ନୂଆଦିଲ୍ଲୀ ୦୬/୦୭: 'ବିଗ୍ ବସ୍ ୧୪' ଫେମ୍ ରାହୁଲ ବୈଦ୍ୟ ଏବଂ ଦିଶା ପରମାରଙ୍କ ଲଭ୍ ଷ୍ଟୋରୀ ସମସ୍ତେ ଜାଣନ୍ତି । ରାହୁଲ ବିଗ୍ ବସ୍ ଘରେ ବିବାହ ପାଇଁ ଦିଶାଙ୍କୁ ପ୍ରପୋଜ୍ କରିଥିଲେ । ସେବେଠାରୁ ଫ୍ୟାନ୍ସମାନେ ଏହି ଦମ୍ପତିଙ୍କ ବିବାହକୁ ଅପେକ୍ଷା କରିଛନ୍ତି । ତେବେ କରୋନା ମହାମାରୀ ହେତୁ ଏହି ବିବାହକୁ ସ୍ଥଗିତ ରଖାଯାଇଥିଲା। ବର୍ତ୍ତମାନ ରାହୁଲ ଏବଂ ଦିଶା ଖୁବ୍ ଶୀଘ୍ର ବିବାହ କରିବାକୁ ଯାଉଛନ୍ତି ବୋଲି ଖବର ଆସିଛି। ନିକଟରେ ରାହୁଲ ବିବାହ ତାରିଖ ବିଷୟରେ ପ୍ରକାଶ କରିଛନ୍ତି।।
{"width":579,"height":325}
ରାହୁଲ କହିଛନ୍ତି ଯେ ସେ ଏବଂ ଦିଶା ଚଳିତ ବର୍ଷ ଜୁଲାଇ ୧୬ ରେ ବିବାହ କରିବାକୁ ଯାଉଛନ୍ତି । ରାହୁଲ ଇନଷ୍ଟାଗ୍ରାମରେ ବିବାହ କାର୍ଡର ଏକ ଫଟୋ ମଧ୍ୟ ସେୟାର କରିଛନ୍ତି। ଯେଉଁଥିରେ ବିବାହ ତାରିଖ ଲେଖାଯାଇଛି । ଏହା ସହିତ ଦିଶା ଏବଂ ରାହୁଲଙ୍କ ନାମରେ #TheDisHulWedding ହ୍ୟାସଟ୍ୟାଗ୍ ଦିଆଯାଇଛି । ସୂଚନା ଅନୁଯାୟୀ, ରାହୁଲ ଏବଂ ଦିଶା ବୈଦିକ ରୀତିନୀତି ଅନୁଯାୟୀ ବିବାହ କରିବେ। କରୋନା ନିୟମ ହେତୁ ଏହି ବିବାହରେ କେବଳ ଘନିଷ୍ଠ ବନ୍ଧୁ ଏବଂ ସମ୍ପର୍କୀୟମାନେ ଯୋଗଦେବେ ।
wp:html/wp:html
ବିଗ୍ ବସ୍ ମାଧ୍ୟମରେ ଲୋକମାନେ ରାହୁଲ ଏବଂ ଦିଶାଙ୍କ ଲଭ୍ ଷ୍ଟୋରୀ ବିଷୟରେ ଜାଣିଥିଲେ। ଶୋ’ରେ ମଧ୍ୟ ରାହୁଲ ଦିଶାଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ। ଏଥି ସହିତ, ଏହି ଦମ୍ପତିଙ୍କ ବିବାହ ଖବର ଚର୍ଚ୍ଚାରେ ରହିଛି । ରାହୁଲ ଏବଂ ଦିଶା ବିଗ୍ ବସ୍ ୧୪ ଘରୁ ବାହାରିବା ଦିନଠାରୁ ଏକାଠି ସମୟ ଅତିବାହିତ କରୁଛନ୍ତି । ଏଥିସହିତ ଫ୍ୟାନ୍ସମାନେ ରାହୁଲ ଏବଂ ଦିଶାଙ୍କ ବିବାହକୁ ଉତ୍ସାହର ସହିତ ଅପେକ୍ଷା କରିଛନ୍ତି।
