ଅଭିଯୋଗ ହୋଇଆସୁଥିଲା । ଏନେଇ ପୋଲିସ ନିକଟରେ ଅଭିଯୋଗ ହୋଇଥିଲା । ପରେ ଏସ୍‌ପିଙ୍କ ନିର୍ଦ୍ଦେଶକ୍ରମେ ଏଠାରେ ଚଢାଉ କରାଯାଇଥିଲା । ଚଢାଉରେ ବିପୁଳ ପରିମାଣରେ ନକଲି ସାମଗ୍ରୀ ଜବତ ହୋଇଛି ।

ପୂର୍ବରୁ ବଡ଼ବଜାର ଅଞ୍ଚଳରେ ନକଲି ମସଲା କାରବାର ହେଉଥିବା ନେଇ ପୋଲିସକୁ ଖବର ମିଳିବା ପରେ ଏକ ସ୍ୱତନ୍ତ୍ର ଟିମ୍‌ ଗଠନ କରି ଚଢାଉ କରିଥିଲା । ବଡ଼ବଜାର ଅଞ୍ଚଳରେ ଚଢାଉ କରିଥିଲା ପୋଲିସ । ଏହି ଚଢାଉ ବେଳେ ପୋଲିସ ବିପୁଳ ପରିମାଣର ନକଲି ମସଲା ଜବତ କରିଥିଲା । ପାଣ୍ଡବନଗରରେ ମଧ୍ୟ ଚଢାଉ କରିଥିଲା ପୋଲିସ ।