ନୂଆଦିଲ୍ଲୀ ୨୫/୧୦: ମଧ୍ୟପ୍ରଦେଶ ଉପନିର୍ବାଚନ ପୂର୍ବରୁ କଂଗ୍ରେସ ବିଧାୟକ ପ୍ରଦ୍ୟୁମ୍ନ ସିଂହ ବିଜେପିରେ ସାମିଲ ହେବା ପରେ ଏବେ ତାଙ୍କ ସାନ ଭାଇ ରାହୁଲ ଲୋଧି ବିଜେପିରେ ମିଶିଛନ୍ତି। ସେ ଦଳରୁ ଇସ୍ତଫା ଦେଇ ଆଜି ବିଜେପିରେ ବିଧିବଦ୍ଧ ଭାବେ ସାମିଲ ହୋଇଛନ୍ତି। ସିଏମ ଶିବରାଜ ସିଂହଙ୍କ ଉପସ୍ଥିତିରେ ଭାରତୀୟ ଜନତା ଦଳର ସଦସ୍ୟତା ଗ୍ରହଣ କରିଛନ୍ତି ରାହୁଲ।
{"id":350527,"sizeSlug":"large"}
ତେବେ ଗତମାସରେ ବିଜେପି ଉପରେ ଗମ୍ଭୀର ଅଭିଯୋଗ ଲଗାଇ କହିଥିଲେ ପରିସ୍ଥିତି ଯାହା ବି ହୋଇ ଗଜଲେ ମଧ୍ୟ କେବେ ବି ସେ କଂଗ୍ରେସର ହାତ ଛାଡିବେ ନାହିଁ କହିଥିଲେ। ୨୦୦୩ରେ ସେ କଂଗ୍ରେସରେ ସାମିଲ ହୋଇଥିଲେ। ସେବେଠୁ ନେଇ ଏବେ ସୁଦ୍ଧା ସେ କଂଗ୍ରେସ ସହ ସବୁ ପରିସ୍ଥିତିରେ ରହି ଆସିଥିଲେ। କଂଗ୍ରେସ ତାଙ୍କୁ ଦମୋହ ବିଧାନସଭାରୁ ପ୍ରାର୍ଥୀ କରିଥିଲା। ରାହୁଲ ସବୁବେଳେ କହି ଆସୁଥିଲେ କଂଗ୍ରେସ ଦଳ ହିଁ ତାଙ୍କୁ ବିଧାୟକ କରିଛି ଓ ସେ କେବେ ବି କଂଗ୍ରେସ ଛାଡିବେ ନାହିଁ। ତେବେ ଏବେ ଉପନର୍ବାଚନର ଗୋଟିଏ ସପ୍ତାହ ପୂର୍ବରୁ ସେ ବିଜେପିରେ ସାମିଲ ହୋଇଛନ୍ତି।
wp:core-embed/twitter {"url":"https://twitter.com/ANI/status/1320252931405348864","type":"rich","providerNameSlug":"twitter","className":""}ବିଜେପିରେ ସାମିଲ ହେବା ପରେ ରାହୁଲ କହିଛନ୍ତି ଦମୋହରେ ମେଡିକାଲ କଲେଜ ଖୋଲିବାର ଥିଲା ମାତ୍ର କମଲନାଥ ୧୫ ମାସ ହେବ କିଛି କଲେ ନାହିଁ। ବିକାଶ କଥା ହିଁ ଆଲୋଚନା ହୋଇ ନାହିଁ। ମାତ୍ର ବିଜେପି ସରକାର ୬ ମାସରେ ଯାହା ବି ବିକାଶମୂଳକ କାର୍ଯ୍ୟକ୍ରମ କରିଛନ୍ତି ତାକୁ ନଜରରେ ରଖି ସେ ବିଜେପିରେ ସାମିଲ ହୋଇଥିବା କହିଛନ୍ତି।
