ହାଥରସ ୦୩/୧୦ : ପ୍ରିୟଙ୍କା ଗାନ୍ଧୀ ଓ ରାହୁଲ ଗାନ୍ଧୀଙ୍କୁ ଉତ୍ତର ପ୍ରଦେଶ ସରକାର ହାଥରସ ଯିବାକୁ ଅନୁମତି ଦେଇଛନ୍ତି। ରାହୁଲ-ପ୍ରିୟଙ୍କାଙ୍କ ସମେତ ଆଉ ୫ ଜଣଙ୍କୁ ହାଥରସ ଯିବାକୁ ଅନୁମତି ମିଳିଛି। ଅନୁମତି ସହ ସାମାଜିକ ଦୂରତା ନିୟମ ପାଳନ କରିବାକୁ କୁହାଯାଇଛି। ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀଙ୍କ ସହିତ କଂଗ୍ରେସ ମହାସଚିବ କେସି ବେଣୁଗୋପାଳ, ଲୋକସଭା କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀଙ୍କୁ ହାଥରସ ଯିବାକୁ ଅନୁମତି ଦିଆଯାଇଛି ।
କିଛି ସର୍ତ୍ତ ଅନୁଯାୟୀ ପ୍ରଶାସନ ରାହୁଲ-ପ୍ରିୟଙ୍କାଙ୍କୁ ହାଥରସ ଯିବାକୁ ଓ ପୀଡିତା ପରିବାରକୁ ସାକ୍ଷାତ କରିବାକୁ ଅନୁମତି ଦେଇଛି। ମାସ୍କ ଲଗାଇବା, କରୋନା କଟକଣା ପାଳନ କରିବା ଆଦି ସର୍ତ୍ତ ସାମିଲ ରହିଛି। ପ୍ରଶାସନର ଅନୁମତି ମିଳିବା ପରେ ରାହୁଲଙ୍କ ଗାଡି ଆଗକୁ ବଢିଥିଲା।
